ხელჩართული ჩხუბი პარლამენტში - გიორგი ვაშაძეს დეპუტატები ფიზიკურად დაუპირისპირდნენ

პარლამენტის პლენარულ სხდომაზე „სტრატეგია აღმაშენებლის“ ლიდერის, გიორგი ვაშაძის გამოსვლა მასთან ფიზიკური და სიტყვიერი დაპირისპირებით დასრულდა.

მას შემდეგ, რაც ვაშაძემ ტრიბუნა დატოვა და პლენარულ სხდომათა დარბაზში თავის ადგილს დაუბრუნდა, მის უკან მჯდომმა უმრავლესობის დეპუტატმა, დაჩი ბერაიამ შეაგინა და უწმაწური სიტყვებით მიმართა, რაც ფიზიკურ გაწევ-გამოწევაში გადაიზარდა. „ქართული ოცნების“ დეპუტატები ვაშაძეს მიმართავდნენ, რომ ის არის „სამარცხვინო და ნაძირალა ადამიანი“.

ამ მომენტისთვის პლენარულ სხდომაზე ვითარება განმუხტულია. ტრიბუნასთან განცხადებას „ნაციონალური მოძრაობის“ თავმჯდომარე ლევან ხაბეიშვილი აკეთებს.

პარლამენტის პლენარულ სხდომაზე შს მინისტრი ვახტანგ გომელაური იმყოფება, რომელსაც 7-8 მარტის აქციებზე ინტერპელაციის წესით უსმენენ.