მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დაწყნარდეს ყველა, რუსი არ არის და არც რუსულად ვმღერით..." - ნანი ბრეგვაძის პირველი კომენტარი გავრცელებულ ინფორმაციაზე, რომ თითქოს რუს მომღერალთან ჩაწერა დუეტი
16:27 / 15-06-2023
ლეგენდარულ ნანი ბრეგვაძესთან პოპულარულმა აზერბაიჯანელმა მომღერალმა ემინმა დუეტი ჩაწერა. ისინი ცნობილ ქართულ ჰიტს "ყვავილების ქვეყანას“ ასრულებენ, რომელსაც ბუბა კიკაბიძე შესანიშნავად მღეროდა. კლიპის რეჟისორი ზაზა ორაშვილია, გადაღებები კი "გარდენია შევარდნაძეში“ მიმდინარეობდა. როგორ დათანხმდა ქალბატონი ნანი ახალგაზრდა შემსრულებელს დუეტზე, ამ და სხვა დეტალებზე ambebi.ge-ს ესაუბრა.
ცნობილია ისიც, რომ მედიის ნაწილმა გაავრცელა ინფორმაცია, რომ თითქოს ნანი ბრეგვაძემ დუეტი რუს მომღერალთან ჩაწერა, რამაც მომღერლის ყურამდეც მიაღწია და გვითხრა, რომ ყველა დაწყნარდეს, რადგან ემინი აზერბაიჯანელი შემსრულებელია და ის ბუბა კიკაბიძის მეგობარი იყო.
- ქალბატონო ნანი, კლიპის გადაღება უკვე დასრულებულია?
- კლიპი გადავიღეთ, მაგრამ ჯერ ბოლომდე არ არის დასრულებული, დამუშავება უნდა.
- მის შემოქმედებას თუ იცნობდით, როგორ დათანხმდით მასთან დუეტის ჩაწერაზე?
- ეს კლიპი ბუბას და ემინს უნდა ჩაეწერათ. როდესაც ბუბა ცოცხალი იყო, ემინმა გამოთქვა სურვილი, კლიპი გადაეღოთ "ყვავილების ქვეყანაზე.“ ის არის შესანიშნავი ადამიანი და მეგობრობდნენ. როდესაც ბუბა გარდაიცვალა, გაგიჟდა კინაღამ. მერე მოიფიქრეს, რომ ბუბაც იქნება ჩართული, ადრე გადაღებული კადრებით და დუეტს ჩემთან ჩაწერს. მე ვიწყებ, მერე ემინი მღერის, მერე მე და ემინი და ამის შემდეგ ბუბა შემოდის. აქ არაფერი არ არის ისეთი, ყველა ცნობილ მომღერალს აქვს დუეტის ჩაწერის სურვილი.
- ემინი არის აზერბაიჯანელი შემსრულებელი და არა რუსი, როგორც გავრცელდა ინფორმაცია.
- არა, რა თქმა უნდა, ის აზერბაიჯანელია. ეგ კი არა, მაგას უნდოდა, რომ რუსულად ემღერა თარგმანი და ბუბამ ამაზე კატეგორიული უარი უთხრა. ამიტომ თავადაც ქართულად მღერის. რას ჰქვია დავთანხმდი, დავთანხმდებოდი აბა, რა.
- ძალიან ლამაზი ხართ გარდენიაში გადაღებულ კადრებში.
- ძალიან დავიღალე გადაღებებზე. დილის 12 საათზე რომ მივედი, ღამის 11 საათამდე გაგრძელდა გადაღებები. მე კიდევ მინდა შევასწორო ჩემი ნამღერი, რადგან ამ სიმღერას არ ვმღეროდი. გუშინ ვუთხარი, რომ არ გადავაღებინებდი, თუ ჩემს ნამღერს გავასწორებდი, ამიტომ ხვალ ჩაწერა მაქვს, ის ადგილები უნდა ვიმღერო თავიდან, რომელიც არ გამოვიდა. ტონალობა არ დაემთხვა, ახლა უნდა ვიმღერო ამ ბიჭის ტონალობაში, რაც ცოტა მაღალია ჩემთვის. წვრილმანი დეტალებია და მერე გაასუფთავებენ.
როგორ ვიტყოდი უარს, აზერბაიჯანი ჩვენი მეგობარი ქვეყანაა. შესანიშნავი ბიჭია, ძალიან პოპულარული იყო მოსკოვში და ახლა აზერბაიჯანში მოღვაწეობს. კარგი გაზრდილი ადამიანია. ძალიან კარგად მღერის ქართულად და ინგლისურად. დაწყნარდეს ყველა, რუსი არ არის და არც რუსულად ვმღერით, ემინიც მშვენიერი ქართულით მღერის.
რატი აბზიანიძე (პროექტის ერთ-ერთი პროდიუსერი):
- ეს გახლავთ ბუბა კიკაბიძის გარდაცვალების შემდეგ, პირველი პროექტი, რომელიც მას მიეძღვნა. ემინი და ბუბა 15 წელი მეგობრობდნენ. ის ცნობილი აზერბაიჯანელი მომღერლის, ლეგენდარული მუსლიმ მაგომაევის გაზრდილია. ბატონ ბუბასთან ერთად დუეტის ჩაწერა რომ გადაწყდა, ემინი 17 იანვარს უნდა ჩამოსულიყო საქართველოში კლიპის გადასაღებად და სამწუხაროდ დეკემბრის ბოლოს ბუბა ცუდად გახდა. შემდეგ მოვიფიქრეთ, რომ ქალბატონ ნანისთან ჩაეწერა დუეტი.
რაც შეეხება გადაღებებს, იმდენად ემოციური იყო ეს ყველაფერი, რომ იქ მყოფ ადამიანებს არაერთხელ მოგვადგა თვალზე ცრემლი. ემინი ძალიან კარგი ადამიანია, ის ხშირად ჩამოდის ხოლმე საქართველოში და ჩვენი ქვეყნის დიდი გულშემატკივარია. მას საკუთარი ფესტივალი აქვს აზერბაიჯანში. სადაც ქართველ მომღერლებსაც იწვევს ხოლმე.
წაიკითხეთ ასევე:
მკითხველის კომენტარები /
54 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა მოხდებოდა თუნდაც რუსი ყოფილიყო ყველა ეროვნება გაერთიანებული ძალებით ებრძოდა ფაშიზმს მეორე მსოფლიო ომის დროს უზარმაზარ უკრაინასთან ერთად კაცთმოძულეობა ყველაზე ცუდია
მერე რა რომ რუსულად რომ ემღერათ რაშუაშია პოლიტიკა და სიმღერა ვის მოდის თავში ასეთი სულელური აზრები