ორი ქართველი კვარცხლბეკზე, საქართველოს ორი დროშა და ემოციური კადრები დოჰადან - ისტორიული ფინალის მთავარი მომენტი (ვიდეო)

კატარის დედაქალაქ დოჰაში მიმდინარე მსოფლიოს ჩემპიონატი ქართული ფინალის მომსწრე გახდა. ერთმანეთს -90 კილოგრამ წონით კატეგორიაში ლუკა მაისურაძე და ლაშა ბექაური შეხვდნენ.

უნდა აღინიშნოს, რომ ძიუდოს მსოფლიო ჩემპიონატის ისტორიაში ეს პირველი პირველად ქართული ფინალი იყო.

ისტორიულ ორთაბრძოლაში ლუკა მაისურაძემ ვაზარით იმარჯვა და კარიერაში პირველად მოიპოვა მსოფლიოს ჩემპიონის ტიტული, ვერცხლის მედალს კი ლაშა ბექაური დაეუფლა.

ცნობისთვის, მსოფლიოს ჩემპიონი ტატო გრიგალაშვილი (81 კგ), ხოლო ბრინჯაოს პრიზიორი გიორგი სარდალაშვილი (60 კგ) გახდა. ეს დამოუკიდებელი საქართველოს ისტორიაში პირველი შემთხვევაა, როდესაც ქართველმა ძიუდოისტებმა მსოფლიოს ჩემპიონატზე ორი ოქროს მედალი მოპიპოვეს. საქართველოს ნაკრები გუნდურ ჩათვლაში გალიდერდა.

ემოციური იყო დღევანდელი დაჯილდოების ცერემონია, როდესაც კვარცხლბეკზე ერთდროილად ორი ქართველი იდგა, ხოლო დარბაზში საქართველოს ჰიმნის ფონზე ორი ქართული დროშა აფრიალდა.

ნახეთ ვიდეო - დაჯილდოების ცერემონია