შურისძიება ქალიშვილის გამო - 1983 წელს დედოფალ ელისაბედ II-ის აშშ-ში ვიზიტისას, მისი მოკვლა იგეგმებოდა: FBI აქამდე უცნობ დოკუმენტებს აქვეყნებს
FBI-ის ახლად გამოქვეყნებული დოკუმენტები უჩვენებს, რომ 1983 წელს, დედოფალი ელისაბედ II-ის აშშ-ში ვიზიტის დროს, მისი მკვლელობა იგეგმებოდა. გამოძიების ფედერალური ბიუროს ფაილებში ჩანს, რომ სანამ დედოფალი აშშ-ში იმყოფებოდა, მათ მის უსაფრთხოებაზე იზრუნეს.
მკვლელობის მუქარის შესახებ ინფორმაცია FBI-ის სან-ფრანცისკოს პოლიციის ოფიცერმა მიაწოდა. ოფიცერი, რომელიც სან-ფრანცისკოში ერთ-ერთ ირლანდიურ ბარს ხშირად სტუმრობდა, ერთ-ერთ მამაკაცს შეხვდა, რომელსაც დედოფლისთვის ზიანის მიყენება სურდა.
ოფიცერმა თქვა, რომ მამაკაცი შურისძიებას გეგმავდა მისი ქალიშვილისთვის, რომელიც ჩრდილოეთ ირლანდიაში რეზინის ტყვიით მოკლეს. მისი გეგმების გაგების შემდეგ FBI-მ გარკვეული ზომები მიიღო და დედოფლის ვიზიტმა მშვიდობიანად ჩაიარა. მამაკაცის დაკავების შესახებ ფედერალურ ბიუროს დეტალები არ გამოუქვეყნებია.
გარდაცვლილი დედოფლის მრავალი სახელმწიფო ვიზიტი აშშ-ში, მათ შორის 1983 წლის ვიზიტი ჩრდილოეთ ირლანდიაში არსებული დაძაბულობის ფონზე მიმდინარეობდა. ფედერალური ბიურო მედიასთან ამბობს, რომ შესაძლოა არსებობდეს „დამატებითი ჩანაწერები“, გარდა იმ დოკუმენტებისა, რომლებიც ამ კვირაში გამოქვეყნდა, მაგრამ მათი გამოქვეყნების თარიღს არ ამხელს.
წყარო: bbc
მოამზადა: ანა სიბოშვილმა