ბოლო დღე­ე­ბის გან­მავ­ლო­ბა­ში ინ­ტენ­სი­უ­რად იბომ­ბე­ბა რო­გორც კი­ე­ვი, ასე­ვე უკ­რა­ი­ნის სხვა ქა­ლა­ქე­ბი. რუ­სე­ბი ადრე თუ და­ბომბვას მხო­ლოდ ღა­მის სა­ა­თებ­ში ახორ­ცი­ე­ლებ­დნენ, ახლა თავ­დას­ხმე­ბი დღეც ხდე­ბა. თუმ­ცა, უკ­რა­ი­ნე­ლე­ბი რუ­სებს ვალ­ში არ რჩე­ბი­ან, მა­გა­ლი­თად, 30 მა­ისს, გამ­თე­ნი­ი­სას მოს­კო­ვის სხვა­დას­ხვა რა­ი­ო­ნებს, რო­მე­ლიც ელი­ტურ და­სახ­ლე­ბად მი­იჩ­ნე­ვა, 25-მდე დრო­ნით და­ესხნენ თავს. მარ­თა­ლია, უკ­რა­ი­ნა ამას ოფი­ცი­ლუ­რად არ აღი­ა­რებს, თუმ­ცა, რუ­სე­თი ამ­ტკი­ცებს, რომ ეს უკ­რა­ი­ნე­ლე­ბის ნა­მოქ­მე­და­რია.

პა­ნი­კამ მო­იც­ვა რუ­სე­თის რამ­დე­ნი­მე ოლ­ქიც, რომ­ლის გუ­ბერ­ნა­ტო­რე­ბიც დრო­ნე­ბით თავ­დას­ხმის შე­სა­ხებ ინ­ფორ­მა­ცი­ას ავ­რცე­ლე­ბენ. მათი ტე­რი­ტო­რი­ე­ბის და­ბომბვა­სა და მო­სახ­ლე­ო­ბის ევა­კუ­ა­ცი­ა­ზე შეშ­ფო­თე­ბით სა­უბ­რო­ბენ სმო­ლენ­სკის, ბრი­ანსკის, ბელ­გო­რო­დი­სა და კურსკის გუ­ბერ­ნა­ტო­რე­ბი.

უკ­რა­ი­ნის ოფი­ცი­ა­ლუ­რი პი­რე­ბი რუ­სე­თის ტე­რი­ტო­რი­ა­ზე გან­ხორ­ცი­ე­ლე­ბულ თავ­დას­ხმებ­ში მო­ნა­წი­ლე­ო­ბას უარ­ყო­ფენ და აცხა­დე­ბენ, რომ აღ­ნიშ­ნუ­ლი ჯგუ­ფე­ბი და­მო­უ­კი­დებ­ლად მოქ­მე­დე­ბენ.

ბრი­ტა­ნე­თის დაზ­ვერ­ვის შე­ფა­სე­ბით, 2023 წლის მა­ი­სის და­სა­წყი­სი­დან რუ­სე­თი სულ უფრო და უფრო თმობს ინი­ცი­ა­ტი­ვას კონ­ფლიქ­ტში და რე­ა­გი­რებს უკ­რა­ი­ნის ქმე­დე­ბებ­ზე, ვიდ­რე აქ­ტი­უ­რად მი­ი­წევს სა­კუ­თა­რი ომის მიზ­ნე­ბის შეს­რუ­ლე­ბის­კენ. გარ­და ამი­სა, უწყე­ბა აღ­ნიშ­ნავს, რომ რუ­სეთს მცი­რე წარ­მა­ტე­ბა აქვს უკ­რა­ი­ნის გა­უმ­ჯო­ბე­სე­ბუ­ლი სა­ჰა­ე­რო თავ­დაც­ვის გა­ნე­იტ­რა­ლე­ბა­სა და უკ­რა­ი­ნის კონ­ტრშე­ტე­ვის ძა­ლე­ბის გა­ნად­გუ­რე­ბის სა­ვა­რა­უ­დო მიზ­ნებ­ში. უწყე­ბის თქმით, ად­გილ­ზე რუ­სეთ­მა გა­და­ა­ნა­წი­ლა უსაფრ­თხო­ე­ბის ძა­ლე­ბი, რათა უპა­სუ­ხონ პარ­ტი­ზა­ნულ თავ­დას­ხმებს და­სავ­ლეთ რუ­სეთ­ში. ყო­ველ­დღი­ურ მი­მო­ხილ­ვა­ში ბრი­ტა­ნე­თის დაზ­ვერ­ვა ასე­ვე წერს, რომ რუსი მე­თა­უ­რე­ბი, სა­ვა­რა­უ­დოდ, ცდი­ლო­ბენ შექ­მნან სა­რე­ზერ­ვო ძა­ლე­ბი და გა­ნა­თავ­სონ ისი­ნი იქ, სა­დაც, მათი აზ­რით, უკ­რა­ი­ნის კონ­ტრშე­ტე­ვა მოხ­დე­ბა. თუმ­ცა, დაზ­ვერ­ვის შე­ფა­სე­ბით, ეს აფერ­ხებს ძა­ლე­ბის გაგ­ზავ­ნას ბახ­მუ­ტის ირ­გვლივ წინა ხაზ­ზე არ­სე­ბუ­ლი ხარ­ვე­ზე­ბის შე­სავ­სე­ბად.

ambebi.ge -ს რუ­სეთ-უკ­რა­ი­ნის ომის სი­ახ­ლე­ებ­ზე სამ­ხედ­რო-ანა­ლი­ტი­კუ­რი ჟურ­ნალ "არ­სე­ნა­ლის“ მთა­ვა­რი რე­დაქ­ტო­რი ირაკ­ლი ალა­დაშ­ვი­ლი ესა­უბ­რე­ბა:

"ფაქ­ტია, რომ უკ­რა­ი­ნის მხა­რე აქ­ტი­უ­რობს, რათა საბ­რძო­ლო მოქ­მე­დე­ბე­ბი და­ი­წყოს იმ ად­გი­ლას, სა­დაც უკვე ერთი წე­ლია, აღარ მიმ­დი­ნა­რე­ობს. მხედ­ვე­ლო­ბა­ში მაქვს რუ­სეთ-უკ­რა­ი­ნის სა­ზღვრის მო­ნაკ­ვე­თი - ბელ­გო­რო­დი-ხარ­კო­ვი, რა­საც შე­იძ­ლე­ბა ჰქონ­დეს რამ­დე­ნი­მე მო­ტი­ვი:

1. წმინ­და პო­ლი­ტი­კუ­რი, ვი­ნა­ი­დან უკ­რა­ი­ნის ხე­ლი­სუფ­ლე­ბა ცდი­ლობს და­ა­ნა­ხოს მო­სახ­ლე­ო­ბას, რომ პუ­ტი­ნის მიერ წა­მო­წყე­ბუ­ლი ომი თვი­თონ რუ­სე­თის მო­სახ­ლე­ო­ბის ნა­წილ­მა მა­ინც იგ­რძნოს.

2. წმინ­და სამ­ხედ­რო თვალ­საზ­რი­სი, რომ დაგ­რძელ­დეს ფრონ­ტის ხაზი - ის თუ ახლა 815კმ-ზე მე­ტია, უკ­რა­ი­ნას უნდა, რაც შე­იძ­ლე­ბა მეტ მან­ძილ­ზე გაგ­რძელ­დეს, რათა ამით რუ­სე­თის სა­ო­კუ­პა­ციო ძა­ლებს გა­უჩ­ნდეთ პრობ­ლე­მე­ბი იმ გა­გე­ბით, რომ იმ ძა­ლე­ბის, რომ­ლე­ბიც კონ­ცენ­ტრი­რე­ბუ­ლია დონ­ბას­ში, ზა­პო­რო­ჟი­ე­ში, ბახ­მუტ­თან, უგ­ლე­დარ­თან და სხვა, სას­წრა­ფო გა­დას­რო­ლა მოხ­დეს სა­ზღვრის გა­საძ­ლი­ე­რებ­ლად. თა­ვის დრო­ზე, რუ­სე­თი უკ­რა­ი­ნას სწო­რედ ამ მი­მარ­თუ­ლე­ბი­დან და­ეს­ხა თავს - უკ­რა­ი­ნის ჩრდი­ლო­ე­თის მხრი­დან, ანუ ბე­ლო­რუ­სი­დან შე­ვი­და ჩერ­ნო­ბი­ლის მხა­რეს, ასე­ვე, ბრი­ანსკის, კურსკი­სა და ბელ­გო­რო­დის ოლ­ქე­ბი­დან სუ­მის, ხარ­კო­ვის, ჩერ­ნი­გო­ვის­კენ და რო­დე­საც რუ­სეთს ჩა­ე­შა­ლა გეგ­მა და 3 დღე­ში ვერ შეძ­ლო კი­ე­ვის და­პყრო­ბა, თვე­ნა­ხე­ვა­რი იდგა იმ ად­გი­ლებ­ში. რუ­სეთ­მა ნახა, რომ დიდი და­ნაკ­ლი­სი ჰქონ­და, ვი­ნა­ი­დან უკ­რა­ი­ნე­ლე­ბი პარ­ტი­ზა­ნულ თავ­დას­ხმებს ახორ­ცი­ე­ლებ­დნენ და თა­ვად გა­იყ­ვა­ნა, მოხ­სნა ეს ჯა­რე­ბი და აღ­მო­სავ­ლეთ ფრონტზე, დონ­ბას­ში გა­და­ის­რო­ლა, იმ მხრი­დან შე­უ­ტია. ანუ რუ­სე­თი მიხ­ვდა, რომ ძა­ლე­ბი გა­ფან­ტუ­ლი ჰყავ­და, სწო­რი გათ­ვლა გა­ა­კე­თა და გარ­კვე­ულ შე­დეგ­საც მი­აღ­წია იმ გა­გე­ბით, რომ აღ­მო­სავ­ლე­თის­კენ ცოტა წინ წა­ი­წი­ეს. ახლა თუ უკ­რა­ი­ნა შეძ­ლებს ფრონ­ტის ხაზი "და­აგ­რძე­ლოს“ და უშუ­ა­ლოდ რუ­სეთ-უკ­რა­ი­ნის სა­ზღვრის ამ მო­ნაკ­ვეთ­ზე, ანუ კურსკი-ბრი­ანსკი-ბელ­გო­რო­დის ოლ­ქე­ბის გას­წვრივ გა­და­ი­ტა­ნოს, ეს უკ­რა­ი­ნე­ლებს მის­ცემს სა­შუ­ა­ლე­ბას, შე­ა­სუს­ტოს რუ­სე­თის სა­ო­კუ­პა­ციო ძა­ლე­ბის კონ­ცენ­ტრა­ცია აღ­მო­სავ­ლეთ ფრონტზე, ასე­ვე, ზა­პო­რო­ჟი­ეს ხაზ­ზე“.

ირაკ­ლი ალა­დაშ­ვი­ლი არ გა­მო­რი­ცხავს იმას, რომ ეს მა­ნევ­რი - უკ­რა­ი­ნე­ლე­ბის მიერ საბ­რძო­ლო მოქ­მე­დე­ბე­ბის გა­და­ტა­ნა სა­ზღვრის­პი­რა ოლ­ქებ­ში და ფრონ­ტის ხა­ზის "დაგ­რძე­ლე­ბა“ და­ა­ნონ­სე­ბუ­ლი გე­ნე­რა­ლუ­რი კონ­ტრშე­ტე­ვის პრე­ლუ­დი­ად აღ­ვიქ­ვათ.

"ეს უკ­რა­ი­ნე­ლებს, სა­ვა­რა­უ­დოდ, სწო­რედ იმის­თვის სჭირ­დე­ბათ, რომ სამ­ხრეთ მი­მარ­თუ­ლე­ბა­ზე გა­ნა­ვი­თა­რონ გე­ნე­რა­ლუ­რი კონ­ტრშე­ტე­ვა, რო­მე­ლიც დიდი ხა­ნია ანონსდე­ბა. სა­ერ­თოდ, ნე­ბის­მი­ერ სამ­ხედ­რო ოპე­რა­ცი­ას წინ უძღვის მო­სამ­ზა­დე­ბე­ლი სა­მუ­შა­ო­ე­ბი იმ გა­გე­ბით, რომ შე­იძ­ლე­ბა იყოს ცრუ შე­ტე­ვე­ბი სხვა მი­მარ­თუ­ლე­ბა­ზე, ანუ გა­მო­იწ­ვი­ონ მო­წი­ნა­აღ­დე­გის დაბ­ნე­ვა, შეც­დო­მა­ში შეყ­ვა­ნა. აქ უკვე კარ­ტე­ბი ისეა გახ­სნი­ლი, ძნე­ლია რამე ახ­ლის მო­გო­ნე­ბა, ორი­ვე მხა­რე ხვდე­ბა, საით შე­იძ­ლე­ბა გან­ვი­თარ­დეს შე­ტე­ვის მი­მარ­თუ­ლე­ბა, მით უმე­ტეს, დღეს დაზ­ვერ­ვის სა­შუ­ა­ლე­ბა შე­უძ­ლე­ბელს ხდის ერთ ად­გი­ლას ისე მოხ­დეს მძი­მე ჯავ­შან­ტექ­ნი­კის, არ­ტი­ლე­რი­ის კონ­ცენ­ტრი­რე­ბა, რომ ეს მო­წი­ნა­აღ­მდე­გემ არ შე­ამ­ჩნი­ოს. ანუ არც ერთი მხა­რე მე­ო­რეს არ მის­ცემს იმის სა­შუ­ა­ლე­ბას, რომ ის დიდ­ხანს ემ­ზა­დოს. აქე­დან გა­მომ­დი­ნა­რე, უკ­რა­ი­ნამ კონ­ტრშე­ტე­ვა თუ და­ი­წყო, ის შე­იძ­ლე­ბა ერ­თდრო­უ­ლად სხვა­დას­ხვა მი­მარ­თუ­ლე­ბა­ზე გან­ვი­თარ­დეს, რათა მო­წი­ნა­აღ­მდე­გე ვერ მიხ­ვდეს, სა­დაა ძი­რი­თა­დი მი­მარ­თუ­ლე­ბა, ან რაც შე­იძ­ლე­ბა გვი­ან მიხ­ვდეს, რათა კონ­ცენ­ტრი­რე­ბა, იქ და­მა­ტე­ბი­თი ძა­ლე­ბის გა­დას­რო­ლა ვერ მო­ას­წროს. სა­ვა­რა­უ­დოდ, შე­ტე­ვე­ბი ერ­თდრო­უ­ლად და­ი­წყე­ბა, ვთქვათ, კა­ხოვ­კის­კენ, ზა­პო­რო­ჟი­ეს­კენ, ბახ­მუ­ტის ან კრე­მენ­ნო­ეს მი­მარ­თუ­ლე­ბით“.

ირაკ­ლი ალა­დაშ­ვი­ლი რუ­სე­თის რა­კე­ტე­ბის მა­რაგ­ზე და და­სავ­ლე­თი­დან უკ­რა­ი­ნის­თვის სა­ჰა­ე­რო სივ­რცის და­სა­ცა­ვად გამ­ზა­დე­ბუ­ლი თვითმფრი­ნა­ვე­ბის - F-16-ების გა­და­ცე­მის მნიშ­ვნე­ლო­ბა­ზეც სა­უბ­რობს:

"სა­რა­კე­ტო დარ­ტყმე­ბით მა­ი­სი ერთ-ერთი ყვე­ლა­ზე "უხვი“ აღ­მოჩ­ნდა უკ­რა­ი­ნა­ზე და კონ­კრე­ტუ­ლად მის დე­და­ქა­ლაქ კი­ევ­ზე. იქ არ არის იმ­დე­ნი რა­კე­ტა გა­მო­ყე­ნე­ბუ­ლი, რომ ვთქვათ, რომ რუ­სეთ­მა მა­რა­გე­ბი რე­სურ­სით შე­ივ­სოს - რამ­დე­ნი­მე ერ­თე­ულ­ზეა ლა­პა­რა­კი, არა ათე­ულ და ასე­ულ რა­კე­ტა­ზე, მას ამის მა­რა­გი ყო­ველ­თვის ჰქონ­და და აქვს - ცო­ტას ეს­ვრის, მაგ­რამ სის­ტე­მა­ტუ­რად. ეს ნიშ­ნავს იმას, რომ პუ­ტი­ნის რე­ჟი­მის­თვის არა­ფერს ნიშ­ნავს, როცა მშვი­დო­ბი­ან ქა­ლაქს ბომ­ბავს, ხალ­ხს ხო­ცავს, თვი­თონ კი ამ­ბობს, სამ­ხედ­რო ინფრას­ტრუქ­ტუ­რას ვა­ნად­გუ­რე­ბო, მაგ­რამ ფაქ­ტი სა­ხე­ზეა, რომ ამ რა­კე­ტე­ბის უმ­რავ­ლე­სო­ბა ხვდე­ბა კორ­პუ­სებს, სა­ბავ­შვო ბა­ღებს და სკო­ლებს. როცა რუ­სე­თი თავს და­ეს­ხა უკ­რა­ი­ნას, მას ჰქონ­და უპი­რა­ტე­სო­ბა შე­ი­ა­რა­ღე­ბა­ში - არ­ტი­ლე­რია იქ­ნე­ბო­და, თუ ჯავ­შან­ტექ­ნი­კა, მაგ­რამ გან­სა­კუთ­რე­ბუ­ლი უპი­რა­ტე­სო­ბა ჰქონ­და ავი­ა­ცი­ის მხრივ (პირ­ველ რიგ­ში, თვითმფრი­ნა­ვე­ბის და შვე­ულმფრე­ნე­ბის). რუ­სეთ­მა ამ ომში და­კარ­გა და­ახ­ლო­ე­ბით 80-ზე მეტი საბ­რძო­ლო თვითმფრი­ნა­ვი და ამ­დე­ნი­ვე შვე­ულმფრე­ნი (რაც ოფი­ცი­ა­ლუ­რად და­დას­ტუ­რე­ბუ­ლია), მაგ­რამ ახლა რუ­სეთს კი­დევ რჩე­ბა 400-მდე საბ­რძო­ლო თვითმფრი­ნა­ვი და რამ­დე­ნი­მე ასე­უ­ლი შვე­ულმფრე­ნი. ასე რომ, მას სა­ჰა­ე­რო ძალა საკ­მაო აქვს.

ბოლო პე­რი­ოდ­ში უკ­რა­ი­ნე­ლე­ბი იმი­ტომ ვე­ღარ აგ­დე­ბენ ბევრ რა­კე­ტას, რომ თვი­თონ რუ­სებს ეში­ნი­ათ და აღარ შე­დი­ან უკ­რა­ი­ნის სა­ჰა­ე­რო თავ­დაც­ვის სის­ტე­მის მოქ­მე­დე­ბის ზო­ნა­ში, შო­რი­დან უშ­ვე­ბენ რა­კე­ტებს ან აგ­დე­ბენ მარ­თვად ბომ­ბებს. მა­ი­სის და­სა­წყის­ში, როცა რუ­სე­თის სა­ჰა­ე­რო სივ­რცე­ში რამ­დე­ნი­მე წუთ­ში 2 საბ­რძო­ლო თვითმფრი­ნა­ვი და 2 შვე­ულმფრე­ნი ჩა­მო­აგ­დეს, სა­ვა­რა­უ­დოდ, შორ­სმოქ­მედ­მა სა­ზე­ნი­ტო სა­რა­კე­ტო და­ნად­გარ­მა იმუ­შა­ვა უშუ­ა­ლოდ უკ­რა­ი­ნის ტე­რი­ტო­რი­ი­დან, ეჭ­ვია ამე­რი­კულ "პეტ­რი­ოტ­ზე“. რამ­დე­ნა­დაც უპი­რა­ტე­სო­ბა აქვს რუ­სეთს, უკ­რა­ი­ნას სურს სა­ჰა­ე­რო ძა­ლე­ბი გა­აძ­ლი­ე­როს, ამი­ტომ უკ­რა­ი­ნას სა­ჰა­ე­რო სივ­რცის და­სა­ცა­ვად და­სავ­ლუ­რი F-16 სჭირ­დე­ბა. 4000-ზე მეტი ასე­თი თვითმფრი­ნა­ვია გა­მოშ­ვე­ბუ­ლი და ბევ­რი კი­დევ სხვა­დას­ხვა ქვეყ­ნის შე­ი­ა­რა­ღე­ბა­შია. F-16 70-იანი წლე­ბის ბო­ლო­დან იწარ­მო­ე­ბა და ვერ იტყვი, ახა­ლია, მე­ო­თხე თა­ო­ბის თვითმფრი­ნა­ვია. ის თა­ვი­დან იყო რო­გორც გა­მა­ნად­გუ­რე­ბე­ლი თვითმფრი­ნა­ვი, მაგ­რამ მას ის პლუ­სი აქვს, რომ მუდ­მი­ვად მი­დის მისი სრუ­ლი მო­დერ­ნი­ზა­ცია. თა­ნა­მედ­რო­ვე მო­დი­ფი­კა­ცი­ის ამ თვითმფრი­ნა­ვებს შე­უძ­ლი­ათ არა მარ­ტო გა­მა­ნად­გუ­რე­ბე­ლის ფუნ­ქცი­ის შეს­რუ­ლე­ბა, არა­მედ დამ­რტყმე­ლი­საც - მა­გა­ლი­თად, გა­ა­ნად­გუ­რონ ტან­კი, რა­დი­ო­ლო­კა­ტო­რი, მო­წი­ნა­აღ­მდე­გის კა­ტარ­ღა წყალ­ში, რაც დიდი პლუ­სია. ანუ უკ­რა­ი­ნას F-16-ებ-ის შე­და­რე­ბით თა­ნა­მედ­რო­ვე მო­დი­ფი­კა­სი­ის თვითმფრი­ნა­ვებს თუ მის­ცე­მენ, მათ შე­ეძ­ლე­ბათ შე­ას­რუ­ლონ რო­გორც სა­ჰა­ე­რო თავ­დაც­ვის ფუნ­ქცი­ე­ბი (ანუ უკ­რა­ი­ნის ცა და­იც­ვან და­წყე­ბუ­ლი შა­ჰი­დე­ბის­გან, კა­მი­კა­ძე დრო­ნე­ბის­გან, ასე­ვე ფრთო­სა­ნი რა­კე­ტე­ბის­გან და ავი­ა­ცი­ის­გან), ამას­თა­ნა­ვე, შე­უძ­ლი­ათ შე­ტე­ვა გა­ნა­ხორ­ცი­ე­ლონ - შე­და­რე­ბით შორი მან­ძი­ლი­დან გა­უშ­ვან მარ­თვა­დი რა­კე­ტე­ბი, რათა აა­ფეთ­ქონ ფრონ­ტის ხა­ზის იქით მყო­ფი რუ­სუ­ლი მნიშ­ვნე­ლო­ვა­ნი ობი­ექ­ტე­ბი.

თვითმფრი­ნა­ვე­ბის გა­და­ცე­მას რაც შე­ე­ხე­ბა, ბა­ი­დე­ნი აქამ­დე ალ­ბათ ბლო­კავ­და ამას, რო­გორც ჩანს, პუ­ტი­ნის და­მა­ტე­ბით გა­ღი­ზი­ა­ნე­ბას და ეს­კა­ლა­ცი­ის გა­მოწ­ვე­ვას ერი­დე­ბო­და. ახლა ყვე­ლა ხე­დავს, რომ პუ­ტი­ნის­თვის სუ­ლერ­თია, ის მა­ინც აგ­რძე­ლებს უკ­რა­ი­ნის ბომბვას. გა­და­ცე­მა არაა ასე მარ­ტი­ვი, ამას სჭირ­დე­ბა

1. სა­ა­ე­როდ­რო­მო ინფრას­ტრუქ­ტუ­რის შექ­მნა.

2 ტექ­ნი­კუ­რი პერ­სო­ნა­ლის მომ­ზა­დე­ბა.

3. სამ­ხედ­რო მფრი­ნა­ვე­ბის მომ­ზა­დე­ბა.

ამ 1 წლის გან­მავ­ლო­ბა­ში უკ­რა­ი­ნელ სამ­ხედ­რო მფრი­ნა­ვებს უკვე იმ­ხე­ლა საბ­რძო­ლო გა­მოც­დი­ლე­ბა და­უგ­როვ­დათ, რაც ბევ­რს არ აქვს მსოფ­ლი­ო­ში. მათ არ გა­უ­ჭირ­დე­ბათ ამ თვითმფრი­ნა­ვე­ბის სწავ­ლა და საბ­რძო­ლო და­ვა­ლე­ბის შეს­რუ­ლე­ბა, უბ­რა­ლოდ, ამას დრო სჭირ­დე­ბა. ორი უკ­რა­ი­ნე­ლი სამ­ხედ­რო მფრი­ნა­ვი ჩა­იყ­ვა­ნეს ამე­რი­კა­ში და მათი დონე რომ შე­ა­მოწ­მეს, ამე­რი­კე­ლე­ბი კმა­ყო­ფი­ლე­ბი დარ­ჩნენ და თქვეს, რომ ასათ­ვი­სებ­ლად 6 თვის ნაც­ვლად, 4 თვეც საკ­მა­რი­სი იქ­ნე­ბაო, მაგ­რამ რთუ­ლია იმის თქმა, ყვე­ლა ამ დო­ნის გა­მოც­დი­ლე­ბის იქ­ნე­ბა თუ არა. სწავ­ლა არაა რთუ­ლი, ყო­ველ შემ­თხვე­ვა­ში, შე­იძ­ლე­ბა ნა­ხე­ვა­რი წელი დას­ჭირ­დეს, ეს თვითმფრი­ნა­ვე­ბი რომ ჩა­მო­ი­ტა­ნონ და პი­ლო­ტე­ბიც გა­და­ამ­ზა­დონ. თუმ­ცა აქ არის ერთი გა­მო­სა­ვა­ლი - უკ­რა­ი­ნა­ში იბ­რძვი­ან ინ­ტერ­ნა­ცი­ო­ნა­ლუ­რი ლე­გი­ო­ნე­ბი, მათ შო­რის ზოგი არ­ტი­ლე­რის­ტია, ზოგი ტან­კის­ტი და ისიც შე­იძ­ლე­ბა, თვითმფრი­ნა­ვის სა­ჭეს­თან მა­გა­ლი­თად, პენ­სი­ა­ზე გა­სუ­ლი ამე­რი­კე­ლი სამ­ხედ­რო მფრი­ნა­ვი აღ­მოჩ­ნდეს. უკ­რა­ი­ნის თავ­დაც­ვის მი­ნის­ტრმა F-16-ის ყვე­ლა ყო­ფი­ლი პი­ლო­ტი მი­იწ­ვია, ვინც სურ­ვილს გა­მოთ­ქვამ­და, უკ­რა­ი­ნის ცა და­ეც­ვა, ანუ პი­ლო­ტე­ბის ჩა­ნაც­ვლე­ბა არ არის რთუ­ლი, მთა­ვა­რია და­სავ­ლეთ­მა უკ­რა­ი­ნას მის­ცეს თვითმფრი­ნა­ვე­ბი. თუმ­ცა იმის თქმა, რომ F-16-ბი იქ­ნე­ბა პა­ნა­ცეა და მათი გა­და­ცე­მის შემ­დეგ მარ­ტო ამით მო­ი­გე­ბენ უკ­რა­ი­ნე­ლე­ბი, რა თქმა უნდა, არას­წო­რია.

თვი­თონ უკ­რა­ი­ნე­ლე­ბი აცხა­დე­ბენ, რომ პირ­ველ ეტაპ­ზე ამ ტი­პის 40-50 თვითმფრი­ნა­ვი სჭირ­დე­ბათ, რათა სა­ჰა­ე­რო სივ­რცის დაც­ვა შეძ­ლონ. უკ­რა­ი­ნის თით­ქმის მთლი­ა­ნად და­სა­ცა­ვად მო­მა­ვალ­ში შე­იძ­ლე­ბა F-16 ტი­პის 150 თვითმფრი­ნა­ვიც ჰქონ­დეთ შე­ი­ა­რა­ღე­ბა­ში“.

იხი­ლეთ ასე­ვე:

• კა­დი­რო­ვი პრი­გო­ჟინს და­ე­მუქ­რა - მივა თუ არა საქ­მე "ახ­მა­ტი­სა" და "ვაგ­ნე­რის" შე­ი­ა­რა­ღე­ბულ და­პი­რის­პი­რე­ბამ­დე?