17
ივლისიდღის ზოგადი ასტროლოგიური პროგნოზი
რესტორან "რეტროს“ თანამშრომელმა, თემო მგზავრიძემ მის მიმართ ობიექტის მფლობელის მხრიდან განხორციელებული ფიზიკური ძალადობის ფაქტზე სამართალდამცველებს ჩვენება უკვე მისცა.
როგორც palitravideo.ge-ს თემო მგზავრიძემ განუცხადა, პოლიციას მიაწოდა ინფორმაცია, თუ როგორ იძალადა მასზე ფიზიკურად რესტორნის მფლობელმა.
თემო მგზავრიძე განმარტავს, რომ მასსა და რესტორნის მფლობელს შორის დაპირისპირება ანაზღაურებას მოჰყვა. მისივე განმარტებით, რესტორნის მფლობელი რუსი ეროვნების მომსახურე პერსონალს უფრო მეტ ანაზღაურებას უხდიდა, ვიდრე ქართველი ეროვნების თანამშრომლებს.
"მანამდე ასეთი დაპირისპირებები უშუალოდ ჩემ მიმართ არ ხდებოდა, მაგრამ სიტყვიერი შეურაცხყოფა სხვისთვის მიუყენებია. ფიზიკური შეურაცხყოფა პირველი იყო.
დაპირისპირება დაიწყო 2023 წლიდან, ანუ მას შემდეგ, რაც რუსი თანამშრომლები მოიყვანეს. რუსი ეროვნების 3-4 პირი მოიყვანა. როცა ანაზღაურებაზე იყო საუბარი, რუსი ეროვნების სტაჟიორს უფრო მეტს უხდიდა - მაგალითად, ერთ დღეს რუს სტაჟიორს მეტი გადაუხადა, ვიდრე ქართველ სტაჟიორს, როცა ქართველი თანამშრომელი ორჯერ მეტ საქმეს აკეთებდა. ამ საკითხზე დაინიშნა თათბირი, რა დროსაც მოხდა ის, რაც კადრებში ნახეთ“, - განაცხადა თემო მგზავრიძემ.
ცნობისთვის, შინაგან საქმეთა სამინისტრომ ბათუმში, რესტორან "რეტროში“ მიმტანის მიმართ ძალადობის ფაქტზე, ობიექტის მფლობელი დააკავა. როგორც "ინტერპრესნიუსს“ შინაგან საქმეთა სამინისტროში განუცხადეს, მამაკაცი ძალადობის მუხლით არის დაკავებული.
რესტორან “რეტროს” ერთ-ერთმა თანამშრომელმა სოციალურ ქსელში ვიდეოჩანაწერი გაავრცელა, სადაც რესტორნის მფლობელი თანამშრომელს ხელს კრავს და დაწესებულებიდან აგდებს. მისივე ინფორმაციით, რესტორნის მფლობელმა, თეიმურაზ ვარშანიძემ თანამშრომელზე ფიზიკური ძალადობა ქუჩაშიც გააგრძელა.
იხილეთ ასევე:
მანამდეც იყო პრობლმა სირცხვილია რომ ყველგან რუსებს იყენებთ რო თავი იმართლოთ ,დაგიფასებთ მკვლელი მიშა
არ რცხვენია ნეტავი? რა აჭამეს რუსებმა ამნაირი რომ ქართველებზე წინ დააყენა, ჯერ სამსახურში აიყვანა და მერე მეტი ანაზღაურება მისცა... დარჩა ოხრად ყველა ასეთ ქართველს ყველაფერი, დააჯარიმონ მაინც დიდი თანხით, ბევრი ჰქონია ფული