20
მაისიდღის ზოგადი ასტროლოგიური პროგნოზი
ზამთარში კანი შრება და პარსვის შემდეგ შეიძლება ადვილად გაღიზიანდეს, ზაფხულში კი მაღალი ტემპერატურის გამო უფრო არაერთგვაროვანი ფერი და გამონაყარი გვაწუხებს, რაც შეიძლება სწორი პროდუქტების გამოყენებით მოვაგვაროთ.
ზაფხულში ვარჯიშმა, სხვა სახის ფიზიკური დატვირთვამ ან მზეზე გარუჯვამ შეიძლება მდგომარეობა უფრო გაამწვავოს, თუმცა პარსვამდე კანის სწორად მომზადებითა და ხარისხიანი საპარსი საშუალებების გამოყენებით გაღიზიანების პრევენცია შესაძლებელია.
რა შეცდომებს უშვებენ პარსვისას მამაკაცები და როგორ შეიძლება მათი თავიდან არიდება?
კანის მომზადების გარეშე პარსვა
უკეთ მომზადება წარმატების მეტ შანსს და ნაკლები შეცდომის დაშვებას ნიშნავს. პარსვის დაწყებამდე მნიშვნელოვანია, სახის კანი კარგად კარგად დავიბანოთ თბილი წყლით და გავასუფთაოთ ჭუჭყისა და მკვდარი უჯრედებისგან (უმჯობესია, თავიდან ავირიდოთ ცხელი წყლის გამოყენება, რათა არ დავაზიანოთ კანის ბუნებრივი ბარიერი და ბაქტერიების მიმართ უფრო მოწყვლადი არ გავხადოთ. ასევე რეკომენდებულია დასაბანი საშუალების გამოყენება), შემდეგ ნელი მოძრაობით, ნაზად გავიმშრალოთ კანი და სანამ ბოლომდე გამოშრება და დაიჭიმება, დავიწყოთ პარსვის პროცესი.
აღსანიშნავია, რომ სწრაფად პარსვისას გაღიზიანებისა და დაზიანების შანსი იზრდება, ამიტომ დაკვირვებული მოძრაობები და დელიკატური მიდგომა უკეთეს შედეგს მოგვცემს.
ძველი საპარსი პირების გამოყენება
რაც არ უნდა ხარისხიან საპარსს საშუალებებს ვიყენებდეთ, ვადის გასვლის შემდეგ ნებისმიერი მათგანი დაბლაგვდება. ვადაგასული საპარსი პირი ფხაჭნის კანს და გაჭრის შანსი იზრდება, რაც ზაფხულში განსაკუთრებით დიდ დისკომფორტთან არის დაკავშირებული, რადგან მაღალი ტემპერატურის გამო ინფექციის შეჭრისა და გავრცელების, შესაბამისად, გვიან შეხორცების შანსი უფრო იზრდება.
ამოსული თმის საწინააღმდეგო მიმართულებით პარსვა
ბევრი ჩვენგანისთვის ეს შეიძლება სიახლეს წარმოადგენდეს, მაგრამ თმის საწინააღმდეგო მიმართულებით პარსვა კანს აზიანებს, განსაკუთრებით ყელის ზონაში. ამ დროს ფხაჭნისა და დაკაწვრის შანსი უფრო იზრდება, ამიტომ რეკომენდებულია, თმის ზრდის მიმართულებით პარსვა.
უხეში საპარსი პირების გამოყენება
ადამიანი პირველ შთაბეჭდილებას სახით ახდენს, ამიტომ მნიშვნელოვანია, საკუთარი გარეგნობით თავად ვიყოთ კმაყოფილები და შემდეგ თავდაჯერებულები შევხვდეთ სხვებს.
უხეში და უხარისხო საპარსი პირების გამოყენება იწვევს კანის გაღიზიანებას, შედეგად გამოშრობას, აქერცვლას, რაც აჩქარებს ნაოჭების წარმოქმნას, რომ არაფერი ვთქვათ, მუდმივად დარღვეულ კანის ბუნებრივ ბარიერსა და ინფექციის შეჭრის რისკებზე.
დამეთანხმებით, ასეთ რისკზე წასვლა არ ღირს, ამიტომ რეკომენდებულია გამოვიყენოთ დელიკატური საპარსი საშუალებები, რომლებიც ნაზად აცილებს ზედაპირს თმას და ზოგიერთი მათგანი მასზე დატანილი გელის მეშვეობით ატენიანებს კიდეც.
იმის გამო, რომ აღნიშნული პრობლემების წინაშე ბევრი მამაკაცი დგას, შეიქმნა საპარსი საშუალებები, რომლებიც პირდაპირ კანის გაღიზიანების წინააღმდეგ მოქმედებს და მას გლუვ და ერთგვაროვან იერს ანიჭებს. საპარსი საშუალებების მწარმოებელ კომპანია Wilkinson Sword-ში განმარტავენ, რომ მამაკაცებში უხეში საშუალებების გამოყენების გამო კანის პრობლემები იმდენად გახშირდა, რომ პრევენციისთვის სპეციალური საპარსი Hydro 5 შექმნეს, რომელიც საქართველოშიც არის ხელმისაწვდომი. Hydro 5-ს საპარსი პირები გამოირჩევა უსაფრთხოებით და იდეალურია მგრძნობიარე კანის მქონე მამაკაცებისთვის.
კომპანიაში აღნიშნავენ, რომ Hydro 5-ის დიზაინში გაითვალისწინეს მოძრავი თავი, რომელიც პარსვას განსაკუთრებით რთულად მისადგომ, კონტურულ ნაწილებში ამარტივებს. ამასთან, ის შეიცავს დამატენიანებელ გელსაც, რათა საპარსმა კანზე უკეთ ისრიალოს, რაც ფხაჭნის შესაძლებლობას სრულად გამორიცხავს.
Wilkinson Sword-მა აღნიშნული დეტალები სხვა საპარს საშუალებებშიც გაითვალისწინა, რის გამოც მისმა მომხმარებლებმა ტრავმული პარსვა წარსულს ჩააბარეს.
პარსვის შემდეგ სპირტისა და პარფიუმის შემცველი საშუალებების გამოყენება
ათეულობით წლის წინ პარსვის შემდეგ სპირტის შემცველი საშუალებების გამოყენება დამკვიდრებული პრაქტიკა იყო, რასაც თავისი მიზეზიც ჰქონდა - ინფექციის პრევენცია, თუმცა წარსულში თანამედროვე, მოქნილი და დელიკატური საპარსი საშუალებებიც ნაკლებად იყო ხელმისაწვდომი. შესაბამისად, ყოველი პარსვა მამაკაცისთვის კანის დაზიანებასთან ასოცირდებოდა.
დღეს, როცა საშუალება გვაქვს, კანი მაღალი ხარისხის საპარსი საშუალებებით გავანებივროთ, ბოლო საფეხურზე სპირტიანი საშუალების გამოყენება საჭირო აღარ არის. არამედ დაგვჭირდება ხარისხიანი დამატენიანებელი კრემი ან გელი, რომელიც არ შეიცავს სპირტს, რათა კანის გამოშრობა და ბარიერის დარღვევა თავიდან ავიცილოთ და პარფიუმს, რომელიც ყოვლად უსარგებლო და ალერგიული ინგრედიენტია.
დაბოლოს, თუ ზაფხულის შვებულების მზიან სანაპიროზე გატარებას გეგმავთ, გარუჯული კანის პარსვამ შეიძლება დისკომფორტი შეგიქმნათ, რაც აქერცვლას, საბოლოოდ კი გაღიზიანებასა და ლაქების შესაძლო წარმოქმნას უკავშირდება. რეკომენდებულია, პლაჟზე გასვლამდე გამოვიყენოთ მზისგან დამცავი საშუალება, რუჯის გადასვლისას მექანიკურად არ მოვიშოროთ კანი და პარსვისას გამოვიყენოთ გელის შემცველი პირები (იქნება ეს ალოე ვერა თუ სხვა), რომელიც დატენიანებას და მათ შორის რუჯის შენარჩუნებასაც უზრუნველყოფს.
R
რჩევას იძლევით თუ უფასო რეკლამა გააკეთეთ ?
კარგი რეკლამაა.