მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მიშა ვანოს პირდაპირ ვერ უშვებს დასაკარგავში, რადგან ერთმანეთზე ბევრი კომპრომატი აქვთ" - რა ხდება "ნაცმოძრაობაში" სააკაშვილის პოლიტიკაში დაბრუნების შემდეგ?
11:39 / 20-06-2023
პატიმრობაში მყოფმა ექსპრეზიდენტმა მიხეილ სააკაშვილმა გასული წლის ივლისში საზოგადოებას მისი ქართული პოლიტიკიდან გასვლის შესახებ ამცნო. როგორც მისი ადვოკატები იუწყებოდნენ, პაციენტის მდგომარეობა იმდენად მძიმე იყო, რომ ყველანაირი პოლიტიკისგან ითავისუფლებდა თავს, მისახედი ჰქონდა ჯანმრთელობის მდგომარეობა და აქედან გამომდინარე, მას არც "ნაციონალური მოძრაობა" და არც ქართული პოლიტიკა არ აინტერესებდა. ისინი იმასაც ამბობდნენ, რომ პატიმარ სააკაშვილის რეაბილიტაციას ხანგრძლივი პერიოდი სჭირდებოდა და თუ ამის შემდეგ პოლიტიკაში დაბრუნდებოდა, მხოლოდ და მხოლოდ უკრაინაში და არავითარ შემთხვევაში, საქართველოში.
თითქმის ერთი წლის შემდეგ კი, ენმ-ს დამფუძნებელი ამბობს, რომ ჩაერთვება როგორც უკრაინულ, ისე ქართულ პოლიტიკაში და დაამარცხებს "გარუსებულ საქართველოს მოღალატეებს".
"საქართველოს ღალატმა და გარუსების მცდელობამ შეაღწია უკვე ყველა დონეზე. მიუხედავად ჯანმრთელობის მდგომარეობისა, ვაპირებ, ძალიან აქტიურად ჩართვას ქართულ პოლიტიკაში, უკრაინაში ჩართულობის პარალელურად. უკრაინის გამარჯვებას გულხელდაკრეფილი კი არ უნდა ველოდოთ, არამედ აქტიურად მოვაახლოვოთ, მათ შორის ჩვენი ინოვაციური და გაბედული ქმედებებით. დღეიდან ვაპირებ მონაწილეობა მივიღო ყველა "სასამართლოში", სადაც ფიზიკურად შევძლებ. ასევე, როგორც ყოველთვის, მოვუწოდებ ყველა ეროვნულ, ანტირუსულ ევროპულ ძალას ერთიანობისკენ, მათ შორის, პირველ რიგში, ჩემს მიერ დაფუძნებულ პარტიას "ნაციონალურ მოძრაობას", - დაწერა "ფეისბუქზე" სააკაშვილმა.
სააკაშვილის პოლიტიკაში დაბრუნების თაობაზე განცხადებას რეაქციები მოჰყვა როგორც მმართველ გუნდში, ისე "ნაციონალური მოძრაობაში" და ზოგადად ოპოზიციურ სპექტრში.
"ენმ, რა თქმა უნდა, მიესალმება პრეზიდენტ სააკაშვილის გადაწყვეტილებას, მთავარია, მას ჯანმრთელობამ მისცეს შესაძლებლობა, რომ აქტიურად ჩაერთოს ქართულ პოლიტიკაში," - განაცხადა პარტიის ახალარჩეულმა თავმჯდომარე ლევან ხაბეიშვილმა.
მსჯავრდადებული ექსპრეზიდენტის მიხეილ სააკაშვილის განცხადება ქართულ პოლიტიკაში დაბრუნების შესახებ "წმინდა წყლის მდარე "ფეიკპიარად“ შეაფასა მმართველი პარტია "ქართული ოცნება - დემოკრატიული საქართველოს“ აღმასრულებელმა მდივანმა მამუკა მდინარაძემ.
"სააკაშვილის დაბრუნება მხოლოდ არგებს "ქართულ ოცნებას“, პარტიისთვის საჩუქარი იქნება, რადგან ქართველები, მას რომ შეხედავენ, მიხვდებიან, როგორ განასხვავონ "ბოროტი და კეთილი, ბნელი და ნათელი... ამასთან, ქართულ პოლიტიკაში დასაბრუნებლად სააკაშვილმა, რომელიც უკრაინის მოქალაქეა, ჯერ საქართველოს მოქალაქეობა უნდა მიიღოს, რომელზეც მან უარი თქვა, ამას კი თავისი პროცედურები აქვს“, - განმარტა მდინარაძემ.
საზოგადოების ნაწილი ფიქრობს, რომ სააკაშვილი "ნაციონალურ მოძრაობაში" გამაერთიანებლის ფუნქციით დაბრუნებას აპირებს იმ განხეთქილების ფონზე, რაც პარტიაში დიდი ხანია მიდის.
სანდო წყარო "ნაციონალური მოძრაობიდან“ გვიყვება რა ხდება პარტიაში, რამ განაპირობა ენმ-ს ლიდერის პოლიტიკაში დაბრუნება და რა გათვლები აქვს მიხეილ სააკაშვილს.
"მიხეილ სააკაშვილი ერთ-ერთ ინტერვიუში ეთანხმებოდა ციხიდან გამოსული ვანო მერაბიშვილის გადაწყვეტილებას, რომ არ დარჩებოდა პოლიტიკაში და ამბობდა, საერთოდ ახალი თაობა უნდა მოვიდეს, დროა, სხვებს დავუთმოთ ასპარეზიო. გახსოვთ, მან მერაბიშვილს ოჯახთან მისვლა და დასვენებაც ურჩია. მიშას პირდაპირ არ უთქვამს, მაგრამ ვანოს მიანიშნა, პოლიტიკიდან წასულიყო. ახლა, როცა მიშამ დაინახა, რომ ვანომ ლიდერად ხაბეიშვილი მოიყვანა, პარტია დაიქსაქსა და ელექტორატს კარგავს, ასპარეზზე გამოვიდა. პარტიაში ლაპარაკია იმაზეც, რომ ხაბეს განზე გაწევენ და მას დათო კირკიტაძე ჩაანაცვლებს. გამორიცხული არაა, ეს მესიჯი სპეციალურად შიდაარეულობისთვის იყოს გაშვებული. ან რა მნიშვნელობა აქვს, ხაბე იქნება, თუ კირკიტა, ორივეს ვანო მართავს. ვანოს ამომრჩეველი არ არსებობს, არც მელიას და ხაბეიშვილის, არსებობს ნაცელექტორატი, რომელიც მიშას ამომრჩეველია და მას გაჰყვება. მიშამ კარგად იცის, რომ "ქოცი" და შუაშისტი მისკენ არ წავა, ის მხოლოდ ნაცელექტორატზე იზრუნებს. აშკარაა, მიშა ვანოს პირდაპირ ვერ უშვებს დასაკარგავში, რადგან ორივეს ერთმანეთზე ბევრი კომპრომატი აქვს, თუმცა მიშამ თავის ელექტორატს უთხრა - მე მოვდივარ და ეს საკმარისია. ვანოს დაჯგუფება სიხარულით გამოვარდა, მიშა ბრუნდებაო. ესეც პიარტექნოლოგიის ნაწილია, აჩვენო, ვითომ გიხარია.
მელიას დაჯგუფებას კეზერაშვილის და ვანოს ჩამოცილება სურს. ფაქტობრივად, მიშამ მისცა "ოცნებას“ სალაპარაკო - 40 დაავადება გქონდა, კვდებოდი და ახლა გაცოცხლდი, პოლიტიკაში ბრუნდები, ანუ სიმულიანტობდიო? მიშა ელოდა, ასეც იქნებოდა, მაგრამ ეს არ ანაღვლებს, მას სხვა გზა აღარ ჰქონდა. ის ცდილობს, ვანოს ჩამოშორებას, პარტიის გადარჩენას და ელექტორატის შენარჩუნებას. ბუნებრივია, მიშა ენმ-ს ელექტორატს ისევ თავს მოუყრის. წარმოიდგინეთ, ამომრჩევლის 60% წავიდა ხაბესკენ, 40 - მელიასკენ, ეს პროცესი თუ მიუშვი, ფაქტობრივად, 90-იანებში რაც ედპ-ს დაემართა, ის დაემართება ენმ-საც, მიშამ ეს იგრძნო. ახლა მთავარია ელექტორატის თავმოყრა და ისევ გაერთიანება. ეს რომ არა, ისევ "ქოცები" დარჩებიან უმრავლესობაში. არის ამომრჩევლის ერთი კატეგორია - "ოცნების“ ადმინისტრაციული რესურსი, მეორე - რომელიც, სულაც ანგელოზად რომ იქცეს, მიშას ხმას არ მისცემს, მას აღარც "ქოცები" უნდა. სად წავა ეს ამომრჩეველი? - რა თქმა უნდა, "ლელოში“ და გახარიასთან. გინდა, არ გინდა, ლაგდება მოზაიკა - მიშას ამომრჩეველი რჩება კონსოლიდირებული, ვისაც არც მიშა მოსწონს და არც "ოცნება“ უნდა, მირბის გახარია -"ლელოსთან“... "ოცნება“ ახლა იმას ცდილობს, "ნაცმოს" ხმები დაანგრიოს და ეს თუ გამოუვიდა, 2024-ში უკვე ის იქნება უმრავლესობაში და მერე თვითონ დაალაგებს ვიღაცეებთან.
მიშასთან ყველაზე პირნათელი მაინც მელია იქნება. იმავე ვანოს არმიშვება პარტიაში, დარწმუნებული ვარ, მიშას მითითებით იყო, თორემ მელიას და ვანოს მანამდე საერთოდ არ ჰქონდათ ურთიერთობა. ვანოს მხარე რომ აძახებს მელიას, მიტინგი დაშალაო, მელიას პირდაპირ მოსდიოდა მესიჯბოქსი - ბევრს "გაახურებ“ და მიშას ისევ ციხეზე გადავიყვანთო. მელია ყველაფერს კეთილსინდისიერად აკეთებდა.
თუ უკვირდებით, ენმ აღარც მიშას ჯანმრთელობაზე ლაპარაკობდა და არც მის გადაყვანაზე, საერთოდ გააქრეს ეს თემა დღის წესრიგიდან. ის მუმლაძე რომ იქადნებოდა, ახლა სადაა? მათ ეს აქტიურობა, "ვივამედში“ შევარდნა-გამოხსნა და ასეთი მესიჯები ძალაუფლებისთვის უნდოდათ, მართლა მიშას გათავისუფლება კი არა.
მიშა ნაცელექტორატს გააერთიანებს, მისი მიზანი ახლა ესაა, შესაძლოა, მან არც არავის "დაარტყას“ ენმ-ში, ის ცდილობს თავისი სტატუს კვო აღადგინოს, რაღა დარჩა, 1 წელიღაა არჩევნებამდე. ის გათავისუფლებაზე არა, ისევ ამომრჩევლის კონსოლიდირებაზე ფიქრობს.
ჯერჯერობით მელია წასვლაზე და ცალკე პარტიაზე არ ფიქრობს, ან რა ელექტორატი ეყოლება, მიშამ თუ არ აღუთქვა მხარდაჭერა და თუ არ მოუწოდა, ყველა მელიას მხარეს გადადითო? ვანო იმიტომ არ გამოდის არენაზე, ძალიან კარგად იცის, რომ ელექტორალური მხარდაჭერა არ ექნება. ხმებს რომ ავრცელებენ, მელია, ხატია, გოცირიძე და სხვები ცალკე პარტიას ქმნიანო, ეს ელექტორალური ნგრევისთვის წარმოებული საინფორმაციო ომია. რაკი მიშამ პოლიტიკაში დაბრუნების განცხადება გააკეთა, ენმ-ს ელექტორატი უკვე მხოლოდ მიშას უსმენს, მეტს არავის. ამის შემდეგ მოსალოდნელია, ვანო საერთოდ პოლიტიკურ გვამად იქცეს. მიშამ პარტიის გაქრობის საფრთხე დაინახა და ამას არ დაუშვებს“.
მკითხველის კომენტარები /
39 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
განსაკუთრებით ბედნიერია ქართველი ერი, რომ ასე თავგამოდები იბრძვიან ხალხის საკეთილდღეოდ, ერის საამური ცხოვრებისთვის და სამშობლოს აღმშენებლობისთვის, პარტიები და პარტიის ბელადები. ხალხნო! არ დაუკარგოთ და დაუფასოთ პარტიის ბოსებს, ქვეყნის და ხალხის სიყვარული.
ღმეირთო იხსენი საქართველო და ქართველი ხალხი ამ ოხრებისგან.