"ცენტრალ პარკ თაუერსი“ - ორბი ჯგუფის ინოვაციური საინვესტიციო პროექტი თბილისში
როგორ შევიძინოთ თბილისში 1 800 000 დოლარად 5-ვარსკვლავიანი სასტუმრო და მივიღოთ ყოველწლიურად $400.000 შემოსავალი
$300-მლნ-იანი პროექტი თბილისის ცენტრში, ალ. ყაზბეგის გამზირზე, ორ 42-სართულიან თაუერს 6-სართულიანი პოდიუმით გააერთიანებს - ეს კომპანიების, "ორბი ჯგუფისა“ და "ბლოკის“ ერთობლივი საინვესტიციო პროექტია.
კომპლექსი 1 400-ნომრიანი ჰოტელ ჰაბია, სადაც 25 5*-იანი სასტუმრო იქნება განთავსებული, მათ შორის 150-ნომრიანი "რედისონ ბლუ.“ მულტიფუნქციურ სივრცეში 25 ათას კვ/მ-ზე ავტომატიზებული საპარკინგზე ზონა მოეწყობა, 4,500 კვ/მ დაეთმობა კაზინოს, რითაც ის საქართველოში ყველაზე დიდი იქნება. 10 ათას კვ/მ-ზე მოეწყობა საქართველოში პირველი მაღალი კლასის ბრენდების სავაჭრო ცენტრი.
ამავე კომპლექსში განთავსდება რეგიონში ყველაზე დიდი, 12 მეტრიანი ჭერის სიმაღლის და არც ერთი სვეტის მქონე "ივენთ ჰოლი“, რომელიც სრულად ლედ ეკრანებით იქნება აღჭურვილი. თანამედროვე ტექნოლოგიებით აღჭურვილი სივრცე უმასპინძლებს როგორც საქმიან, ისე სპორტულ და გასართობ ღონისძიებებს. ივენთ ჰოლში ყოველწლიურად მინიმუმ 50 საერთაშორისო დონის ღონისძიება გაიმართება.
კომპლექსში 1 500 კვ/მ-ზე განთავსდება საქართველოში ყველაზე დიდი სპა და ველნეს ცენტრი პრემიუმ-კლასის დახურული აუზით და გამაჯანსაღებელი ესთეტიკური მედიცინის ცენტრით.
"ცენტრალ პარკ თაუერსი“ თბილისელებსა და დედაქალაქის სტუმრებს ექსკლუზიურად სთავაზობს სივრცეს, სადაც თავმოყრილი იქნება "ფაინ დაინინგის“ შვიდი სხვადასხვა სამზარეულოს პრემიუმ-რესტორანი, ერთ-ერთი თაუერის ბოლო სათულზე კი, განთავსდება "მიშელინის ვარსკვლავის“ მფლობელი რესტორანი. პროექტი მოიცავს პრემიუმ-კლასის საოფისე სივრცესაც, რომელიც 500 პერსონაზე იქნება გათვალისწინებული.
აღსანიშნავია, რომ ყველა მიმართულებას ხელმძღვანელობენ მსოფლიოს გამოცდილი კომპანიები ისეთი ქვეყნებიდან, როგორიც არის აშშ, ინგლისი, საფრანგეთი, პორტუგალია, ბელგია, თურქეთი, ლიტვა და სხვა.
25 5*-იან სასტუმროსთან ერთად მულტიფუნქციური ცენტრის ბოლო სართულზე იგეგმება საქართველოში ყველაზე ძვირადღირებული პენტჰაუსების მოწყობა, სადაც კვ/მ-ის ღირებულება 20 000$ იქნება. პენტჰაუსი თაუერის ბოლო - 41 სართულზე განთავსდება, საკუთარი ეზო-ვერანდით, რომელსაც ქალაქზე 360 გრადუსიანი ხედები აქვს. ჭერის სიმაღლე 6 მეტრია, აქვს კერძო პარკინგი, რედისონ ბლუს პერსონალური მომსახურება, 24 საათიანი რეცეფციითა და რუმ სერვისით. პენტჰაუსის დიზაინზე მსოფლიოში წამყვანი დიზაინერები მუშაობენ. პენტჰაუსი მყიდველს ჩაბარდება სრულად გარემონტებული, ავეჯით, ტექნიკით, თანამედროვე სმარტ სისტემებით, სადაც გამოყენებულია მსოფლიოში წამყვანი მწარმოებელი კომპანიის უმაღლესი ხარისხის მასალები. აქვე არ უნდა გამოგვრჩეს, რომ კომპლექსში, სადაც პენტჰაუსია განთავსებული, 300 მილიონიანი ინფატსრუქტურაა;
მასშტაბურობასთან ერთად, პროექტი სრულიად ინოვაციური და განსხვავებული კონცეფციის მატარებელია უძრავი ქონების სექტორში. შთამბეჭდავია მოგებიანობის ის მაჩვენებელიც, რაც "ჰოტელ ჰაბის“ კონცეფციის პირობებში არსებობს.
"როდესაც ინვესტორი უძრავ ქონებაში ახორციელებს ინვესტიციას, ყურადღება ექცევა ორ ძირითად პარამეტრს: 1) რა ყოველწლიური შემოსავალი აქვს აღნიშნულ უძრავ ქონებას და 2) როგორ იზრდება ამ უძრავი ქონების ღირებულება მომავალში.
"ჰოტელ ჰაბი“ არის ინოვაციური სიანვესტიციო პროდუქტი, რომელიც განსხვავებით სტანდარტული სასტუმრო ბიზნესისგან, გვთავაზობს ბევრად უფრო მომგებიან და სამართავად მარტივ საინვესტიციო პროდუქტს. პროექტის ამ ეტაპზე გვაქვს უნიკალური შეთავაზება, რაც გულისხმობს, რომ ინვესტორს შეუძლია 18 ნომრიანი 5 ვარსკვლავიანი სასტუმრო, რომელიც სრულად აღჭურვილი იქნება ავეჯით, ტექნიკით, ყველა საჭირო სმარტ სისტემებით და ტექნოლოგიებით, შეიძინოს 1 800 000 $ -ად და ყოველწლიურად მიიღოს 400 000$. აქ მნიშვნელოვანია აღინიშნოს, რომ ამ სასტუმროს ღირებულება მშენებლობის დასრულებისთვის Colliers-ის შეფასებით, იქნება 3 900 000$.
პროექტზე კვლევები და გათვლები სწორედ Colliers-მა გააკეთა, რომელიც უძრავი ქონების მიმართულებით, მსოფლიოში წამყვანი საკონსულტაციო კომპანიაა და ოფისებს ფლობს 65 ქვეყანაში. მოგეხსენებათ მათი მიდგომები ყოველთვის კონსერვატიულია და ამ მიდგომებითაც კი სასტუმროს ექნება 60%-იანი დატვირთულობა, ნომრის საშუალო ღირებულება კი იქნება 164$. ყველა ხარჯის გათვალისწინებით, 18 ნომრიანი სასტუმროს ყოველწლიური მოგება, როგორც აღვნიშნეთ, გამოთვალეს 400 000$, რაც ნიშნავს 22,3%-იან ამონაგებს წლიურად და ინვესტიციის ამოღების შესაძლებლობას 4,5 წელიწადში. ჩვენი კომპანიის მოლოდინით კი ინვესტორს ექნება წლიური 600 000$-მდე ამონაგები, რაც რაოდენ გასაკვირიც არ უნდა იყოს, ჩადებული თანხის 3 წელიწადში ამოღებას ნიშნავს.“
პროექტის პრეზენტაციის დეტალური გაცნობის შესაძლებლობა დაინტერესებულ პირებს ექნებათ როგორც ონლაინ, ისე საკომუნიკაციო არხების სხვა საშუალებებით. მოქმედი კანონმდებლობით, ონლაინ არის შესაძლებელი ყველა იურიდიული დოკუმენტის გაფორმებაც.
"მნიშვნელოვანია ისიც, რომ დაინტერესებულ პირებს აქვთ შესაძლებლობა ისარგებლონ დაკრედიტების მოქნილი პირობებით. სესხის დამტკიცება და გაცემა 3 სამუშაო დღეში ხდება, ხოლო მსესხებელს არ მოეთხოვება შემოსავლების დადასტურება და რაიმე სახის უზრუნვეყოფის ქონების წარდგენა ბანკისთვის. 2 სახის ბიზნეს სესხით შეიძლება ისარგებლოს მყიდველმა: 1) 10 წლიანი კრედიტით, სადაც ინვესტორის პირველადი შენატანი 30%-ია. მისი პირველი 2 წელი, საშეღავათო პერიოდია და მას მხოლოდ საპროცენტო სარგებლის გადახდა მოუწევს, ხოლო სესხის ძირისა და პროცენტის გადახდა ამ ვადის გასვლის შემემდეგ დაიწყება, რა დროსაც უკვე სასტუმრო ფუქცნიორებისთვის მზადაა, რაც მნიშვნელოვანია, რადგან სასტუმროს შემოსავლების ნაწილი უზრუნველყოფს საკრედიტო ვალდებულებების შესრულებას და 2) 3 წლიანი კრედიტით, სადაც პირველადი შენატანი 10%-ია და დანარჩენი თანხის გადანაწილება ხდება 60 თვეზე.“
მოგებიანობასთან ერთად, პროდუქტი უნიკალურია სიმარტივის თვალსაზრისითაც. როგორც 18, ისე 100 ნომრიანი სასტუმროს მართვა მხოლოდ ორი ადამიანით არის შესაძლებელი.
"ყველა სერვისი და მიმართულება, რაც სჭირდება სასტუმროს ოპერირებას, ორგანიზებულია წამყვანი ოპერატორების მიერ. ინვესტორს რჩება მხოლოდ გაყიდვების და ადმინისტრირების დაორგანიზება, რაც ორი ადამიანითაც არის შესაძლებელი. ამის გარდა, ინვესტორების განსხვავებული მოთხოვნების გათვალისწინებით, გვაქვს დამატებით მართვის 2 შესაძლებლობა: ა) როდესაც სრულად შეგვიძლია ავიღოთ სასტუმროს მენეჯმენტი მოგების 10%-ის სანაცვლოდ და ბ) როდესაც ინვესტორს ვთავაზობთ გარანტირებულ 10%-იან ამონაგებს ყოველწლიურად, რაც ნიშნავს, რომ ეს გარანტია იქნება პირველი კლასის ბანკის მიერ საბანკო გარანტიით გამყარებული.
ამას გარდა, საგადასახადო კუთხითაც ლიბერალური ქვეყანა ვართ. ინვესტორს, ვიდრე ის არ დაიბრუნებს საკუთარ ინვესტიციას, საშემოსავლო გადასახადის გადახდა არ მოუწევს.“
"ცენტრალ პარკ თაუერსის“ სამშენებლო სამუშაოები 14 თვეა მიმდინარეობს. ფუნდამენტთან და მიწისქვეშა სართულების მოწყობა დასრულებულია და მიმდინარეობს მიწის ზედა მონოლითური კარკასის მშენებლობა. მშენებლობას საერთაშორისო წამყვანი საპროექტო და სამშენებლო კომპანიები ახორციელებენ, რომლებსაც მრავალწლიანი გამოცდილება აქვთ მსოფლიოს სხვადასხვა ქვეყანაში, მათ შორის სინგაპურში, დუბაიში, აბუ-დაბიში და კატარში მსგავსი მასშტაბის 5 ვარსკვლავიანი სასტუმრო კომპლექსების და ინფრასტრუქტურის მშენებლობაში.
პროექტის მიმდინარეობას და ხარისხის კონტროლს ზედამხედველობას უწევს ევროპული კომპანია, რომელსაც ასევე ბევრი მსოფლიო დონის მასშტაბური პროექტი აქვს განხორციელებული. მშენებლობისთვის გამოყენებული ყველა მასალა 5*-იან სასტუმროს სტანდარტებთან სრულ შესაბამისობაშია.
"ორბი ჯგუფის“ და "ბლოკის“ ერთობლივი პროექტი 2024 წლის ბოლოსთვის დასრულდება.
შეგიძლიათ დაგვიკავშირდეთ შაბათ-კვირის ჩათვლით 10.00 საათიდან 22.00 საათმადე.
+995 322 200 - 700 / +995 591 451 - 451
(R)