გარემოს ეროვნული სააგენტო საქართველოს შავი ზღვის აკვატორიაში მოსალოდნელ საფრთხეებთან დაკავშირებით განცხადებას ავრცელებს
გარემოს ეროვნული სააგენტო ხერსონის ოლქში, კახოვკის ჰიდროელექტროსადგურის აფეთქების გამო, საქართველოს შავი ზღვის აკვატორიაში მოსალოდნელ საფრთხეებთან დაკავშირებით განცხადებას ავრცელებს.
როგორც გარემოს ეროვნულ სააგენტოში განმარტავენ, ზღვის წყლის ხარისხი მთელ პერიმეტრზე ნორმის ფარგლებშია. ამასთანავე, დასძენენ, რომ სპეციალისტების შეფასებით, პრევეციისთვის მნიშვნელოვანია ზღვის წყლის ხარისხზე დაკვირვების სიხშირის გაზრდა, რათა დროულად იქნას დაფიქსირებული და შეფასებული შესაძლო მოსალოდნელი ცვლილებები.
"როგორც ცნობილია, ხერსონის ოლქში მომხდარი აფეთქების შედეგად შავ ზღვაში დიდი მოცულობის მტკნარი წყლის ჩადინება მოხდა, რომელიც შესაძლოა შეიცავდეს დიდი ოდენობით ბიოგენურ ელემენტებს, პესტიციდებს და სხვა დამაბინძურებლებს.
რაც შეეხება საქართველოს შავი ზღვის აკვატორიაში მოსალოდნელ საფრთხეებს, პირველ რიგში გასათვალისწინებელია წყლის დინებების მიმართულებები, რომლებიც ახასიათებს შავ ზღვას. როგორც ძირითადი, ასევე, სანაპირო დინებები ცვალებადია და დამოკიდებულია ზღვაში მდინარეების ჩადინებისა და ქარების სეზონური მერყეობაზე.
ამ ეტაპზე გარემოს ეროვნული სააგენტო შავი ზღვის წყლის მონიტორინგს 9 სადგურზე ყოველთვიურად აწარმოებს, რითიც ისაზღვრება ძირითადი ფიზიკურ-ქიმიური პარამეტრები მარილიანობის ჩათვლით, ასევე, წყალში გახსნილი ჟანგბადისა და ნუტრიენტების შემცველობა. 2020 წლიდან, წელიწადში ერთხელ, ხორციელდება მძიმე მეტალებისა და ორგანული დამაბინძურებლების კვლევა ზედაპირულ და ფსკერისპირა ფენაში.
ევროკავშირის საზღვაო სტრატეგიის ჩარჩო დირექტივის შესაბამისად, გარემოს ეროვნული სააგენტო აუმჯობესებს მონიტორინგის სისტემებს. ამ ეტაპზე, უკვე შეძენილია თანამედროვე სტანდარტების ლაბორატორიული ხელსაწყოები, რომელთა საშუალებითაც მაღალი სიზუსტით განისაზღვრება სპეციფიური დამაბინძურებლები.
სპეციალისტების შეფასებით, პრევეციისთვის მნიშვნელოვანია ზღვის წყლის ხარისხზე დაკვირვების სიხშირის გაზრდა, რათა დროულად იქნას დაფიქსირებული და შეფასებული შესაძლო მოსალოდნელი ცვლილებები.
გარემოს დაცვისა და სოფლის მეურნეობის სამინისტროს გარემოს ეროვნული სააგენტო შავი ზღვის წყლის მონიტორინგს 9 სადგურზე ყოველთვიურად აწარმოებს, რითიც ისაზღვრება ძირითადი ფიზიკურ-ქიმიური პარამეტრები მარილიანობის ჩათვლით, ასევე, წყალში გახსნილი ჟანგბადისა და ბიოგენური ელემენტების შემცველობა. 2020 წლიდან, წელიწადში ერთხელ, ხორციელდება მძიმე მეტალებისა და ორგანული დამაბინძურებლების კვლევა ზედაპირულ და ფსკერისპირა ფენაში.
გარემოს ეროვნული სააგენტოს მიერ ჩატარებული ლაბორატორიული კვლევების მიხედვით ზღვის წყლის ხარისხი მთელ პერიმეტრზე ნორმის ფარგლებშია“,- აღნიშნულია განცხადებაში.
ასევე იხილეთ: