ჯეფ ბეზოსმა საყვარელი ქალის გამოსახულებით ხის ფიგურა დაამზადებინა - მილიარდერი დაინიშნა და მალე ქორწილსაც გეგმავს

მილიარდერი ჯეფ ბეზოსი ლორენ სანჩესზე დაინიშნა. წყვილი ერთმანეთს 2019 წლიდან ხვდება და როგორც ჩანს, ურთიერთობის ახალ ეტაპს იწყებენ. "ამაზონის" 59 წლის დამფუძნებლის და ემის მფლობელი ჟურნალისტის, 53 წლის ლორენ სანჩესის ნიშნობის ამბავს ჟურნალი The People იტყობინება. წყაროს ცნობით, ლორენის ბეჭედს 20-კარატიანი ბრილიანტის თვალი აქვს.

სიახლე მაშინ გავრცელდა, როც წყვილი საფრანგეთში დასასვენებლად ჩავიდა. ისინი კანის კინოფესტივალზე Apple-ის ფილმის, “Killers of the Flower Moon”-ის პრემიერასაც დაესწრნენ. შემდეგ ბეზოსის 500-მილიონ დოლარად შეფასებულ იახტაზე გადაინაცვლეს და სწორედ იახტაზე დააფიქსირეს პაპარაცებმა ლორენის ხელზე ნიშნობის ბეჭედი.

როგორც ტაბლოიდები წერენ, მალე წყვილი ოფიციალურადაც დაქორწინდება.

წყვილმა თავიანთი ურთიერთობა 2019 წლის იანვარში გაასაჯაროვა, მას შემდეგ, რაც ბეზოსი მაკენზი სკოტს 25-წლიანი ქორწინების შემდეგ გაშორდა.

ყოფილ ცოლთან მილიარდერს 4 შვილი ჰყავს.

ბოლო წლების განმავლობაში ბეზოსი და სანჩესი ერთად ატარებდნენ ოჯახურ არდადეგებს და სოციალურ ქსელებშიც აქვეყნებდენ საერთო ფოტოებს.

"ბედნიერ დაბადების დღეს ვუსურვებ ჩემი ოცნების მამაკაცს, რომელიც თავისი სიცილით და კეთილი გულით ჩემს სამყაროს ნათელს ხდის. შენ მიჩვენე, რომ დიდი სიყვარული მამაცი ბრძოლით მოიპოვება“,- ასე მიულოცა სანჩესმა ბეზოსს დაბადების დღე მიმდინარე წელს "ინსტაგრამზე" გამოქვეყნებული პოსტით

წყარო: people

მოამზადა: ანა სიბოშვილმა