"არ მინდა ჩემმა ვაჟებმა ერთ დილას გაიგონ, რომ მათი დედა დოზის გადაჭარბებით გარდაიცვალა" - ბრიტნი სპირსის ყოფილი ქმრის თქმით, მომღერალი ნარკოდამოკიდებულია და მდგომარეობა მძიმეა

ბრიტნი სპირსის ახლობლებმა განაცხადეს, რომ მომღერალი კვლავ ნარკოტიკებს იღებს. ამის შესახებ ვარსკვლავის ყოფილი ქმარი კევინ ფედერლაინი საუბრობს.

ფედერლაინი შიშობს, რომ ნარკოდამოკიდებულება შეიძლება ბრიტნის სიკვდილის მიზეზი გახდეს. სპირსთან დაახლოებულები ადამიანები მასზე წუხან.

"საშინელებაა. ის ხომ ჩემი ბიჭების დედაა“, - ამბობს მედიასთან კევინ ფედერლაინი.

ვარსკვლავის ყოფილი მეუღლის თქმით, ნარკოტიკების გამო, ბრიტნის ვაჟები, 17 წლის პრესტონი და 16 წლის ჯეიდენი დედასთან შეხვედრაზე უარს ამბობენ. მას შემდეგ, რაც მომღერალს შვილებზე მეურვეობა ჩამოართვეს, სპირსის ვაჟები მამასთან ერთად ცხოვრობენ. ბიჭების თქმით, მათ ნახეს,დედასთან სახლში როგორ მიიტანეს ნარკოტიკები

"არ მინდა ბიჭებმა ერთ დილას გაიღვიძონ და დაინახონ, რომ მათი დედა გარდაიცვალა დოზის გადაჭარბებით“, - ამბობს ფედერლაინი.

მომღერლის ვაჟებმა გადაწყვიტეს არ შეხვედროდნენ ბრიტნის რამდენიმე შემთხვევის გამო. ბიჭები ჰყვებიან, რომ დედა მათ აშინებდათ. მათი თქმით, დაინახეს, რომ ბრიტნი შუაღამისას ჯეიდენის საძინებლის კართან სამზარეულოს დანით ხელში იდგა.

"ის იქ იდგა დანით", - უთხრა ჯეიდენმა მამას.

ბრიტნის შვილები დარწმუნებულები არიან, რომ მომღერალს სპეციალისტების დახმარება სჭირდება. ისინი დედას ტელეფონით ელაპარაკებიან, მაგრამ კატეგორიულად უარს ამბობენ შეხვედრაზე.

ბრიტნი თავის მხრივ ამტკიცებს, რომ ყოფილი ქმარი ცილს სწამებს მას. მომღერალი ყოფილ მეუღლეს უზარმაზარ ალიმენტს უხდის - თვეში 40 ათას დოლარს. ამავდროულად, პოპ ვარსკვლავის თქმით, კევინი არ მუშაობს და მისი ფულით კომფორტულად ცხოვრობს. ახლახან ფედერლაინმა განაცხადა, რომ აპირებდა ლოს-ანჯელესიდან ჰავაიში გადასვლას - თითქოსდა, შვილების დასაცავად დედის მანკიერი გავლენისგან. მაგრამ სინამდვილეში, მიზეზი შეიძლება იყოს საკმაოდ მერკანტილური. ჰავაიში მშობლები შვილების მეურვედ 23 წლამდე რჩებიან. იქ განსხვავებული წესი მოქმედებს, სხვა შტატებში18 წლის ასაკამდე.არიან მშობლები შვეილების მეურვეები. ბრიტნი სპირსის წარმომადგენლების თქმით. კევინი ცდილობს, უფრო მეტი თანხა გამოსძალოს ბრიტნის.

მანამდე ბრიტნის სპირსის მამამ თქვა, რატომ გადაწყვიტა ქალიშვილის მეურვე გამხდარიყო. 13 წლის განმავლობაში აკონტროლებდა ჯეიმი სპირსი მომღერლის ცხოვრებას და ფინანსებს. მამის მეურვეობა 2021 წელს დასრულდა, როდესაც 40 წლის ბრიტნიმ სასამართლო მოიგო. მომღერლის მამა დარწმუნებულია, რომ ბრიტნის მეურვეობა აუცილებელი იყო და მის გარეშე მისი ქალიშვილი უკვე გარდაცვლილი იქნებოდა.

ჯეიმი ქალიშვილის მეურვე მას შემდეგ გახდა, რაც სასამართლომ იგი ნაწილობრივ ქმედუუნაროდ ცნო ნარკომანიის გამო. ბრიტნი სპირსი და მოცეკვავე კევინ ფედერლაინი 2004 წელს დაქორწინდნენ. წყვილს ორი წლის განმავლობაში ვაჟები - შონ პრესტონი და ჯეიდენი შეეძინათ. 2006 წლის ნოემბერში, ჯეიდენის დაბადებიდან ორი თვის შემდეგ, სპირსმა განქორწინება მოითხოვა.

მომღერალმა სასამართლოს მისი ვაჟების ერთპიროვნული მეურვეობა სთხოვა.რიტნის ცხოვრება ფსკერისკენ წავიდა. ნარკოტიკების გამო საავადმყოფოში აღმოჩნდა. ექიმებმა ვარსკვლავი სახლიდან უგონო მდგომარეობაში წაიყვანეს. მომღერალი ნარკოტიკების მიღების შემდეგ, აბაზანაში ჩაიკეტა და პატარა ბავშვები უყურადღებოდ დატოვა.

2008 წლის იანვარში ფედერლაინმა მიიღო ერთპიროვნული მეურვეობა თავის ვაჟებზე. ერთი თვის შემდეგ კი ბრიტნი იძულებით მოათავსეს მამის, ჯეიმი სპირსის მეთვალყურეობის ქვეშ.

მამის მზრუნველობისგან გათავისუფლებული ბრიტნი სპირსი 2022 წელს დაქორწინდა თავის ბოიფრენდზე სემ ასგარზე. წყვილი ბავშვს ელოდა, მაგრამ როგორც მომღერალი ამბობს, ბავშვი დაკარგა.