"ოპერაციისას ეს დარდი ჩამყვა, დამაბრალეს თითქოს ხვიჩას ვაგინებდი" - დათო ტურაშვილი

მწერალი დათო ტურაშვილი სატელევიზიო ეთერს დაუბრუნდა. მას შემდეგ, რაც მან ისრაელში გულზე ოპერაცია გაიკეთა, "ფორმულას" ეთერში, გადაცემაში "მე-17 სართულში" ჩვეულ რიტმში დაიწყო მუშაობა.

ტურაშვილის თქმით, მას ოპერაციისას არაერთი დარდი ჩაჰყვა. მათ შორის, ხვიჩა კვარაცხელიასთან დაკავშირებულიც.

"ვიდრე თელ-ავივის კლინიკაში აღმოვჩნდებოდი, რა არ დამაბრალეს, - მხედრიონელი ვიყავი, მკვლელი ვიყავი, გვარდიელი ვიყავი... კიდევ ერთი უცნაური, რაც დამაბრალეს - თითქოს ხვიჩა კვარაცხელიას ვაგინებდი და ვწყევლიდი. ამის დაბრალება რა საჭირო იყო, ვერ მივხვდი. ვიდრე ოპერაციას გავიკეთებდი, წავედი ხვიჩა კვარაცხელიას მშობლებთან და მაისურზე ხელი მოვაწერინე. მადლობა გადავუხადე, რომ ასეთი შვილი გაზარდეს. ყველა ხომ ხვიჩას აწერინებს ხელს და მე მის მშობლებს მოვაწერინე. ეს დარდი ჩამყვა... წარმოვიდგინე, მისი მშობლები რას იფიქრებდნენ ჩემზე. რა ნაძირალა უნდა იყო, მიხვიდე, ადამიანს მაისურზე ხელი მოაწერინო და მერე ლანძღო. მის მშობლებს რომ გაიცნობ, მერე მიხვდები, როგორ არის ხვიჩა ასეთი თავმდაბალი და კეთილი. ხვიჩამ არა მხოლოდ ბავშვობაში დამაბრუნა, სერია A-ს ცხრილს რომ ვამოწმებდი, ბავშვობის სიხარულიც დამიბრუნა", - განაცხადა დათო ტურაშვილმა.