მნიშვნელოვანი ინფორმაცია
7
ივლისიდღის ზოგადი ასტროლოგიური პროგნოზი
ორშაბათი, მთვარის მეცამეტე დღე დაიწყება 20:04-ზე, მთვარე მშვილდოსანს ესტუმრება 02:05-ზე –
კარგია ჯგუფური მუშაობისთვის, ახალი ინფორმაციის მოსაპოვებლად, ახალი სასწავლო ციკლების დასაყენებლად. საყოფაცხოვრებო ნივთების დაგროვების, შეძენისა და წარმოების დღე. კარგია პურის გამოცხობა. შეიტანეთ კორექტირება ბიზნესში და გააფართოვეთ გავლენის სფეროები. ხელი მოაწერე ხელშეკრულებებს. კარგია თანამშრომლების დაქირავება, საჯარო ღონისძიებების ჩატარება. მიიღეთ ახალი ინფორმაცია, გაიუმჯობესეთ განათლება. იმუშავეთ გუნდში და განიხილეთ აქტუალური საკითხები კოლეგების ან თანამოაზრეების გარემოცვაში. აქტიური ორგანოებია: თეძოები, ვენები, საჯდომის ნერვი. ფაფა, ბოსტნეული და ხილი შეუცვლელია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"McDonald’s-ი აფხაზეთში შესვლის უფლებას არ გვაძლევს, რადგან მას საქართველოს ტერიტორიად აღიარებს" - რუსული კვების კომპანიის მორიგი იმედგაცრუება და აფხაზების გამოხმაურება
09:31 / 08-06-2023
ოკუპირებულ აფხაზეთში, გასული წლის დეკემბერში დაანონსებული McDonald’s-ის რუსული ანალოგის Вкусно и точка-ის გახსნა გადაიდო, რამაც ადგილობრივი მოსახლეობის გაღიზიანება გამოიწვია. არადა, წლის ბოლოს, მისი წარმომადგენლობა აცხადებდა, რომ კომპანიის "ფრანჩაიზი" (პროდუქტის წარმოების უფლება) აფხაზეთს უკვე ნაყიდი ჰქონდა და ქსელი რეგიონში 2023 წელს დაიწყებდა მუშაობას.
ამის შესახებ, რამდენიმე რუსულ მედიასთან ვაჭრობის საკითხებში აფხაზეთის ე.წ. უწყების წარმომადგენელი საუბრობდა. მისი თქმით, რუსეთისთვის სანქციების დაწესების შემდეგ, ქვეყნიდან არაერთი დასავლური კომპანია წავიდა, რის შემდეგაც Вкусно и точка-ს რუსეთში თავის დასამკვიდრებლად ყველანაირი წინაპირობა ჰქონდა.
"პარალელურად კი კომპანიას ხელს არაფერს უშლიდა, აფხაზეთის საინვესტიციო ბაზარიც აეთვისებინათ, რომელიც კანონმდებლობისა და გადასახადების თვალსაზრისით, საკმაოდ ლიბერალურია" - ამბობდა ბარციცი ადგილობრივ მედიასთან საუბრისას.
- ახლა კი ირკვევა, რომ McDonald’s-ი აღნიშნულ კომპანიას კვების ბიზნესის ოკუპირებულ რეგიონში წარმოების უფლება არ აძლევს.
"ჩვენ ყველანაირად ვცდილობთ, აფხაზეთში შევიდეთ, მაგრამ იურიდიული უფლება არ მაქვს იმ ტერიტორიაზე ბიზნესის წარმოების, რომელსაც ამერიკული McDonald’s ფარავს. აღნიშნული კომპანია კი, აფხაზეთს საქართველოს ტერიტორიად აღიარებს და ამ ქვეყანაში თავად ოპერირებს და ჩვენ იქ შესვლის საშუალება არ გვაქვს... შესაბამისად, ჩვენ კორპორაციასთან შეთანხმების გარეშე ვერასდროს გავხსნით აფხაზეთში რესტორნებს. თუმცა, მასთან წერილობითი შეთანხმება რომ გვქონდეს, მეზობელ ქვეყანასთან სიამოვნებით ვაწარმოებდით ბიზნესს" - განაცხადა Вкусно и точка-ის დამფუძნებელმა ალექსანდრ გოვორიმ.
- აფხაზეთის მოსახლეობის თქმით, ამერიკული სარესტორნო ქსელის რუსულ ანალოგს თავად რუსეთშიც არ ჰყავს დიდი რაოდენობით მომხმარებელი და აფხაზეთისა და ცხინვალის რეგიონის მსგავს ადგილებში, სადაც კონკურენცია ნაკლებია, მათი შესვლა, მომგებიანი იქნებოდა.
არიან ისეთები, ვისაც მიაჩნია, რომ აღნიშნული კომპანიის შემოსვლის ერთადერთი დადებითი შედეგი ადგილობრივების დასაქმება იქნებოდა, თუმცა, არც ეს გამოუვიდათ. ხელმძღვანელობა კი, გამუდმებით დაპირებებს იძლევა და ვერაფერს ასრულებს.
აფხაზები გააღიზიანა რუსი დეპუტატის, სვეტლანა ჟუროვას განცხადებამ, რომლის თანახმადაც, რუს ინვესტორებს აფხაზეთში უსაფრთხოების გარანტიები სჭირდებათ.
abkhaz-auto.ru-ს ცნობით, რისკების მინიმუმამდე დასაყვანად, უნდა მოხდეს იმ შეთანხმებებზე ხელმოწერა, რომლის გარშემოც პოლიტიკურმა მხარეებმა კონსენსუსს ვერ მიაღწიეს.
აფხაზების თქმით, რუსეთი მათ ყველაფერს ჰპირდება, მაგრამ შემდეგ ყველაფერს სათავისოდ წყვეტს, "გარანტიების" სანაცვლოდ...
"თავად ყველაფერს გვპირდებიან, რეფორმების გატარებაში დახმარებას, ტურიზმის განვითარებას, ინფრასტრუქტურის მოწყობას, ოღონდ ყველა პუნქტში მათი ინტერესებია დაცული" - მიაჩნიათ მათ.
ყველაფერს გვპირდებიან და არაფერი იხსნება. ასე ხდება დაუსრულებლად, როგორც მცირე, ისე დიდ პროექტებზე. ხან რა მიზეზით, ხან რა მიზეზით... ამ საკვები ობიექტის გარეშეც როგორმე გავძლებთ და თუ არჩევანზე მიდგება საქმე, რუსული კვების ობიექტს, რომელიც რუსეთშიც კი არ სარგებლობს პოპულარობით, არც აქ ეყოლებოდა დიდი მუშტარი, თუმცა, რა თქმა უნდა, "მაკდონალდსი" გვირჩევნია, მაგრამ სიახლე მაინც სასიამოვნო იქნებოდა... ამერიკულ სარესტორნო ქსელს რუსეთში 850 ობიექტი ჰქონდა და მაინც მოთხოვნადი იყო, მის რუსულ ანალოგზე კი, გამუდმებით წერენ, რომ ფაქტობრივად, ცარიელია და მხოლოდ ძალიან პატრიოტები და საბჭოთა კატლეტის ნოსტალგიით შეპყრობილი ხალხი სტუმრობს" - წერს ორესტი სმირი.
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რამდენიმე წელიწადი ვმუშაობდი სტუდენტთა ქალაქში სადაც ძალიან ახლო ურთიერთობა მქონდა ყველა კუთხის წარმომადგენელთან,იქ ძალიან შინაურ საკითხებზე ვსაუბრობდით, ყოველ დილით ვყიდულობდი ყველა დასახელების გაზეთს , ზოგჰ[ჯერ გამყიდველიც მამარაგებდა და მაგიდაზე მეყარა, ბავშვები შემოდიოდნენ და ყიდულობდნენ, აი ისინი მიამბობდნენ თავიანთი ხალხის წესებსა და კანონებსზე. ჩვენ საშინელი კანონები გვაქვს, ქართველებთან შედარებითო . ერთი ძალიან ცდილობდა აქ დარჩენაზე, არ ვიცი როგორ გამოუვიდა რადგან ორი ბავშვი გააჩინა და ქმრად არ აღაიარებდა ბიჭი თავს. აუტანელი მამაკაცები გვყავს, რა აქვს მათ საერთო ქართველებთან, არ გამაგიჟოვო და ახლა ვნანობ რომ დაწვრილებით არ ვკითხულობდი იმ სხვაობების შესახებ, ის ბავშვები ალბათ უკვე კაცები არიან,მაგრამ სად ცხოვროენ არ ვიცი.
alxazi-ს: შენ აფხაზეთის რომელ "ისტორია" წაიკითხე? ის ხომ არა რუსმა სჰოვინისთებმა, ვორონოვმა და მისნაირებმა რომ დაჯღაბნეს და რაგაც მითიური "აფხაზეთის ისტორია" დაარქვეს? არის საქართველოს ისტორია, რომლის შემადგენელი ნაწილი იყო, არის და იქნება აფხაზეთი. როცა რამეს ამბობ მაგას დამტკიცებაც უნდა. რა დამამტკიცებელი არგუმენტები გაქვს? რუსი შოვინისტების ნაჯღაბნ "ისტორიას" ნულის ფასი აქვს. ძალიან თუ გაინტერესებს წაიკითხე ბიზანტიური, არაბული, სომხური წყაროები სადაც ყველგან ნათქვამია რომ აფხაზეთის მოსახლეობა იყო ქართული. თუნდაც ქართული სახელწოდება სოხუმი (ცხუმი) რომელიც ასევე ძველ წყაროებშია. და არსად არ არის მოხსენიებული ქალაქის აფსუური სახელი აქუა . აფსუები, რომლებმაც ძველი აფხაზეთის ძირძველი ქართველების სახელი მიითვისეს ჩრდილო კავკასიიდან არიან და ჩამოსახლდნენ აფხაზეთის ტერიტორიაზე მე-17-18 საუკუნეებში.ასე რომ რაც არ უნდა ეცადოს ზოგი რომ აფხაზეთი საქართველოდან გამოჰყონ არასდროს არ გამოუვათ ეგ