ტომ კრუზის შემდეგ შაკირა ლუის ჰამილტონთან ერთად შენიშნეს - ქმართან დაშორების შემდეგ მომღერალი მარტოხელას ცხოვრებით ტკბება
შაკირა მარტოხელას ცხოვრებით ტკბება. ამჯერად მომღერალი ცნობილ ავტომრბოლელ ლუის ჰამილტონთან იახტით სეირნობის დროს შენიშნეს.
"ფორმულა 1"-ის ლეგენდა მეგობრებთან ერთად მაიამიში იყო და შაკირას ჯერ სახლში ესტუმრა, ხოლო შემდეგ იახტით სეირნობა გადაწყვიტეს. როგორც ფოტოებიდან ჩანს, პიკესთან დაშორების შემდეგ, ის მშვენიერ განწყობაზეა.
შაკირასა და ჰამილტონის სურათებს ბრიტანული გამოცემა, The Sun აქვეყნებს.
პაპარაცებმა შაკირა და ლუისი რამდენიმე დღით ადრე ერთად ვახშმობის დროსაც შენიშნეს, თუმცა ერთად დროის ხშირად გატარების მიუხედავად, მედია წერს, რომ მათ შორის მხოლოდ მეგობრული ურთიერთობაა.
შაკირა რამდენიმე დღის წინ მაიამიში გამართულ "ფორმულა 1"-ის გრან პრისაც დაესწრო, სადაც ჰამილტონმა მეექვსე ადგილი დაიკავა.
გრან პრის დაწყებისას შაკირა ტომ კრუზთან ერთად შენიშნეს. მსახიობთან განმარტოებით საუბარს მითქმა-მოთქმაც მოჰყვა იმის შესახებ, რომ კრუზი მისით ძალიან იყო დაინტერესებული და ყვავილებიც კი გაუგზავნა.
შაკირამ ფეხბურთის ვარსკვლავ ჟერარ პიკესთან დაშორების შესახებ 1 წლის წინ განაცხადა. დაშორების მიზეზი ის გახდა, რომ პიკემ მას კლარა ჩია მარტისთან უღალატა.
მედიის ცნობით, შაკირა წინა თვეში ფეხბურთელის მამამ ბარსელონას სახლიდან გააძევა, რამაც მომღერალს უბიძგა, მაიამიში დაბრუნებულიყო. ახლა ის თავის სასახლეში, მაიამიში, ორ შვილთან ერთად ცხოვრობს.
წყარო: thesun