"ირანი რუსეთს იარაღისა და საბრძოლო მასალის მუდმივი ნაკადით უზრუნველყოფს" - დიდი ბრიტანეთის საგარეო საქმეთა მინისტრი
დიდი ბრიტანეთი ირანს რუსეთისთვის საბრძოლო მასალის მიწოდებაში ადანაშაულებს. შესაბამისი განცხადება დიდი ბრიტანეთის საგარეო საქმეთა მინისტრმა ჯეიმს კლევერლიმ გააკეთა.
- "ირანი რუსეთს იარაღისა და საბრძოლო მასალის მუდმივი ნაკადით უზრუნველყოფს, რომლებიც უკრაინაში სამოქალაქო პირების მოსაკლავად გამოიყენება”, - განაცხადა კლევერლიმ.
ცნობისთვის, ეს დიდი ბრიტანეთის საგარეო საქმეთა მინისტრის პირველი განცხადებაა, რომელშიც იგი თეირანს მოსკოვისთვის სამხედრო დახმარების მიწოდებაში ადანაშაულებს.
კლევერლიმ აღნიშნა, რომ სანაცვლოდ რუსეთი ირანს “რთულ სამხედრო ტექნოლოგიებს, ფინანსურ დახმარებასა და რჩევებს აწვდის, რომლებიც [ირანულმა] რეჟიმმა ახლო აღმოსავლეთში ჩვენი პარტნიორებისადმი მუქარებისთვის ან პროტესტების ჩასახშობად შეიძლება გამოიყენოს”.
“დიდმა ბრიტანეთმა და ჩვენმა პარტნიორებმა უკვე დაასანქცირეს ამ იარაღით სასიკვდილო ვაჭრობისთვის ბევრი პასუხისმგებელი პირი და გააგრძელებენ ამ განწირული ალიანსის პასუხისმგებლობაში მიცემას,” - განაცხადა კლევერლიმ.