პუტინისტი რასპუტინა ალა პუგაჩოვას დაუპირისპირდა - "შენ ნული ხარ..."
"შენ ნული ხარ", - ამ სიტყვებით მიმართა ეთერიდან რუსმა პუტინისტმა მომღერალმა მაშა რასპუტინამ ალა პუგაჩოვას. მისი თქმით, თვითონ უფრო ნიჭიერი იყო ყოველთვის, ვიდრე ალა.
რუსული ტელეარხისთვის მიცემულ ინტერვიუში, მომღერალს იმ დღეს საკუთარ დაბადების დღეზე უნდა ესაუბრა, მაგრამ არ დაავიწყდა მთავარი მეტოქის პუგაჩოვას ხსენება. მედიაში აქამდეც წლების განმავლობაში წერდნენ, რომ რასპუტინას და პრიმადონას შორის დაუძინებელი მტრობა იყო. ახლა ომის მიმართ პუგაჩოვას კრიტიკული დამოკიდებულების გამო, რასპუტინას მისი გალანძღვის კარგი საშუალება მიეცა.
"პრიმადონები, დედოფლები, პრინცესები, იმპერატრიცები - მინდა გითხრა, რომ ნაგავი ხარ. შენ ნული ხარ", - განაცხადა რასპუტინამ პუგაჩოვას მისამართით.
მისი მტკიცებით, ის უფრო ნიჭიერია, ვიდრე პუგაჩოვა. რასპუტინას თქმით, მას სრულიად განსხვავებული ხმა აქვს.
"მე მაქვს უნიკალური ხმა, ვფლობ სიმღერის რამდენიმე ტექნიკას, პუგაჩოვა კი მხოლოდ ერთი მიმართულებით მღერის. ხმა, არტისტულობა, გარეგნობა - ყველაფერი განსხვავებულია", - დასძინა პუტინისტმა.
მაშა რასპუტინა პუტინისტია, მას არასოდეს დაუგმია კრემლის რეჟიმი. 2022 წლის დეკემბერში მან ისაუბრა უკრაინაში მიმდინარე სრულმასშტაბიან ომზე, თუმცა რასპუტინამ მხოლოდ იმაზე დაიჩივლა, რომ ვერ მოინახულა დედის საფლავი, რომელიც დნეპროპეტროვსკის რეგიონშია დაკრძალული.
გარდა ამისა, მომღერალმა დაგმო ის რუსები, რომლებსაც არ სურთ რუსეთში ცხოვრება სრულმასშტაბიანი ომის ფონზე. რასპუტინამ ხელისუფლებას "მოღალატეების დახვრეტისკენ" მოუწოდა.
იხილეთ ასევე: