დონალდ ტრამპის დაბადების დღის წვეულებაზე მიმავალი მელანია 3000-დოლარიანი კაბით - აშშ-ის ყოფილი პირველი ლედის მდიდრული სტილი (ფოტოები)
ამერიკის შეერთებული შტატების ყოფილი პირველი ლედი, მელანია ტრამპი საზოგადოებაში ბოლო დროს იშვიათად ჩნდება და პაპარაცების კამერებს ერიდება.
თუმცა ამჯერად გამონაკლისი დაუშვა. მელანია ჟურნალისტებმა მაშინ შენიშნეს, როცა მეუღლის, აშშ-ის ექსპრეზიდენტ დონალდ ტრამპის დაბადების დღის წვეულებაზე მიდიოდა.
მედიას უყურადღებოდ არ დაუტოვებია მისი მდიდრული სამოსი. მელანიას Gucci-ს 3200$-იანი თეთრი კაბა ეცვა, რომელსაც ამავე ფერის Hermès- ის ხელჩანთა შეუხამა.
53 წლის მელანიას მისი და დონალდ ტრამპის ვაჟი, 17 წლის ბარონი ახლდა თან. ლურჯ კოსტიუმსა და თეთრ პერანგში გამოწყობილი ბარონი დედასთან ერთად გაემართა მამის დაბადების დღის აღსანიშნავად.
როგორც ცნობილია, დონალდ ტრამპის 77-ე დაბადების დღის აღსანიშნავი წვეულება ბედმინსტერში, ნიუ ჯერსიში გაიმართა.
ოჯახთან დაახლოებული წყაროს ინფორმაციით, წლევანდელი წვეულება ნაკლებ პომპეზური იყო. ცნობილია, რომ ტრამპს საკუთარი დაბადების დღე სძულს და განსაკუთრებულად არასდროს აღნიშნავს.
წყარო: pagesix
მოამზადა: ანა სიბოშვილმა