ხელოვნური ინტელექტი საფრთხე კაცობრიობისთვის? -  AI-ის შემქმნელები, საფრთხის მასშტაბურობით, მას  ბირთვულ ომსა და პანდემიას ადარებენ

"ხელოვნურმა ინტელექტმა შესაძლოა, კაცობრიობის გადაშენება გამოიწვიოს", - ამის შესახებ გამაფრთხილებელ განცხადებას აქვეყნებენ ექსპერტები, მათ შორის, OpenAI-სა და და Google Deepmind-ის ხელმძღვანელები.

• განცხადება AI-ის უსაფრთხოების ვებგვერდზე გამოქვეყნდა. მასში ნათქვამია, რომ ხელოვნური ინტელექტისგან გამოწვეული რისკის შემცირება უნდა იყოს გლობალური პრიორიტეტი სხვა სოციალური მასშტაბის რისკებთან ერთად, როგორებიცაა პანდემია და ბირთვული ომი.

ზოგიერთი მიიჩნევს, რომ ამგვარი შიშები გადაჭარბებულია.

ChatGPT მწარმოებლის OpenAI-ის აღმასრულებელი დირექტორი, სემ ალტმანი, Google DeepMind-ის აღმასრულებელი დირექტორი დემის ჰასაბისი და Anthropic-ის წარმომადგენელი დარიო ამოდეი ამ განცხადებას მხარს უჭერენ და მასში გამოთქმულ მოსაზრებას იზიარებენ.

ჯეფრი ჰინტონმა, რომელსაც "ხელოვნური ინტელექტის“ ნათლიას უწოდებენ, რამდენიმე კვირის წინ ისაუბრა ხელოვნური ინტელექტისგან მომავალ საფრთხეებზე. ზემოთ აღნიშნულ განცხადებას ისიც იზიარებს და ეთანხმება.

წყარო: BBC

ნახეთ ასევე:

• ხელოვნური ინტელექტი და ადამიანი - სტერეოტიპები და რეალობა, რომელიც უნდა იცოდეთ
• ხელოვნური ინტელექტის საფრთხეზე ილონ მასკი, სტივ ვიზნიაკი და ტექნოლოგიური გიგანტების სხვა წარმომადგენლები ღია წერილს ავრცელებენ