"უკვე ბევრჯერ ვინანე ამ აეროპორტების არსებობა, პირველად ქართველების მასობრივად გასვლის და ახლა რუსების შემოსევის გამო" - მიხეილ სააკაშვილი
ექსპრეზიდენტ, ამჟამად პატიმრობაში მყოფ მიხეილ სააკაშვილის ოფიციალურ გვერდზე "ფეისბუქში" განცხადება გამოქვეყნდა, სადაც სააკაშვილი ქართველებს მიმართავს:
":ჯერ თბილისის და ბათუმის აეროპორტები ავაშენეთ გიორგი კარბელაშვილთან ერთად. ალბათ, ცოტა ვინმეს თუ ახსოვს ქუთაისის აეროპორტი 2008-ში რუსეთის მიერ 500 კილოგრამიანი ბომბებით დაბომბილი კოპიტნარის მაგივრად რომ ავაშენეთ, ვერა ქობალიას და რამაზ ნიკოლაიშვილის აქტიური დახმარებით.
ავიყვანეთ ჰოლანდიური არქიტექტორული კომპანია, ძალიან მეჩქარებოდა, რომ ამათ მოსვლამდე ამეშენებინა და საერთაშორისო სტატუსი მიგვეცა.
უკვე ბევრჯერ ვნანობ ამ აეროპორტების არსებობას, პირველად ქართველების მასობრივად გასვლის გამო და ახლა რუსების შემოსევის ტრაგედიის გამო.
ქართველებო, არა მხოლოდ უკრაინელებს არ უნდა ვუღალატოთ, რომელთაც ჩვენთვის არასდროს უღალატიათ, არამედ პირველ რიგში, საქართველოს ერთგულები უნდა დარჩეთ", - წერს სააკაშვილი.