მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
პარასკევი, მთვარის მეჩვიდმეტე დღე დაიწყება 23:08-ზე, მთვარე მერწყულს ესტუმრება 21:19-ზე – რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. ხელსაყრელი პერიოდია სამეცნიერო საქმიანობის, კვლევისთვის. ადამიანები ავლენენ დამოუკიდებლობას, ექსტრავაგანტურობას, კომუნიკაბელურობას, ექსპერიმენტებისადმი მიდრეკილებას და გამომგონებლობას. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
World Vision საქართველომ უკრაინელი ბავშვებისთვის ბათუმში საგანმანათლებლო-განმავითარებელი ცენტრი გახსნა
14:31 / 02-06-2023
1 ივნისს, ქალაქ ბათუმში, World Vision საქართველომ უკრაინელი ბავშვებისთვის საგანმანათლებლო და განმავითარებელ ცენტრი გახსნა, რომელიც ხელს შეუწყობს ბათუმში მცხოვრები უკრაინელი ბავშვების და მათი ოჯახების გაძლიერებას, ინტეგრაციას და ახალ გარემოსთან ადაპტაციას. აღნიშნული ცენტრის ბაზაზე (ქ. ბათუმში, ნოე ჟორდანიას N18) დაგეგმილია მრავალფეროვანი აქტივობები როგორიცაა, არსებული სერვისების შესახებ საინფორმაციო კამპანიები, არაფორმალური განათლების გაკვეთილები ბავშვებისთვის, ფსიქოსოციალური მხარდაჭერა მრავალფეროვანი მოდულების ფორმით ბავშვებისა და მშობლებისთვის, თემატური შეხვედრები, სხვადასხვა სოციალური და კულტურული ღონისძიებები.
ცენტრის გახსნაზე საგანგებოდ იყო მოწვეული საქართველოში გაეროს მუდმივი კოორდინატორი საბინე მახლი, რომელმაც ისაუბრა აღნიშნული სივრცეების მნიშვნელობაზე, რაც ქალების, ხანდაზმულებისა და განსაკუთრებით ბავშვებისთვის არის ერთად შეკრების, სხვადასხვა მომსახურების მიღების და ადგილობრივ თემთან ინტეგრაციის შესანიშნავი შესაძლებლობა.
ღონისძიებაზე მოწვეული იყვნენ უკრაინელი ბავშვები და ოჯახები, ასევე უკრაინული არასამთავრობო ორგანიზაციის და თემის წარმომადგენლები. ბავშვებს სივრცეში ტკბილეულით გაუმასპინძლდნენ და სახალისო აქტივობებში ჩართეს. ცენტრის პატარა სტუმრებს ღონისძიების დასასრულს სიმბოლური საჩუქრებიც დაურიგდათ. დამსწრე საზოგადოებისთვის ასევე გაიმართა უკრაინელი ოჯახების მხარდამჭერი პროექტის მეორე ფაზის პრეზენტაცია, რომელიც ხორციელდება World Vision საქართველოს მიერ World Vision International-ის და Aktion Deutschland Hilft (ADH)-ის ფინანსური მხარდაჭერით.
გრძელვადიანი პროექტი ასევე მოიცავს ბათუმში მოქმედი უკრაინული სამოქალაქო საზოგადოების და არასამთავრობო ორგანიზაციების შესაძლებლობების გაზრდას და მათთან თანამშრომლობას სხვადასხვა პროექტისა და საქმიანობის მიმართულებით. რეგულარული შეხვედრების ორგანიზება ხელს შეუწყობს ინფორმაციის გაზიარებასა და კოორდინაციის გაუმჯობესებას, ასევე სერვისებზე წვდომასა და ინტეგრაციის პროცესს. აღსანიშნავია, რომ პროექტის ფარგლებში, ორგანიზაცია კვლავ აგრძელებს მჭიდრო თანამშრომლობას ქართული სკოლების უკრაინულ სექტორთან მოზარდებისთვის ხარისხიანი განათლების უზრუნველყოფის მიზნით. როგორც World Vision საქართველოში აცხადებენ, მათთვის მნიშვნელოვანია, ბავშვები და მათი ოჯახები იყვნენ დაცული კონფლიქტის დროს, მათი საჭიროებები იყოს დაკმაყოფილებული, ჰქონდეთ ხარისხიანი განათლების მიღების საშუალება და ისარგებლონ მათ საჭიროებებზე მორგებული მომსახურებებით. სწორედ ამ მიზნით, World Vision საქართველო, უკრაინაში მიმდინარე კონფლიქტის პირველივე დღიდან ჩართულია კრიზისზე რეაგირების პროცესში და UNHCR-თან ერთად, სახელმწიფო სტრუქტურებთან აქტიური თანამშრომლობით, უწყვეტად ახორციელებს უკრაინელი ლტოლვილების მხარდამჭერ ღონისძიებებს მთელ საქართველოში.
დაინტერესებული პირებისთვის, World Vision საქართველოს თბილისის და ბათუმის ოფისებში ყოველდღიურად მიმდინარეობს სატელეფონო და პირისპირ კონსულტაციები ფინანსურ დახმარებასა და სხვა მომსახურებებზე, რომელიც ხელმისაწვდომია საქართველოში მცხოვრები უკრაინის მოქალაქეებისათვის.
დამატებითი ინფორმაციისთვის იხილეთ ლინკი: https://www.facebook.com/WorldVisionInGeorgia/;
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
