მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
იმერეთის დღეები "წისქვილში" – "ქართული კუთხეების ფესტივალი" დაიწყო
12:28 / 23-05-2023
20-21 მაისს, წისქვილმა იმერეთს უმასპინძლა. ორი დღის განმავლობაში სტუმრებს შესაძლებლობა ჰქონდათ გამორჩეული ფოლკლორული სიმღერებით, ქორეოგრაფიული ნომრებითა და კერძებით გაეცნოთ საქართველოს ეს კუთხე და მონაწილეობა მიეღოთ სხვადასხვა აქტივობაში.
იმერეთის დღეები „წისქვილი ჯგუფის“ ახალი ინიციატივის, „ქართული კუთხეების ფესტივალის“ ფარგლებში გაიმართა. ღონისძიება საქართველოს სხვადასხვა კუთხის კულტურისა და გასტრონომიის პოპულარიზაციას ისახავს მიზნად. იმერეთი პირველი იყო, რომელსაც „წისქვილმა“ უმასპინძლა.
„ქართული კუთხეების ფესტივალი“ ძალიან საინტერესო ღონისძიებაა როგორც ქართველებისთვის, ისე უცხოელი სტუმრებისთვის, რადგან ის მათ შესაძლებლობას აძლევს ერთ სივრცეში, თბილისშივე იმოგზაურონ ქვეყნის სხვადასხვა კუთხეში და ეზიარონ მათ ავთენტურ კულტურასა და გასტრონომიას.
პირველი კუთხე იმერეთი იყო, რომლის შემდეგაც სვანეთს ვუმასპინძლებთ. ივლისის ბოლომდე კი, „წისქვილში“ თავიანთ კუთხეს კახეთი, სამეგრელო, რაჭა, გურია და აჭარა წარადგენს“, – ამბობს „წისქვილი ჯგუფის“ მარკეტინგის ხელმძღვანელი, ანანო თავხელიძე.
იმერეთის დღეებზე „წისქვილს“ ესტუმრნენ ქუთაისის ა. ვასაძის სახელობის ფოლკლორის სახელოვნებო სასწავლებლის ანსამბლი „ბერმუხა“, ფოლკლორის სახელოვნებო სასწავლებლის ხალხურ საკრავთა ანსამბლი ზვიად აბესაძის ხელმძღვანელობით, ლევან გერსამიას ანსამბლი, „ქართული ქორეოგრაფია“ და ანსამბლი „აისი“.
თავიანთი პროდუქცია წარადგინეს ქართულმა კომპანიებმაც, რომელთა შორისაც იყო მეღვინეობა „ენკენი“, „შუმი“, „ფესვები“,“ოჯახური“, „ბადაგი“ და „ქეთო’ს“.
„იმერეთიდან სპეციალურად ამ ფესტივალისთვის ჩამოვედით და ჩვენი წარმოების ქვევრის ღვინო წარვადგინეთ. სტუმრებს შესაძლებლობა ჰქონდათ დაეგემოვნებინათ ორი სახეობის იმერული ღვინო – ციცქა და ძელშავი. ვფიქრობ, მათ დიდი მოწონებაც დაიმსახურეს.
მადლობას ვუხდით „წისქვილი ჯგუფს“, რომ საშუალება მოგვცა ჩვენი წვლილი შეგვეტანა ამ საინტერესო წამოწყებაში. დარწმუნებული ვარ, სხვა კუთხეების დღეებიც ისეთივე დასამახსოვრებელი იქნება, როგორიც ეს იმერეთის წარდგენისას იყო“, – გვითხრა მეღვინეობა „ენკენის“ დამფუძნებელმა, ლაშა გურულმა.
ქართული ნაწარმის დაგემოვნების გარდა, სტუმრებს შესაძლებლობა ჰქონდათ ავთენტური იმერული გემოები „წისქვილის“ განახლებული მენიუს დახმარებითაც გაეცნოთ. მას სპეციალურად ამ დღეებში ტრადიციული იმერული კერძები დაემატა. გაიმართა მასტერკლასებიც, რომლის დროსაც სტუმრებმა თავად მოამზადეს ნამდვილი იმერული ხაჭაპური, წიწილა კეცზე და სხვა გამორჩეული კერძები.
წისქვილის ეზოში მოეწყო საბავშვო ზონაც, სადაც ბავშვებს საინტერესო აქტივობები შესთავაზეს.
„ჩვენთან ძირითადად ოჯახები მოდიან და, როგორც წესი, უფროსებს თან ახლავთ მცირეწლოვანი შვილები. ამიტომ გადავწყვიტეთ, სპეციალურად ბავშვებისთვის შეგვექმნა სივრცე, რომელიც სხვა საფესტივალო დღეებშიც დახვდებათ სტუმრებს. როდესაც უფროსები დეგუსტაციით ან სხვა აქტივობებით იქნებიან დაკავებული, ბავშვები მათთვის განკუთვნილ სივრცეში შეიქცევენ თავს“, – ამბობს ანანო თავხელიძე.
„ქართული კუთხეების ფესტივალი“ წელს პირველად იმართება, თუმცა „წისქვილი ჯგუფში“ ამბობენ, რომ ის ყოველწლიურ ტრადიციად იქცევა. ღონისძიების შესახებ დეტალები დროთა განმავლობაში „წისქვილის“ ფეისბუქ გვერდზე გამოქვეყნდება.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
