15
ივნისიდღის ზოგადი ასტროლოგიური პროგნოზი
2008 წელს რუსული თვითმფრინავები საქართველოში მშვიდობიანი მოქალაქეების დასაბომბად ჩაფრინდნენ, ახლა ქართველების ევროპული მომავლის დაბომბვას გეგმავენ. ამის შესახებ უკრაინის საგარეო საქმეთა სამინისტროს სპიკერი, ოლეგ ნიკოლენკო “ფეისბუქის” პირად გვერდზე წერს.
ამასთან ნიკოლენკო აცხადებს, რომ უკრაინა ვლადიმირ პუტინის გადაწყვეტილებას განიხილავს, როგორც პოლიტიკურ კომპენსაციას საქართველოს ამჟამინდელი მთავრობის მიმართ.
- უკრაინის საგარეო უწყება მოუწოდებს საქართველოს მთავრობას, მოახდინოს ევროკავშირთან რუსეთის მიმართ პოლიტიკის სინქრონიზაცია და თავი შეიკავოს ქმედებებისგან, რომლებიც საქართველოს სამომავლო ევროპულ წინსვლას უარყოფენ.
“რუსეთი საქართველოს ეშმაკთან გარიგებას სთავაზობს. ხოლო ეშმაკთან გარიგებაში, როგორც ცნობილია, ეშმაკი იმარჯვებს.
ვლადიმირ პუტინის გადაწყვეტილებას საქართველოს მოქალაქეებისთვის უვიზო მიმოსვლა შემოიღოს და ავიამიმოსვლა განაახლოს, განვიხილავთ, როგორც პოლიტიკურ კომპენსაციას საქართველოს ამჟამინდელი მთავრობის მიერ რუსეთის წინააღმდეგ სანქციების შემოღებაზე უარისთვის და ევროინტეგრაციის შეჩერებისთვის.
მოსკოვთან თბილისის ურთიერთობების ნორმალიზაციის კურსი მიმდინარეობს საქართველოს ტერიტორიის 20%-ის ოკუპაციის, მცოცავი “ბორდერიზაციის,” საქართველოს მოქალაქეების გატაცების, ოკუპირებულ ტერიტორიებზე ადამიანის უფლებებისა და თავისუფლებების დარღვევისა და საქართველოს რუსეთის მოქალაქეებით გავსების ფონზე. კრემლი დათმობებს იღებს ქართველის ერისთვის მიყენებული უბედურებისთვის პასუხისმგებლობის აღების გარეშე.
2008 წელს რუსული თვითმფრინავები საქართველოში მშვიდობიანი მოქალაქეების დასაბომბად ჩაფრინდნენ. ახლა ქართველების ევროპული მომავლის დაბომბვას გეგმავენ.
რუსეთი არ არის დაინტერესებული საქართველოს ევროკავშირსა და ნატოში სვლით, მის კეთილდღეობასა და განვითარებაში. მოსკოვის მიზანია შექმნას პირობები, რომლებშიც პროგრესი შეუძლებელი იქნება. ეს ბელარუსის გამოცდილებით დამტკიცდა, რომლის სუვერენიტეტი და დამოუკიდებლობა რუსეთის ფედერაციამ შთანთქა.
აგრესორის პოლიტიკა, როგორც მოსალოდნელი იყო, არ პოულობს მხარდაჭერას ქართველ პოლიტიკოსებსა და მოსახლეობაში, რომლებმაც არაერთხელ გამოხატეს საკუთარი პოზიცია საჯაროდ, მათ შორის პროტესტებითაც.
ამ კონტექსტში სრულ სოლიდარობას და მხარდაჭერას ვუცხადებთ ქართველებს მათ კანონიერ მისწრაფებაში ააშენონ აყვავებული ევროპული სახელმწიფო მის საერთაშორისოდ აღიარებულ საზღვრებში.
მოვუწოდებთ საქართველოს მთავრობას ევროკავშირთან მოახდინოს რუსეთის მიმართ პოლიტიკის სინქრონიზაცია და თავი შეიკავოს ქმედებებისგან, რომლებიც საქართველოს სამომავლო ევროპულ წინსვლას უარყოფენ”, - წერს ნიკოლენკო.
წაიკითხეთ ასევე:
- "ტყუილად აპელირებენ რაღაც ჰუმანიტარულ, ფსევდოპატრიოტულ გრძნობებზე. ეს საკითხი არ დგას და არ იდგა, თუ არა კრემლის მანიპულაცია!" - პრეზიდენტი განცხადებას ავრცელებს
- "პუტინს ჩემზე უკეთ საქართველოში არავინ იცნობს.... გუშინდელი ნაბიჯით ის თბილისში ჯარის შემოყვანისთვის საფუძველს ამზადებს" - სააკაშვილი
- "ეს არის დადებითი ფაქტი და გადაწყვეტილება" - პრემიერი რუსეთის მიერ სავიზო რეჟიმის გაუქმებასა და ფრენების აღგენაზე
უკრაინის ხელისუფლებას უსამართლო და უტიფარი პოზიცია უჭირავს ჩვენთან მიმართებით ზოგადაც და ახლაც: რუსეთის სანქციები ჩვენთან 2019 წლიდან იყო, უკრაინას ამ ომის დაწყებამდე უვიზო მომოსვლაც ჰქონდა და ფრენებიც იყო; მაშინ რუსი კარგი იყო? ჩვენი და თქვენი მიწები ოკუპირებული არ ჰქონდა?
2008 წლის ჩვენი ომის შემდეგ რითი გამოხატეთ ჩვენდამი სოლიდარობა? თქვენი რადა იხილავდა საკითხს, ომი რუსმა დაიწყო, თუ ქართველებმა(?) 2010 წლის 9 მაისს თქვენი სამხედროები რუს ოკუპანტთან ერთად ზეიმობდით გამარჯვებას!
ასეთივეა აშშ-ს პოზიციაც - თვითონ 120-ჯერ მეტი მოცულობის ვაჭრობა აქვს რუსეთთან და ჩვენ ხორბალი და ზეთი რომ შემოგვაქვს ის არ მოსწონს; ახლა ნუ იფრენთო; გაგვიხსნას ამერიკამ უვიზო მიმოსვლა და პირდაპირი რეისები, ხომაა ჩვენი სტრატეგიული პარტნიორი!
ვინ ჰკითხავს უკრაინას, საქართველოს ბედ-იღბალს. ყველა ერი, თითინ ჭედს თავის მომავალს. მაგათ თავიანთ გაპარტახებულ ქვეყანას მიხედონ, ვირეშმაკები.