მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
პირველი ივლისი, სამშაბათი, მთვარის მეშვიდე დღე დაიწყება 12:13-ზე, მთვარე ქალწულშია –
სიტყვას დღეს განსაკუთრებული ძალა აქვს, ტყუილად ლაპარაკი არ შეიძლება. კარგია ლოცვა, სიმღერა და წმინდა ტექსტების კითხვა. ფილტვები დაუცველია. ადვილია გაცივება. არ არის რეკომენდებული კბილების ამოღება. არ მიირთვათ ქათამი და კვერცხი. მიირთვით ხილი, შეგიძლიათ დალიოთ მწვანე ან მცენარეული ჩაი. რეკომენდებულია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
FBI-ის ყოფილი ოფიცერი და ამერიკისთვის ყველაზე დიდი ზიანის მომტანი ორმაგი აგენტი, საკანში გარდაცვლილი იპოვეს - ვინ იყო რობერტ ჰანსენი, რომლის გამოაშკარავებასაც წლები დასჭირდა
11:01 / 06-06-2023
FBI-ის აგენტი, რომელიც აშშ-ის ისტორიაში ერთ-ერთ ყველაზე დიდი ზიანის მომტან ჯაშუშად ითვლება, ციხეში გარდაცვლილი იპოვეს. რობერტ ჰანსენი კოლორადოს შტატში განსაკუთრებულად დაცულ საპატიმრო დაწესებულებაში იხდიდა სასჯელს. ის ორმაგი აგენტი იყო.
გამოძიების ინფორმაციით, 79 წლის ჰანსენს, წლების განმავლობაში, 1.4 მილიონი დოლარის თანხა და ბრილიანტები აქვს მიღებული რუსული წყაროებიდან. მის გამოსააშკარავებლად კი ამერიკული საიდუმლო სამსახურის ასობით თანამშრომელი მუშაობდა.
ჰანსენი 2002 წელს დააკავეს და ჯაშუშობის ბრალდებით, სამუდამო პატიმრობა მიუსაჯეს. ჰანსენი დაპატიმრებამდე, ვირჯინიის გარეუბანში, ოთხოთახიან სახლში, მეუღლესთან და ექვს შვილთან ერთად ცხოვრობდა.
ჰანსენს წვდომა ჰქონდა საიდუმლო ინფორმაციაზე.1985 წელს რუსეთსა და ყოფილი საბჭოთა კავშირის სხვა ქვეყნებს საიდუმლო მასალებს უგზავნიდა.
მანამდე, 1976 წელს FBI-ს ოფიცერი გახდა. მოკავშირეებთან მიმოწერისას მეტსახელ "რამონ გარსიას" იყენებდა. FBI-ს ვებგვერდის მიხედვით, ჰანსენს ხელი მიუწვდებოდა უამრავ წყაროზე, კონტრდაზვერვის ტექნიკაზე, საგამოძიებო მასალებზე, აშშ-ის მთავრობის საიდუმლო დოკუმენტებზე.
მიუხედავად იმისა, რომ ჰანსენის უჩვეულო ქმედებებთან დაკავშირებით ეჭვები არსებობდა, წლების განმავლობაში თავისუფალი იყო და მის გამოაშკარავებას ვერ ახერხებდნენ.
მას შემდეგ, რაც 1994 წელს FBI-მ ჯაშუში ოლდრიხ ჰეზენ ეიმსი დააკავა, ბიურომ გააცნობიერა, რომ საიდუმლო ინფორმაციები კვლავ ჟონავდა. ამის შემდეგ გამოძიება კვლავ გაგრძელდა, ამჯერად ეჭვი ჰანსენზე მიიტანეს.
ის პენსიაზე აპირებდა გასვლას, ამიტომ ბიურომ სწრაფად იმოქმედა.
ჰანსენის დასაკავებლად, FBI-მ მას ცრუ დავალება მისცა. 2001 წელს ჰანსენმა მუშაობა ახალ ოფისში დაიწყო, სადაც ფარული კამერები და მიკროფონები იყო დამონტაჟებული. ერთი თვის შემდეგ, გამომძიებლებმა შეიტყვეს, რომ მას პარკში საიდუმლო მასალები უნდა დაეტოვებინა. ის ფოქსტოუნის პარკში მივიდა და სავსე ჩანთით საიდუმლო მასალები მიიტანა. როცა მანქანაში დაბრუნდა, დააკავეს. დაპატიმრებისას, FBI-ს აგენტებს ჰკითხა: "რატომ დაგჭირდათ ამდენი დრო?"
მეგობრების და მეზობლების დახასიათებით, რობერტ ჰანსენი ჩუმი და სანდო ადამიანის შთაბეჭდილებას ტოვებდა. მათი თქმით, მისი ოჯახი ყოველ კვირას წირვაზე დადიოდა, ჰანსენი კი მკაცრი მამა იყო, რომელიც შვილებს ტელევიზორის ყურებას უზღუდავდა. თუმცა როგორც მოგვიანებით გაირკვა, ამ ფასადის უკან ბევრი რამ იმალებოდა.
ჰანსენი ცოლს ჩუმად პორნოგრაფიულ ვიდეოებს უღებდა და შემდეგ მეგობარს აჩვენებდა.
რობერტ ჰანსენს 2002 წელს სამუდამო პატიმრობა მიუსაჯეს. მისი გარდაცვალების მიზეზი ჯერ უცნობია.
წყარო: bbc
მოამზადა: ანა სიბოშვილმა
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მიშას გამოაშკარავებაზეც უამრავი დრო იხარჯება, პორნო არ ვიცი და კასრები კი ქონდა !
კარგი კაცო, ეგ როგორ მოხდა დემოკრატიის აკვანში. ამდენი ხანი ეძებდნენ, ძლივ დაიჭირეს და ფაფუუუ. არ მჯერა უთუოდ რუსების ხელი ურევია ამ საქმეში, სხვა ვერავინ იზამდა ამას ))))))))))))))))))))))))