მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
და, აი, ჩვენ აქ ვართ – მამმა მია! – სეზონის ბოლო წარმოდგენები "თეატრში"
14:35 / 29-05-2023
ივნისისა და ივლისის თვეებში, მულტიფუნქციურ სივრცე „თეატრში“ მიუზიკლის „და, აი, ჩვენ აქ ვართ – მამმა მია“ სეზონის ბოლო წარმოდგენები გაიმართება და მისი გუნდი სექტემბრამდე დაემშვიდობება მაყურებლებს.
მიუზიკლი „და, აი, ჩვენ აქ ვართ – მამმა მია“ სტუმრებს უნიკალურ სანახაობას სთავაზობს. მუსიკისა და მსახიობთა შესრულების გარდა, მაყურებელზე დიდ შთაბეჭდილებას ახდენს კოსტიუმები, ვიზუალური და აუდიო გაფორმება. ამასთან ერთად, სიუჟეტი ვითარდება არა მხოლოდ სცენაზე, არამედ სხვადასხვა სივრცეში – დარბაზში, აივანზე, კიბეებზე თუ ბართან. პიესა სპეციალურად წარმოდგენისთვის შეიქმნა და მოერგო „თეატრის“ სივრცეს. ლეგენდარული ABBA-ს სიმღერები კი ქართულ ენაზე ითარგმნა და ადაპტირდა.
„მაყურებელი გასაოცარი სანახაობის ეპიცენტრში აღმოჩნდება, გახდება ბედნიერი და სევდიანი ამბების მომსწრე, მონაწილეებთან ერთად იცინებს, იტირებს ან ამღერდება. ერთი სიტყვით, არ ექნება მოწყენის დრო, რადგან „მამმა მიაში“ ცხოვრება დუღს“, – ამბობს „თეატრის“ სამხატვრო ხელმძღვანელი, ზაალ ჩიქობავა.
ტრადიციულად, მიუზიკლის „და, აი, ჩვენ აქ ვართ – მამმა მია“ მსვლელობისას სტუმრებს გაუმასპინძლდებიან ვახშმით, რომელზეც „თეატრის“ ბრენდ შეფი, ალექს ნათაძე და მისი გუნდი იზრუნებს.
„და, აი, ჩვენ აქ ვართ – მამმა მია“ საქართველოში პირველად „თეატრის“ სცენაზე დაიდგა და მისი სრული ვერსიის პრემიერა თებერვალში შედგა. მიუზიკლის დამდგმელი რეჟისორი ზაალ ჩიქობავაა, ინსცენირება კი თეა ყიფშიძეს ეკუთვნის. წარმოდგენის მუსიკალური ხელმძღვანელია თამუნა არჩვაძე, კოსტიუმების მხატვარი ლაშა ჯოხაძე, ქორეოგრაფი კი გიორგი ტორიაშვილი.
დადგმაში „და, აი, ჩვენ აქ ვართ – მამმა მია“ მონაწილეობას იღებენ გამორჩეული ქართველი მსახიობები და მუსიკოსები, მათ შორის, ანა ქურთუბაძე, რუსკა მაყაშვილი, გიგი დედალამაზიშვილი, ანდრია გველესიანი, სანდრო კახეთელიძე და საზოგადოებისთვის საყვარელი სხვა არტისტები.
მიუზიკლის „და, აი, ჩვენ აქ ვართ – მამმა მია“ ხილვას მსურველები სეზონის დასრულებამდე ოთხჯერ – 7 და 18 ივნისს, ასევე, 7 და 16 ივლისს შეძლებენ. მისი გუნდი დროებით, სექტემბრამდე დაემშვიდობება მაყურებელს.
7 ივნისის ბილეთების შესაძენად გადადით შემდეგ ბმულზე: https://tkt.ge/event/351129/da-ai-chven-aq-vart-mamma-mia
18 ივნისის ბილეთების შესაძენად ეწვიეთ მოცემულ ბმულს: https://tkt.ge/event/351173/da-ai-chven-aq-vart-mamma-mia
დეტალური ინფორმაციისთვის:
https://www.facebook.com/theatretsiskvili
NS
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
და მთავარი გმირი მსახიობი და მომღერალი ელენე თავართქილაძე არ უნდა აგეღნიშნათ სტატიაში?