მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ გამოვიყენოთ საზოგადოებრივ ტრანსპორტში გატარებული დრო ნაყოფიერად
13:59 / 01-06-2023
ოდესღაც, ქუჩის მაღაზიებში ჯიბის წიგნები გამოჩნდა, როგორც ბიუჯეტური, ექვსგროშიანი გამოცემები. თავდაპირველად, ჯიბის ფორმატმა წიგნები ხელმისაწვდომი გახადა, შემდეგ კი, სატარებლად კომფორტული ზომის წყალობით, შესანიშნავ ალტერნატივად იქცა, უფრო ძვირადღირებული და „მძიმე კოლეგებისთვის“.
ჯიბის წიგნები მსუბუქი და კომპაქტურია. ის შეგიძლიათ ყველგან თან ატაროთ, რადგან მინიმალურ ადგილს იკავებს ჩანთაში. გარდა ამისა, ჯიბის წიგნები შესანიშნავ მეგზურობას გაგიწევთ ტრანსპორტში მგზავრობისას, ან თუნდაც სკვერში სეირნობისას.
საზოგადოებრივ ტრანსპორტში მგზავრობა, განსაკუთრებით ბოლო პერიოდში საკმაოდ დიდ დროს და ენერგიას გვართმევს. ხშირად, სამსახურიდან სახლამდე (და პირიქით) მისასვლელად, მინიმუმ ერთი საათი გვეხარჯება, პიკის საათებში. ამ დროს გეჩვენება, რომ დრო უსასრულოდ იწელება, რას საკმაოდ სტრესულია ნერვული სისტემისთვის. - როგორ შეიძლება გამოვიყენოთ საზოგადოებრივ ტრანსპორტში გატარებული დრო ნაყოფიერად? - თუ ტრანსპორტში, თქვენს მახლობლად ადგილი გათავისუფლდა, გემრიელად მოკალათდით, ჩვენ თქვენთვის ძალიან საინტერესო ჯიბის წიგნები შევარჩიეთ!
დეტექტივი სწორედ ის ჟანრია, რომელიც სიუჟეტში ბოლომდე გითრევს და ტვინს ეხმარება, აქტიური იყოს. დეტექტივი საინტერესო სიუჯეტის გარდა, ტვინისთვის ერთგვარი სავარჯიშოცაა. აქტიურდება კონცენტრაცია, მეხსიერება, საგნების ერთმანეთთან დაკავშირების და ანალიზის უნარი. გამომცემლობა „პალიტრა L”-ის ჯიბის დეტექტივების სერიას სამი ახალი წიგნი შეემატა, სადაც ყველაფერია, რასაც დეტექტივისგან უნდა ელოდოთ, მკვლელობა, გამოძიება, ბოროტმოქმედთა მხილება, ერთი შეხედვით ამოუხსნელი და ჩახლართული ამბები.
დოროთი ლ. სეიერსი „არაბუნებრივი სიკვდილი“
ინგლისელმა მწერალმა, დრამატურგმა და მთარგმნელმა დოროთი ლი სეიერსმა (1893-1957) დეტექტიური რომანებით გაითქვა სახელი და სამართლიანადაა აღიარებული ამ ჟანრის ერთ-ერთ კლასიკოსად. სეიერსის ერთ-ერთი გამორჩეული პერსონაჟია გამჭრიახი არისტოკრატი მაძებარი ლორდი პიტერ უიმზი, რომელიც ავტორის არაერთ რომანსა და მოთხრობათა კრებულში გვევლინება. ლორდი „არაბუნებრივი სიკვდილის“ მთავარი გმირიცაა.
ფაბულა: უკურნებელი სენით დაავადებული ხანდაზმული ლედი აგათა დოუსონის სიკვდილში, ერთი შეხედვით, საეჭვო არაფერია. მიუხედავად ამისა, ლორდ პიტერ უიმზის მაინც ეჭვი ღრღნის. რამდენიმე დღის შემდეგ, ტყეში ქალბატონის მოახლე ბერტას გვამს პოულობენ. იდუმალი ამბები აშკარად გარდაცვლილის ქონებას უკავშირდება, თუმცა აგათას ერთადერთი მემკვიდრე ჰყავს ახალგაზრდა ნათესავი მერი უიტაკერი.მაგრამ მოულოდნელად ჰორიზონტზე ლედის შორეული ნათესავი, ხელმოკლე მღვდელი ალილუია დოუსონიც ჩნდება...ამასობაში ერთ მკვლელობას მეორე მოჰყვება. ლორდი უიმზი რთული ამოცანის წინაშე დგას მოასწროს კვანძის გახსნა,ვიდრე მსხვერპლთა რიცხვი სამამდე გაიზრდება.
როს მაკდონალდი „შიში“
როს მაკდონალდი (1915-1983) მწერალ კენეთ მილარის ფსევდონიმია, ის სან-ფრანცისკოში (აშშ) დაიბადა, ბავშვობა ვანკუვერში (კანადა) გაატარა. პირველი ნაწარმოები 1944 წელს გამოსცა. მილარი ამერიკის დეტექტივების მწერალთა საზოგადოების პრეზიდენტი გახლდათ.
ფაბულა: ოთხმაგი მკვლელობა. ოთხი გარდაცვლილი. პირველ მსხვერპლს დანარჩენებისგან წლები აშორებს, მაგრამ მკვლელობა ერთი პიროვნების ხელით ხდება. მკვლელის ვინაობას რამდენიც უნდა ეცადოთ ვერ გამოთვლით, მხოლოდ ბოლო გვერდზე ამოიკითხავთ და გაოცდებით.
ნაიო მარში „მკვლელო, სცენაზე!“
ნაიო მარში 1895 წელს დაიბადა ახალი ზელანდიის სამხრეთში, კუნძულზე მდებარე ქალაქ კრაისტჩერჩში. პირველი დეტექტიური რომანი 1932 წელს დაწერა და მასში გამოჩნდა მწერლის 42-ვე რომანის მთავარი გმირი - ინსპექტორი როდერიკ ალეინი.
ფაბულა: "„მარტორქას“ თეატრის ახალი სპექტაკლის სცენარი ვარსკვლავის საგრიმიოროში უჩვეულო კინკლაობაში გადაიზრდება, თვით სპექტაკლსა და სინამდვილეს შორის კი ზღვარი იშლება, როდესაც სიმპათიური ფელიქს გარდენერი თავის აღელვებულ მეტოქეს, ართურ სურბონადიეს, იმ რევოლვერით კლავს, თავად ართურმა რომ დატენა ფუჭი ვაზნებით, მაგრამ ნამდვილად ფუჭი ვაზნებით დატენა ართურმა რევოლვერი? როგორ მოხვდა ნამდვილი ვაზნა თეატრის რეკვიზიტად ქცეულ რევოლვერში? ჩახლართულ საქმეში ინსპექტორმა როდერიკ ალეინმა უნდა გამოავლინოს მკვლელი, რომელიც ბოროტმოქმედების ჯოჯოხეთურად ჭკვიანური დაგეგმვისთვის „ოსკარს“ იმსახურებს"
ჯიბის დეტექტივები მეგზურობას გაგიწევთ ყველგან, სადაც საინტერესო ამბების კითხვა მოგინდებათ.
წიგნის შეძენა შეგიძლიათ "ბიბლუსის“ ფილიალებში ან "პალიტრა L-ის" საიტზე საკურიერო მომსახურებით: https://bit.ly/3Lq5vES
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
