"ყველანაირად ვეცდებით, ეს ნანის ყურამდე არ მივიდეს... ბრალდება რომ წავიკითხე, შოკისმომგვრელი იყო!" - რატომ გახდა ნანი ბრეგვაძის დაცვა საჭირო სოცქსელში?
ორი დღეა, სოციალურ ქსელში ქართული სცენის დედოფლის - ნანი ბრეგვაძის მხარდასაჭერი პოსტები გამოჩნდა... ვინაიდან მომღერლის მიმართ ყველა მხოლოდ დიდ პატივისცემას და სიყვარულს გამოხატავს, გაოცებას იწვევდა, რა საჭირო გახდა მისი ვინმესგან დაცვა. ამის გასარკვევად თავად ნანი ბრეგვაძესაც დავუკავშირდით...
ნანი ბრეგვაძე:
- ქალბატონო ნანი, რატომ გახდა თქვენი დაცვა საჭირო, ვინმესგან კრიტიკა იყო?
- არაფერი ვიცი, სოციალურ ქსელში არაფერი მინახავს... დიდი ხანია, არსად გავსულვარ... ჩვენი არაჩვეულებრივი მუსიკოსის - ლექსო თორაძის სახელობის "თორაძის საერთაშორისო ფესტივალი" გაიხსნა, სადაც ლექსოს დასთან - ნინო თორაძესთან ერთად ვიმყოფებოდი. შემდეგ ზურა შევარდნაძესთან ვიყავით, იქ იმყოფებოდა რუსი-ებრაელი მევიოლინე, მეც ცოტა წავიმღერე... მეტს ვერაფერს გეტყვით... არაფრის თავი არ მაქვს, დღე და ღამ იმას ვფიქრობ, ჩემი ქვეყანა გაიმართოს და ყველაფერი კარგად იყოს...
ერთ-ერთი მხარდასაჭერი პოსტი დავით ოქიტაშვილს ეკუთვნოდა და ვითარებაში გასარკვევად მას მივმართეთ...
- გამოჩნდა პოსტები, სადაც წერენ, ნანი საბჭოთა მომღერალი იყოო და ახლა აღარ მოსწონს, მაშინ რატომ არ თქვა უარი რუსეთში ვარსკვლავის გახსნაზეო... საბჭოთა დროს დავიბადეთ და გავიზარდეთ, რა ვქნათ ახლა?! შეიძლება დღეს რუსეთი ჩვენზე მეტად არავის სძულდეს, მაგრამ მაშინ რა და როგორ ხდებოდა, ხომ ყველამ კარგად ვიცით!
ნანი ბრეგვაძე არის ისტორია! რაც მან შექმნა თავისი ქვეყნისთვის... წარმოუდგენელია მის მიმართ ბულინგი! მაშინ ის დრო იყო, საბჭოთა კავშირში შემავალი რესპუბლიკების ხელოვანებს არ შეეძლოთ საზღვარგარეთ წასვლა, უშიშროება ყოველ წამს უკან დაჰყვებოდა...
- ამის ახსნა დღეს ვინმეს სჭირდება?
- არ უნდა სჭირდებოდეთ! ყველაზე დიდი საშინელება კი ის არის, რომ ამ ქალბატონს ცილი დასწამეს, თითქოს თვითმფრინავის ბიჭების დახვრეტაზე ხელი მოაწერა... გეგა კობახიძის დედას ჰკითხეთ და ის გეტყვით სიმართლეს!..წაიკითხეთ სრულად