"კერხერ-საქართველო“ ერთვება სადღესასწაულო სამზადისში 26 მაისისთვის და მონაწილეობს თბილისის მთავარი ქუჩების მორეცხვის სამუშაოებში

კომპანია "კერხერ-საქართველო“ თავისი გუნდით ყოველწლიურად ახორციელებს პროექტებს, რომლებსაც მოხალისეობრივად უდგება სათავეში და ქვეყნისთვის მნიშვნელოვან კულტურული მემკვიდრეობის ძეგლებსა თუ ობიექტებს წმენდს.

კომპანია, უმეტეს შემთხვევაში, დასუფთავების კუთხით აქტიურობს და მისი ინიციატივით, წელიწადში რამდენჯერმე ირეცხება სათანადოდ შერჩეული კულტურული მემკვიდრეობის ძეგლები საქართველოს მასშტაბით.

2017 წელს ბრენდმა თბილისში გაწმინდა ჭავჭავაძისა და აკაკი წერეთლის, ვაჟა-ფშაველას ძეგლები, მორეცხა ბარათაშვილის ხიდი, ილია ჭავჭავაძის ძეგლი - ბათუმში, შადრევანი და კოლონადები - ბათუმის ბულვარში და სხვა.

"კერხერ-საქართველო“ ყოველწლიურად ერთვება თბილისის წინა სადღესასწაულო სამზადისში 26 მაისისთვის და მონაწილეობას იღებს თბილისის მთავარი ქუჩების მორეცხვით სამუშაოებში. გარდა ამისა, "კერხერის“ გუნდი 2018 წლიდან აქტიურად მონაწილეობს მსოფლიოს დასუფთავების დღის ღონისძიებაში (სექტემბრის თვეში) და საკუთარი თანამშრომლების აქტიური ჩართულობით ასუფთავებს თბილისს, ქუთაისსა და ბათუმს.

"კერხერ-საქართველო“ მეორე წელია, რაც ჩართულია ქუთაისში გვირილობისთვის მოსამზადებელ სამუშაოებში და წელს უკვე მეორედ მორეცხა ლადო მესხიშვილის სახელობის თეატრის კიბეები და მისი მიმდებარე ტერიტორია. ამ აქტიურობით გერმანული ბრენდის წარმომადგენლობა დარწმუნებულია, რომ სხვა ბიზნესებისთვის მაგალითი გახდება და ყოველწლიურად მეტი მოხალისე ჩაერთვება მსგავს კამპანიებში.

"ჩვენ გვაქვს ერთი ქვეყანა და ერთი საცხოვრებელი გარემო, რომელიც აუცილებელია იყოს სუფთა და ჯანსაღი ჩვენთვის და ჩვენი მომავლისთვის, დღეს ამაზე ზრუნვა ჩვენი პასუხისმგებლობაა“ - ამბობენ კომპანიაში.

მსოფლიოში "კერხერი“ აღიქმება როგორც დასუფთავებისა და რეცხვის სიმბოლო, ამიტომ ბრენდი მზადაა, რომ გამოიყენოს საკუთარი პროფესიონალური აპარატები და თანამშრომლების გამოცდილება ქვეყნისთვის სასარგებლო საქმეში.

ძეგლების წმენდის პროექტებს მსოფლიო მასშტაბით 1980 წლიდან ჩაეყარა საფუძველი და ჩამოყალიბდა როგორც "კერხერის“ კორპორატიულ-სოციალური

პასუხისმგებლობა (CSR) მსოფლიო მემკვიდრეობის წინაშე. სპეციალურად აღჭურვილი პროფესიონალთა გუნდის მიერ მსოფლიოს მასშტაბით არა ერთი ცნობილი არქიტექტურულ-კულტურული ძეგლი გაიწმინდა. მაგალითად, შეერთებულ შტატებში, რაშმორის მთაზე – პრეზიდენტების მონუმენტები, ბრაზილიაში – იესო ქრისტეს ქანდაკება, ინგლისში – ლონდონის თვალი, ვატიკანში –

წმინდა პეტრეს ტაძრის კოლონადა, ნიუ-იორკში – თავისუფლების ქანდაკება და სხვა.

(R)