მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კუჭის ოპერაციის მერე გართულება არსად უჩანდა... სიმსივნე 5 თვის წინ მოულოდნელად აღმოაჩნდა, თავიდან მძიმედ იყო, ჩაკეტილი" - რას ჰყვება სოსო ჯაჭვლიანის მდგომარეობაზე მეგობარი?
20:30 / 31-05-2023
მსახიობი და სპორტსმენი სოსო ჯაჭვლიანი დღე-დღეზე სამკურნალოდ თურქეთში გაემგზავრება. როგორც მისი ოჯახის ახლობელი გვეუბნება, თურქულ კლინიკასთან მოლაპარაკებები დასრულებულია, ახლა მხოლოდ სამკურნალო თანხის მობილიზებაა საჭირო.
როგორც სოსო ჯაჭვლიანის ოჯახის ახლობელმა გვითხრა, სოსოს მდგომარეობა დამძიმებულია, თუმცა დღეს შედარებით უკეთაა, ვინაიდან რამდენიმე დღის შემდეგ დღეს პირველად მიიღო დამოუკიდებლად საკვები.
AMBEBI.GE სოსო ჯაჭვლიანის მეგობარ პოლიტიკოსს დავით ლორთქიფანიძესაც დაუკავშირდა.
"სოსოსთან ყოველდღიური კომუნიკაცია მაქვს. თვეებია, ქართულ-გერმანულ კლინიკაში მკურნალობს და დღეს შედარებით უკეთაა, ვიდრე თვეების წინ იყო. სოსო ამ ხნის მანძილზე სპეციფიკური ვიტამინიზირებული საკვებით იკვებება, ისეთით, რასაც ორგანიზმი აიტანს. თურქულ მხარესთან, ფაქტობრიბვად, დასრულებულია მოლაპარაკება, გადაგზავნილია ყველა კვლევა, კატე, ანალიზები, მას გააკეთებინეს გენეტიკური ანალიზი, რათა უშუალოდ მოხდეს ჩარევა იმ ადგილებში, რაც დაზიანებულია (მთლიანად ორგანიზმის „დაბომბვა“ რომ არ მოხდეს მკურნალობით). სოსო დღე-დღეზე წავა თურქეთში და გააგრძელებს მკურნალობას, რომელიც, როგორც ეუბნებიან, 5 ეტაპადაა დაყოფილი და დაახლოებით 2-3 თვის განმავლობაში გაგრძელდება. მკურნალობის ყველა ეტაპის შემდეგ შეისვენებს და როცა 5 ეტაპი დასრულდება, გადაუღებენ კატეს, სადაც გამოჩნდება რა ფორმით უნდა გაგრძელდეს მისი მკურნალობა. იმედია, ქირურგიული ჩარევა არ გახდება საჭირო.
სოსოს 4-5 თვეა, რაც მკურნალობს ქართულ-გერმანულ კლინიკაში. ადრე მას ჰქონდა კუჭის პრობლემა და გერმანიაში გაიკეთა ოპერაცია, პრობლემა აღარ არსებობდა, იკეთებდა კვლევებს და არსად ჩანდა, რომ ამას გართულება მოჰყვა. 5 თვის წინ მოულოდნელად აღმოჩნდა, რომ, სამწუხაროდ, სიმსივნე აქვს. რაც მთავარია, სოსო მხნედ და იმედიანადაა, ექიმების რჩევა-დარიგებებს იზიარებს და განწყობილია, ბოლომდე იბრძოლოს და სენი დაამარცხოს. ამ დროს განწყობასაც ხომ დიდი მნიშვნელობა და ძალა აქვს. ახლობლები რითაც შეგვიძლია, გვერდით ვუდგავართ.
მკურნალობა საკმაოდ დიდ ხარჯებთანაა დაკავშირებული - ზუსტად არავინ იცის, მაგრამ, მკურნალობას სადღაც 100-150 ათასი დოლარი სჭირდება. სოსოს საახლობლო ამოუდგა გვერდში, თავისი წვლილი შეიტანეს მის გამოჯანმრთელებაში. დანარჩენი, კიდევ მნიშვნელოვანი თანხებია საჭირო და იმედი გვაქვს, ესეც გამოჩნდება. ახლა ყველაფერი დამოკიდებულია იმაზე, რამდენად დროულად მოხდება თანხების მობილიზაცია. თავიდან მძიმედ იყო, ჩაკეტილი, მაგრამ ამ დღეებში შედარებით კომუნიკაბელური გახდა. მთავარია, როგორც აიმედებენ, შედეგი იქნება დადებითი და მის სიცოცხლეს და ჯანმრთელობას საფრთხე აღარ დაემუქრება. ექიმები სოსოს აიმედებენ, რომ ამ სენს დაამარცხებს და წლების მანძილზე კარგად იქნება, ჩვენც, მისი მეგობრები და ახლობლებიც ამას ვიმედოვნებთ, სოსოს უფალი დაეხმარება".
წაიკითხეთ ასევე:
მკითხველის კომენტარები /
31 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სახელები კი დაირქვეს ამბიციური: ქართულ-გერმანული, ქართულ-ამერიკული და შიგნით ვინ მუშაობს ეგ არი საკითხავი.
ოპერაციაც თავიდანვე იქ უნდა გაეკეთებინა...რას ქვია უცებ გამოჩნდა, დაკარგა კაცმა ოქროს დრო ..
ღმერთო დაიფარე ყველა ავი სენისგან.რაც შესაძლებლობაა ჩავრიცხავდი.ვაი ვიში არაფერს უშველის.დახმარება ნაღდი ანგარიშით.ღმერთიცგაგახარებთ.ხვალ ჩვენ რა გველოდება კაცმა არიცის.დავუდგეთ რა ერთმანეთს გვერდით ასეთ დროს.გფარავდეთ უფალი.ბანკის ანგარიში დადეთ...