3 ქვეყანა, სადაც ყოველწლიურად ტარდება სილამაზის ფესტივალი და რით იქნება გამორჩეული პირველი ქართული Beauty Fair?
სილამაზის ინდუსტრიაში ტრენდები ძალიან სწრაფად იცვლება. შეიძლება რომელიმე გავლენიანი ინფლუენსერის მიერ „ინსტაგრამზე“ ატვირთულ ერთ ფოტოს ახალი პროდუქტების გაყიდვების ბუმი მოჰყვეს (მაგალითად, როგორც ეს სელენა გომესისა და მისი თხევადი „ბლაშის“ ან რიანას მუქი ფერის ტონალური კრემების შემთხვევაში მოხდა).
მუდმივად ვითარდება და იხვეწება კანის მოვლისა და მაკიაჟის გაკეთების ტექნიკაც, მომხმარებლები უფრო მეტად ინფორმირებულები ხდებიან პროდუქტების შესახებ, მისდევენ სერტიფიცირებული პროფესიონალების რჩევებს და სწორედ ამით აიხსნება, რომ დერმატოლოგების მიერ რეკომენდებული პროდუქტები გაყიდვების რეკორდებს ხსნის.
მიუხედავად იმისა, რომ სოციალური მედია სილამაზის ინდუსტრიაში ინფორმაციის გაცვლის ძირითადი საშუალებაა, არათუ აქტუალობას კარგავს, არამედ კიდევ უფრო პოპულარული ხდება სილამაზის ფესტივალები, სადაც პირისპირ შეგიძლია შეხვდე Makeup არტისტებს, მისაღებ ფასად შეიძინო ძვირადღირებული პროდუქტები და უბრალოდ დატკბე იმ ესთეტიკით, რაც ასეთ ფესტივალებს ახასიათებს.
თავის მოვლისა და მაკიაჟის მიმართ ინტერესი მაღალია საქართველოში, მომხმარებელი კი იმდენად ინფორმირებულია, რომ ბაზარი ფაქტობრივად, მათი კარნახით ვითარდება. ამგვარი ინტერესისა და მოთხოვნის გამო ბაზარზე ვერ აღმოაჩენთ პასუხისმგებლობის მქონე კომპანიას, რომელიც პროდუქტს შემადგენლობისა და მისი მოქმედების აღწერის გარეშე დადებს შოურუმში, გაიზარდა სილამაზის მასტერკლასებისა და მისი მონაწილეების რაოდენობა და, ბოლოს, ჩვენი ქვეყანაც მივიდა სილამაზის ფესტივალების ეტაპამდე, რომელსაც პირველად PSP ჩაატარებს.
რომელ ქვეყნებში ტარდება ყველაზე მასშტაბური სილამაზის ფესტივალები და რა გველოდება ქართულ ღონისძიებაზე მისულ სტუმრებს 23-24-25 ივნისს?
კოსმეტიკაში ყველაზე მეტს აშშ-ში ხარჯავენ და მასშტაბური სილამაზის ფესტივალების კულტურაც აქვთ. აღნიშნულ ღონისძიებაზე ინდუსტრიის ყველა მოთამაშეა წარმოდგენილი, როგორც მწარმოებლები, ისე მათი ბრენდ ამბასადორები, Makeup არტისტები, დერმატოლოგები, ინფლუენსერები...
ფესტივალი აშშ-ში წელს მე-20-დ გაიმართება და ისევ არნახულ მასშტაბებს მიაღწევს. მასზე წარმოდგენილი იქნება როგორც არსებული პროდუქცია, თავის მოვლისა და მაკიაჟის ტრენდები, ისე ახალი ტექნოლოგიები, ინოვაციები, წარმოებასთან, ლოგისტიკასთან დაკავშირებული სიახლეები და სხვა.
2022 წლის ფესტივალში მონაწილეობას იღებდა 32 000 რითეილერი, 1 100 საგამოფენო ბრენდი და მოწყობილი იყო 9 ქვეყნის პავილიონი, რომ არაფერი ვთქვათ დამსწრეთა აურაცხელ რაოდენობაზე.
აღსანიშნავია, რომ Cosmoprof-ის ფესტივალი მსოფლიოს სხვადასხვა ქვეყანაში იმართება ხოლმე.
აშშ-ში არანაკლებ მნიშვნელოვანი ფესტივალია The makeup show, სადაც იკრიბებიან makeup არტისტები სხვადასხვა ქვეყნიდან და ხვდებიან ინდუსტრიის წარმომადგენლებს. აქ ახალ კოლაბორაციებთან, განვითარების ახალ ხედვასთან დაკავშირებით მნიშვნელოვანი გადაწყვეტილებებიც მიიღება.
ასევე, სილამაზის ენთუზიასტები აშშ-ში არ აკლდებიან International salon and spa expo-ს, რომელსაც 40 000-ზე მეტი ლიცენზირებული პროფესიონალი ესწრება და სალონისა და სპა პროცედურების შესახებ დეტალურ ინფორმაციას გაწვდის.
სილამაზის ფესტივალის მთავარ თემატიკას თმა, მისი მოვლა, სტილი და ტრენდები წარმოადგენს. ერთ საგამოფენო სივრცეში შეკრებილი თმის მოვლის სპეციალისტები, მწარმოებლები, სტილისტები, სალონების მფლობელები, მენეჯერები, ტექნიკოსები, კოლორისტები, რითეილერები და მათი პროდუქტითა და სერვისით დაინტერესებული პირები ცვლიან ინფორმაციას, ესწრებიან მასტერკლასებს და ერთმანეთს ახალ პროდუქტებს აცნობენ.
ფესტივალზე შეხვდებით ცნობილ სახეებს, რომელთა თმის მოვლის რუტინის შესახებ ინფორმაციის მიღება პირისპირ შეგეძლებათ.
სად შეიძლება იმართებოდეს საინტერესო სილამაზის ფესტივალები თუ არა პარიზში, ხელოვნების დედაქალაქში, რომელიც თავის მოვლის ტრენდებს მთელს მსოფლიოს კარნახობს?!
პარიზში ყოველწლიურად ტარდება უამრავი სილამაზის ფესტივალი თუ გამოფენა, რომელიც სხვადასხვა თემატიკას ეძღვნება. მათ შორის არის MakeUP in Paris, რომელიც აერთიანებს მიმწოდებლებს და პოპულარულ თავის მოვლისა და მაკიაჟის ბრენდებს და ყველა მათგანს საშუალებას აძლევს, პირისპირ შეხვდნენ მომხმარებლებს, გაიზიარონ მათი მოსაზრებები და თავის მხრივ, გააცნონ ინოვაციები და სიახლეები.
ასევე მნიშვნელოვანი და გახმაურებული ფესტივალებია: Cosmetic 360, სადაც ერთმანეთში ინფორმაციას ცვლიან და სიახლეებს ეცნობიან კოსმეტიკისა და სუნამოს მწარმოებლები, რითეილერები და სფეროთი დაინტერესებული სხვა პირები; Tendances Creatives – Toulouse 2023, რომელიც ასევე კოსმეტიკის მოყვარულებს აერთიანებს და სხვა.
რაც შეეხება საქართველოში PSP-ს მიერ ორგანიზებულ პირველ მასშტაბურ სილამაზის ფესტივალს, აქ ერთიანდებიან კოსმეტიკისა და თავის მოვლის ბრენდების ადგილობრივი და საერთაშორისო წარმომადგენლები, ცნობილი Makeup არტისტები, დერმატოლოგები, ინფლუენსერები და უბრალოდ სილამაზის ენთუზიასტები.
ფესტივალზე მისულ სტუმრებს საშუალება ექნებათ, თვალი გადაავლონ უკვე კარგად ნაცნობ და აღიარებულ პროდუქტებს, თავის მოვლის ინოვაციურ საშუალებებს და სპეციალური შეთავაზებებით ისარგებლონ; ასევე, გაიარონ მასტერკლასი Makeup არტისტებთან, კონსულტაცია დერმატოლოგებთან, შეადგინონ ინდივიდუალური მოვლის რუტინა, ისარგებლონ სხვადასხვა სერვისით, მიიღონ საჩუქრები, უბრალოდ სასიამოვნო დრო გაატარონ და შეიძინონ უნიკალური გამოცდილება იქ, სადაც ყველას სილამაზე აერთიანებს.
R