"მორჩა, წავედით! რამდენი ხანი შეიძლებოდა მხოლოდ მოსკოვში დალევა? ახლა საქართველოშიც შეიძლება" - რას ამბობს თინა კანდელაკი

პუტინის მეხოტბე და კრემლის პროპაგანდისტი თინა კანდელაკი, ერთ-ერთია რუსეთის პრეზიდენტის დღევანდელი გადაწყვეტილების გამოქვეყნების შემდეგ სიხარული ვერ დამალა.

სავიზო რეჟიმის გაუქმებასთან დაკავშირებით კანდელაკმა "ტელეგრამზე" ვიდეო გამოაქვეყნა

"საქართველოზე ყველა შეზღუდვა მოხსნილია! მორჩა! წავედით! უვიზოდ! ყველაფრის გარეშე! ყველა გახარებულია! ასე რომ მორჩა! იმიტომ რომ რამდენი ხანი შეიძლებოდა მხოლოდ მოსკოვში დალევა? ახლა საქართველოშიც შეიძლება. კეთილი იყოს თქვენი მობრძანება.

მშვენიერი ამბებია, მეგობრებო!" - ამბობს ვიდეოში კანდელაკი.

შეგახსენებთ, რუსეთის პრეზიდენტის, ვლადიმერ პუტინის განკარგულების თანახმად, საქართველოს მოქალაქეები რუსეთის ტერიტორიაზე შესვლა-გამოსვლას, ვიზების გარეშე, პასპორტის საფუძველზე შეძლებენ. განკარგულება 10 მაისს გამოქვეყნდა, ხოლო სავიზო რეჟიმი 15 მაისიდან მოიხსნება.

• ნახეთ ასევე:
• "დღეს ქართული რესტორნები მოსკოვში გადაიჭედება" - მარგარიტა სიმონიანი საქართველოს მოქალაქეებისთვის სავიზო რეჟიმის გაუქმებაზე
• "ვუშვებ მომავალში საქართველოში ჩამოსვლის შესაძლებლობას" - სერგეი გავრილოვი სავიზო რეჟიმის გაუქმებასა და ფრენების აღდგენაზე