მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აღმოჩენა ეგვიპტეში - ნაპოვნია მუმიფიცირების სახელოსნოები, რომელიც აღჭურვილია ბალზამირებისთვის საჭირო ყველა ინსტრუმენტით
13:11 / 30-05-2023
Reuters-ის ცნობით, ეგვიპტელმა არქეოლოგებმა საკარას უძველეს სამარხში, რომელიც კაიროს სამხრეთით მდებარეობს, მუმიფიცირებისთვის განკუთვნილი უძველესი სახელოსნოები და სამარხები აღმოაჩინეს. ეგვიპტის სიძველეთა უმაღლესი საბჭოს ხელმძღვანელმა, მუსტაფა ვაზირიმ თქვა, რომ სახელოსნოები, სადაც ადმიანებს და წმინდა ცხოველებს მუმიფიცირება უტარდებოდათ, დაახლოებით 2400 წლით (ძვ. წ. 380-343 წწ.) და პტოლემეოსის ეპოქის დროით (ძვ.წ. 305-30 წწ.) თარიღდება.
აღმოჩენა ქალღმერთ ბასტეტის საკურთხევლის მახლობლად მიმდინარე ერთწლიანი გათხრების შედეგია. ეს იგივე ადგილია, სადაც 2019 წელს ასობით მუმიფიცირებული ცხოველი და ქანდაკება აღმოაჩინეს.
"ბალზამირების სახელოსნოები ვიპოვეთ, რომელთაგან ერთი ადამიანებისთვისაა, მეორე კი ცხოველებისთვის. აგრეთვე აღმოვაჩინეთ ყველა ის ინსტრუმენტი, რომელსაც მუმიფიცირებისთვის იყენებდნენ“, - აცხადებს პრესასთან ეგვიპტის სიძველეთა უმაღლესი საბჭოს გენერალური მდივანი, მუსტაფა ვაზირი.
ორივე სახელოსნოში ასევე იპოვეს ქვის საწოლები, თიხის ქოთნები, სარიტუალო ჭურჭელი, ნაჭრები და ნატრონის მარილი (ნატრიუმის ბიკარბონატი), რომელიც მუმიფიკაციის ერთ-ერთი მთავარი ელემენტია.
- საკარას გათხრებისას 4 400 და 3 400 წლის წინანდელი ორი სამარხი აღმოაჩინეს, რომლებშიც სასულიერო პირები ასვენია: ნე ჰესუტ ბა, ძველი სამეფოს მეხუთე დინასტიიდან და მენ ხებერი, გვიანი სამეფოს მე-18 დინასტიიდან.
ეგვიპტეში საკარასა და სხვა უძველეს ლოკაციებზე ბოლო წლებში ინტენსიური გათხრები მიმინარეობს, რამაც არაერთ გახმაურებულ აღმოჩენას მისცა დასაბამი.
ცენტრალური ბანკის ახლახანს გამოქვეყნეული მონაცემებით, 2022 წლის მეორე ნახევარში, ეგვიპტეში, ტურიზმიდან შემოსავალი 7.3 მილიარდ დოლარამდე გაიზარდა, რაც 25,7%-ით მეტია წინა წლის ანალოგიურ პერიოდთან შედარებით.
წყარო: reuters
მოამზადა: ანა სიბოშვილმა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
