"მამაჩემს 100%-ით ნამდვილად არ ვიცნობდი. ის მუდმივად ნასვამი იყო" - ვინ იყო კრიშტიანო რონალდოს მამა? - მოუსმენთ პოდკასტს
ფეხბურთის ვარსკვლავის კრიშტიანო რონალდოს მამა ალკოჰოლიკი იყო, რომელმაც თავისი შვილის დიდებული კარიერა ვერ ნახა. ჟოზე დინის ავეირო 2005 წელს ჭარბი სმის გამო გარდაიცვალა. მაშინ რონალდო 20 წლის გახლდათ, ორ წელში კი თინეიჯერმა მეგაკარიერა "ოლდ ტრაფორდის" მოედანზე დაიწყო.
"მე მამაჩემს 100%-ით ნამდვილად არ ვიცნობდი. ის მუდმივად ნასვამი იყო. შემიძლია გითხრათ, რომ მას არ ვესაუბრებოდი. ჩვენ ერთმანეთთან, ფაქტობრივად, კომუნიკაცია არც გვქონდა, რადგან რთულია, არაფხიზელ მდგომარეობაში მყოფ ადამიანს ესაუბრო. ძალიან მწყდება გული, რადგან ის პირველი უნდა ყოფილიყო, ვინც ჩემს მიღწევებს, ტიტულებსა და გატანილ ბურთებს ნახავდა" - განაცხადა რონალდომ პიერს მორგანთან ინტერვიუში.