"გოგონა 1 წლისაა, მას სახელი დედამ შეურჩია... მამას ჯერ არ უნახავს" - რა იციან ლიზა იასკოსა და მიხეილ სააკაშვილის შვილზე ექსპრეზიდენტის გარემოცვაში?

რამდენიმე საათის წინ, უკრაინის რადას დეპუტატმა 32 წლის ლიზა იასკომ სოციალურ ქსელში დაწერა, რომ დედა გახდა. ის მიანიშნებს, რომ მისი პირველი შვილის მამა, სავარაუდოდ, ციხეში მყოფი საქართველოს ყოფილი პრეზიდენტი, 55 წლის მიხეილ სააკაშვილია.

ლიზა იასკომ დედობას მიუძღვნა "მგრძნობიარე პოსტი" "ინსტაგრამზე", სადაც ისაუბრა ბავშვის უკრაინულ ფესვებზე და მას მამის უკრაინული გაგრძელება უწოდა. იასკოს პოსტში არ დაუკონკრეტებია თუ როდის დაიბადა მისი შვილი, არც სქესი და არც ბავშვის სახელი უხსენებია. პერიოდულად მედიაში ვრცელდებოდა ფოტოები, რაც ლიზა იასკოს ორსულობას ადასტურებდა, თუმცა ამ თემაზე ღიად არცერთი მხარე არ საუბრობდა.

როგორც Ambebi.ge-ს ექსპრეზიდენტის გარემოცვიდან წყარო უყვება, მიხეილ სააკაშვილისა და ლიზა იასკოს შვილი 1 წლის არის, გოგონაა და მას ჟასმინი ჰქვია. სახელი გოგონას დედამ შეურჩია.

ჩვენი წყარო ამბობს, რომ მიხეილ სააკაშვილი მეოთხე შვილს ჯერჯერობით არ იცნობს. რამდენიმე თვის წინ, სანამ ლიზა იასკო ოფიციალურად დაადასტურებდა შვილის შესახებ ინფორმაციას, წყარო გვიყვებოდა, რომ მათი გოგონა ძალიან ჰგავდა ბაბუას, ლიზას მამას, ოლექსეი იასკოს.

შეგახსენებთ, რომ უკრაინული მედია იასკოს სავარაუდო ორსულობის შესახებ, ჯერ კიდევ 2022 წლის თებერვალში წერდა, თუმცა იქვე აკონკრეტებდნენ, რომ ქალს მუცელი არ ეტყობოდა. ამ დროს მიხეილ სააკაშვილი 5 თვის დაკავებული იყო. რამდენიმე თვეში ტელეკომპანია „იმედმა“ სიუჟეტი მოამზადა ექსპრეზიდენტისა და ლიზას საერთო შვილზე, თითქოს კიევში ბინა გიული ალასანიამ შვილიშვილს გადაუფორმა. თუმცა მაშინ ეს ინფორმაცია სააკაშვილის დედას არ დაუდასტურებია.

თებერვალში უკრაინულმა მედიამ გამაოქვეყნა სტატია, სადაც წერდა, რომ სააკაშვილი იასკოს დაშორდა. "მან ორსულობა მოიგონა. მიშას და დედამისს უთხრა, რომ ბავშვს ელოდებოდა. ამგვარად, აიძულა მას გადაეღო ვიდეო-აღიარება მათი ურთიერთობის შესახებ სააკაშვილის საქართველოში წასვლამდე. როდესაც გისოსებს მიღმა აღმოჩნდა, ვიდეო თავად გაასაჯაროვა" - განმარტავს წყარო ექსპრეზიდენტის ახლო წრიდან. მათი ურთიერთობა მას შემდეგ დასრულდა, როდესაც გაირკვა, რომ მიშას მთელი ქონება დედის სახელზე იყო რეგისტრირებული. ასევე, წყაროს ცნობით, იასკო ეჭვიანობდა მის პატარა ქალიშვილზე ელის-მარიაზე, სთხოვა ბავშვის სურათები საკანში არ ჰქონოდა გამოფენილი. ახლა, როცა სააკაშვილი ციხეში მძიმე მდგომარეობაშია, ლიზას ის თითქმის არ ახსოვს,“ - წერდა strana.news.

მიხეილ სააკაშვილი 2021 წლის შემოდგომაზე ადგილობრივი არჩევნების წინ საქართველოში ფარულად დაბრუნების შემდეგ დააკავეს. ის ქვეყანაში არ ყოფილა მას შემდეგ, რაც მისი მეორე საპრეზიდენტო ვადა 2013 წელს დასრულდა.

პროტესტის ნიშნად პოლიტიკოსმა რამდენჯერმე გამოაცხადა შიმშილობა და ამტკიცებდა, რომ ის პოლიტიკური ბრალდებით დააკავეს. სააკაშვილის ადვოკატების, ოჯახისა და მხარდამჭერების განცხადებით, შიმშილობისა და არასათანადო მოპყრობის შედეგად პოლიტიკოსის ჯანმრთელობის მდგომარეობა უკიდურესად მძიმეა და მას საზღვარგარეთ მკურნალობა სჭირდება.

ექსპერზიდენტს ოთხი შვილი ჰყავს. ედუარდი და ნიკოლოზი სანდრა რულოვსთან ქორწინებაში შეეძინა. ელის მარია სააკაშვილი, სოფო ნიჟარაძესთან ურთიერთობისას. დაკავების შემდეგ სააკაშვილმა განაცხადა, რომ ის ლიზა იასკოსთან ქმნიდა ახალ ოჯახს, უმცროსი ქალიშვილი სწორედ რადას დეპუტატთან თანაცხოვრებისას შეეძინა.

წაიკითხეთ ასევე:

• "ვერასდროს წარმოვიდგენდი, რომ ჩემი ბავშვის მამა არ იქნებოდა ჯანმრთელი იმ მომენტებში, როცა ერთად ვგეგმავდით ყოფნას" - რას წერს ლიზა იასკო მისი და სააკაშვილის შვილზე?
• "მის პატარა ქალიშვილზეც ეჭვიანობდა და სთხოვდა ბავშვის ფოტოები კამერაში არ გამოეფინა" - უკრაინული მედიის მტკიცებით, ლიზა იასკო და სააკაშვილი დაშორდნენ
• "ჩემთვის არავის არაფერი უჩუქებია" - რას ამბობს სოფო ნიჟარაძე მიხეილ სააკაშვილისა და ლიზა იასკოს ქალიშვილზე გავრცელებულ ინფორმაციაზე?