პარ­ლა­მენ­ტის ყო­ფილ წევ­რს, ბიზ­ნეს­მენ ვა­ლე­რი გე­ლაშ­ვილს რამ­დე­ნი­მე წე­ლია მე­ზო­ბელ­თან დავა აქვს. მხა­რე­ებს შო­რის შე­თან­ხმე­ბა ვერა და ვერ შედ­გა, ამი­ტომ მე­ზო­ბელ­მა მას სა­სა­მარ­თლო­ში უჩივ­ლა. რო­გორც ირ­კვე­ვა, მო­სა­მარ­თლემ მხა­რე­ებს მო­ლა­პა­რა­კე­ბის­თვის დრო კი­დევ მის­ცა. ამ და­ვის დე­ტა­ლებ­ზე ჩვენ ად­რეც ვწერ­დით. ნინო ნო­ზა­ძის სახ­ლი გე­ლაშ­ვი­ლის სახ­ლის გვერ­დი­თაა. პრობ­ლე­მა მე­ზობ­ლებს შო­რის მას შემ­დეგ გაჩ­ნდა, როცა ვა­ლე­რი გე­ლაშ­ვილ­მა სა­კუ­თარ ეზო­ში ჯერ დედა დაკ­რძა­ლა, შემ­დეგ კი მა­მის და ბე­ბია-ბა­ბუ­ას ცხედ­რე­ბიც იქ გა­და­ას­ვე­ნა. მას ეზო­ში ერ­თგვა­რი საგ­ვა­რე­უ­ლო აკ­ლდა­მა აქვს გა­კე­თე­ბუ­ლი. ამის მერე წლე­ბია ნო­ზა­ძე­ე­ბი მათი ეზოს მო­მიჯ­ნა­ვედ აკ­ლდა­მის გა­კე­თე­ბას აპ­რო­ტეს­ტე­ბენ, რად­გან ამის გამო მათ შვილს ფსი­ქო­ლო­გი­უ­რი პრობ­ლე­მე­ბი შე­ექ­მნა. უფრო მე­ტიც, სპე­ცი­ა­ლის­ტე­ბის რჩე­ვით ხა­შუ­რის და­ტო­ვე­ბაც მო­უხ­დათ. ნინო ნო­ზა­ძე 2021 წელს ჩვენ­თან ინ­ტერ­ვი­უ­ში ამ­ბობ­და:

"ჩემი შვი­ლის ოთა­ხი­დან ჩანს ეს საფ­ლა­ვე­ბი, სა­დაც 4 მიც­ვა­ლე­ბუ­ლია დაკ­რძა­ლუ­ლი. ვა­ლე­რიმ დე­დის გარ­დაც­ვა­ლე­ბის შემ­დეგ ეზო­ში გად­მო­ას­ვე­ნა წლე­ბის წინ გარ­დაც­ვლი­ლი მამა და ბე­ბია-პაპა. ახლა ხე­ლის გულ­ზე ჩანს მათი სა­საფ­ლაო. ბავ­შვს ში­შე­ბი და­ე­წყო, სულ სიკ­ვდილ­ზე სა­უბ­რობს. გან­სა­კუთ­რე­ბით ში­შე­ბი და­ე­წყო მას შემ­დეგ, რაც საფ­ლავ­თან რი­ტუ­ა­ლი ჩა­ა­ტა­რეს. ეს არ იყო მა­მა­ოს ლოც­ვა ან პა­რაკ­ლი­სის გა­დახ­და. დამ­კვრე­ლე­ბი მო­იყ­ვა­ნეს დოლ-გარ­მო­ნით, ადრე რომ ტარ­დე­ბო­და მსგავ­სი რი­ტუ­ა­ლი, ეს შემ­ზა­რა­ვი სა­ნა­ხა­ვი იყო, ამას უყუ­რა ბავ­შვმა და და­ე­წყო ში­შე­ბი. თან იც­ნობ­და ვა­ლე­რის დე­დას, სე­რი­ო­ზუ­ლი პრობ­ლე­მე­ბი შე­ექ­მნა. სახ­ლში სვე­ლი წერ­ტი­ლი ქვე­ვით გვაქვს და რო­გორც კი მო­სა­ღა­მოვ­დე­ბა, ოთა­ხი­დან ვერ გა­დის, სულ სიკ­ვდილ­ზე ლა­პა­რა­კობს. ძნე­ლია შენი ფან­ჯრი­დან საფ­ლა­ვებს რომ უყუ­რებ. ბავ­შვმა და­კარ­გა ყვე­ლაფ­რის ინ­ტე­რე­სი, არ გა­მო­დის გა­რეთ, იძა­ხის გული მი­კან­კა­ლებს, ჩვენც მოვ­კვდე­ბი­თო. წარ­მო­იდ­გი­ნეთ, რო­გო­რი ძნე­ლია ამის მოს­მე­ნა დე­დის­თვის... არ მინ­დო­და საქ­მე სა­სა­მარ­თლომ­დე მი­სუ­ლი­ყო, ამი­ტომ ვა­ლე­რის მივ­მარ­თეთ, ვთხო­ვეთ ამო­ა­შე­ნოს კე­დე­ლი ისე, რომ ჩვე­ნი სახ­ლი­დან არ გა­მოჩ­ნდეს მისი მიც­ვა­ლე­ბუ­ლე­ბი, მაგ­რამ კა­ტე­გო­რი­უ­ლი უარი მი­ვი­ღეთ. შევ­ხვდი ხა­შუ­რის მერს, ზე­დამ­ხედ­ვე­ლო­ბას და გა­ვარ­კვიე, რომ თვით­ნე­ბუ­რად აქვს აკ­ლდა­მა სახ­ლში მო­წყო­ბი­ლი. გარ­და ამი­სა, ჩვენ გვაქვს ჭა, რად­გან ქა­ლაქ­ში არ არის წყა­ლი და ჭას ვხმა­რობთ. ისიც არ ვი­ცით, რამ­დე­ნად შე­იძ­ლე­ბა ამ წყლის და­ლე­ვა, ამი­ტომ და­სა­ლევ წყალს სულ ვყი­დუ­ლობთ... ჩვენ დაგ­ვა­ზი­ა­ნა იმით, რომ ბავ­შვს აქვს პრობ­ლე­მე­ბი. მან­ძი­ლი ჩვე­ნი სახ­ლი­დან იქამ­დე 30 ნა­ბი­ჯია, კა­ნო­ნით სა­საფ­ლაო როცა გა­ა­კე­თა, 300 მეტ­რით უნდა ყო­ფი­ლი­ყო და­შო­რე­ბუ­ლი სა­ცხოვ­რე­ბე­ლი ად­გი­ლი­დან, ეს კა­ნო­ნიც დარ­ღვე­უ­ლია... ტყუ­ი­ლია ისიც, რომ თით­ქოს დიდ თან­ხებს ვი­თხოვთ მის­გან, ვი­თხოვ ერ­თა­დერ­თს, რომ კე­დე­ლი ამო­ა­შე­ნოს. მან 7-8 სახ­ლი შე­ის­ყი­და ირ­გვლივ, ახლა ჩვენ მოგ­ვად­გა, ჩვე­ნი სახ­ლის შე­ძე­ნის შემ­დეგ ჩი­ხის მი­სა­კუთ­რე­ბაც უნდა და არა­ვინ ეყო­ლე­ბა მე­ზობ­ლად. არ ვყი­დი ამ სახ­ლს, რო­გორც ძვირ­ფა­სია მის­თვის მამა- პა­პი­სე­უ­ლი სახ­ლი, ასე­თი­ვე ძვირ­ფა­სია ჩემ­თვი­საც, აქ ვცხოვ­რობთ ჩვენც".

ვა­ლე­რი გე­ლაშ­ვილ­მა ამის პა­სუ­ხად იმ­ჟა­მად ambebi.ge - სთან გა­ნა­ცხა­და:

"2016 წელს დე­და­ჩე­მი გარ­და­იც­ვა­ლა. მაგ სახ­ლსა და ჩემს სახ­ლს შო­რის სახ­ლი იდგა. მათი სახ­ლი­დან მო­შო­რე­ბით, და­ახ­ლო­ე­ბით 100 მეტ­რა­ში დე­და­ჩე­მის მშობ­ლე­ბი ჩა­ვას­ვე­ნე, თან გამ­წვა­ნე­ბით მაქვს ამოყ­ვა­ნი­ლი, თან ძირს მაქვს შავი ფი­ლე­ბი და­დე­ბუ­ლი, რო­მე­ლიც მისი სახ­ლი­დან არა­ნა­ი­რად არ გა­მოჩ­ნდება. ბო­დი­ში და დე­და­ჩე­მი, მიც­ვა­ლე­ბუ­ლი ღამე არ ამო­დის საფ­ლა­ვი­დან და არ და­დის ეზო­ში. რა ფსი­ქო-ემო­ცი­ურ მდგო­მა­რე­ო­ბა­ზეა ლა­პა­რა­კი? ახლა იძა­ხი­ან კე­დე­ლი ამო­ა­შე­ნო­სო, როცა ვა­შე­ნებ­დი კე­დელს, მა­შინ არ ამა­შე­ნე­ბი­ნა, შე­ტა­ნი­ლი ჰქონ­და გან­ცხა­დე­ბა გამ­გე­ო­ბა­ში კე­დელს აშე­ნებ­სო და არ მომ­ცეს ამის უფ­ლე­ბა. შე­ი­ტა­ნონ სარ­ჩე­ლი სა­სა­მარ­თლო­ში. დიდი ხა­ნია ვე­უბ­ნე­ბი",- გვი­თხრა მა­შინ ვა­ლე­რი გე­ლაშ­ვილ­მა.

• იხი­ლეთ სტა­ტია სრუ­ლად

რო­გორც ირ­კვე­ვა, ეს დავა სა­სა­მარ­თლო­ში მი­ვი­და. ნინო ნო­ზა­ძის ინ­ტე­რესს ად­ვო­კა­ტი გი­ორ­გი ცო­ბე­ხია იცავს.

გი­ორ­გი ცო­ბე­ხია:

- პირ­ველ რიგ­ში გე­ტყვით, რომ გა­მო­ვი­თხო­ვეთ ინ­ფორ­მა­ცია, ჰქონ­და თუ არა ვა­ლე­რი გე­ლაშ­ვილს ნე­ბარ­თვე­ბი ცხედ­რის გად­მოს­ვე­ნე­ბის და ასე­ვე საფ­ლა­ვის მო­წყო­ბის, აღ­მოჩ­ნდა, არც ერთი ნე­ბარ­თვა არ ჰქონ­და. ეს დაგ­ვი­დას­ტუ­რა ად­გი­ლობ­რივ­მა მუ­ნი­ცი­პა­ლი­ტეტ­მა, ასე­ვე ისიც დაგ­ვი­დას­ტუ­რეს, რომ ნე­ბარ­თვე­ბი ნამ­დვი­ლად სჭირ­დე­ბო­და. ად­გი­ლობ­რი­ვი თვით­მმარ­თვე­ლო­ბის კო­დექ­სის თა­ნახ­მად, სა­საფ­ლა­ოს მო­წყო­ბის სა­კი­თხებს მუ­ნი­ცი­პა­ლუ­რი ორ­გა­ნო­ე­ბი გა­ნი­ხი­ლა­ვენ და ამა­ზე გას­ცე­მენ შე­სა­ბა­მის თან­ხმო­ბას. გე­ლაშ­ვილ­მა ეს სრუ­ლი­ად უკა­ნო­ნოდ მო­ა­წყო. ამის შემ­დგომ მოვ­თხო­ვეთ მას მო­ე­წყო რა­ი­მე მსუ­ბუ­ქი კონ­სტრუქ­ცია, რომ ნო­ზა­ძე­ე­ბის სახ­ლის ფან­ჯრე­ბი­დან და აივ­ნი­დან ხე­დე­ბი არ ყო­ფი­ლი­ყო ხილ­ვა­დი და და­ე­ფა­რათ თა­ვი­ან­თი სა­საფ­ლაო. ამა­ზე უარი გან­გვი­ცხა­დეს და ჟურ­ნა­ლის­ტებ­თან ინ­ტერ­ვი­უ­ებ­ში იმა­საც აცხა­დებ­დნენ, თით­ქოს ნო­ზა­ძე­ე­ბი მის­გან თბი­ლის­ში ბი­ნე­ბის ყიდ­ვას ითხოვ­დნენ. ეს არის სიც­რუე. ჩვენ ამ დრომ­დე ვი­თხოვთ მხო­ლოდ ხე­დის და­ფარ­ვას, მაგ­რამ ეს არ გა­ა­კე­თეს, ამი­ტომ მივ­მარ­თეთ სა­სა­მარ­თლოს.

რად­გან სარ­ჩე­ლით თა­ვი­სი ეზოს ტე­რი­ტო­რი­ა­ზე კონ­სტრუქ­ცი­ის აშე­ნე­ბას ვერ და­ვა­ვალ­დე­ბუ­ლებ­დით გე­ლაშ­ვილს, ამი­ტომ მო­ვი­თხო­ვეთ უკა­ნო­ნო სა­საფ­ლა­ოს დე­მონ­ტა­ჟი, იქვე შევ­თა­ვა­ზეთ მო­რი­გე­ბაც. მო­რი­გე­ბის პი­რო­ბა ისევ იყო მსუ­ბუ­ქი კონ­სტრუქ­ცი­ის მო­წყო­ბა და და­ვამ­თავ­რე­ბით და­ვას. რად­გან მო­რი­გე­ბა­ზე უარი თქვეს, ამის შემ­დეგ მომ­ზად­და სოც­მუ­შა­კის დას­კვნა, ფსი­ქო­ლო­გის დას­კვნა და და­დას­ტურ­და, რომ ამ ფაქ­ტით ნამ­დვი­ლად ზი­ან­დე­ბა არას­რულ­წლო­ვა­ნის ფსი­ქი­კუ­რი მდგო­მა­რე­ო­ბა. იმ­დე­ნად მძი­მე ემო­ცი­უ­რი მდგო­მა­რე­ო­ბა იყო, ფსი­ქო­ლო­გე­ბის რე­კო­მენ­და­ცი­ით ოჯა­ხი იძუ­ლე­ბუ­ლი გახ­და ბავ­შვის­თვის შე­ეც­ვა­ლა გა­რე­მო. ფაქ­ტობ­რი­ვად, ამის გამო ხა­შუ­რი­დან თბი­ლის­ში გად­მო­სახ­ლდნენ. ბავ­შვს სკო­ლის გა­მოც­ვლა მო­უხ­და. ფსი­ქო­ლო­გე­ბი ურ­ჩევ­დნენ ტრავ­მის მაპ­რო­ვო­ცი­რე­ბელ გა­რე­მოს მო­შო­რე­ბუ­ლიყ­ვნენ. არას­რულ­წლო­ვა­ნი ისეთ მდგო­მა­რე­ო­ბა­ში იყო, ხა­ტავ­და ადა­მი­ა­ნის ჩონ­ჩხებს, მძი­მე სუ­რა­თებს, რო­მე­ლიც და­კავ­ში­რე­ბუ­ლია სიკ­ვდილ­თან.

ფსი­ქო­ლო­გის დას­კვნით, სა­საფ­ლა­ოს ხილ­ვის ფაქ­ტო­რი ბავ­შვში იწ­ვევს გა­ხან­გრძლი­ვე­ბულ სტრე­სულ მდგო­მა­რე­ო­ბას, რო­მელ­საც ვერ უმკლავ­დე­ბა. სა­ბო­ლო­ოდ, ეს ახ­დენს მის ჯან­მრთე­ლო­ბა­ზე ნე­გა­ტი­ურ გავ­ლე­ნას. ამის შემ­დგომ მივ­მარ­თეთ სა­ხალ­ხო დამ­ცველს, მან დე­ტა­ლუ­რად შე­ის­წავ­ლა ეს საქ­მე და საკ­მა­ოდ მო­ცუ­ლო­ბი­თი დო­კუ­მენ­ტი შე­ად­გი­ნა. კა­ნონ­მდებ­ლო­ბის ხარ­ვე­ზი­დან გა­მომ­დი­ნა­რე თა­ვად სა­ხალ­ხო დამ­ცველ­მა ლე­ვან იო­სე­ლი­ან­მა მი­მარ­თა პარ­ლა­მენტს. აღ­ნიშ­ნავს, რომ: "კერ­ძო სა­საფ­ლა­ოს უნე­ბარ­თვოდ ან/და დად­გე­ნი­ლი რე­გუ­ლა­ცი­ე­ბის დარ­ღვე­ვით მო­წყო­ბის პი­რო­ბებ­ში ეფექ­ტი­ა­ნი ზე­დამ­ხედ­ვე­ლო­ბის და რე­ა­გი­რე­ბის მე­ქა­ნიზ­მე­ბის არარ­სე­ბო­ბა შე­უძ­ლე­ბელს ხდის სა­ხელ­მწი­ფოს ვალ­დე­ბუ­ლე­ბის შეს­რუ­ლე­ბას, რომ მო­ახ­დი­ნოს ადა­მი­ა­ნის უფ­ლე­ბა­თა და ძი­რი­თად თა­ვი­სუფ­ლე­ბა­თა დარ­ღვე­ვის პრე­ვენ­ცია და ითხოვს პარ­ლა­მენ­ტმა გა­ნი­ხი­ლოს წარ­მოდ­გე­ნი­ლი პრობ­ლე­მის სა­კა­ნონ­მდებ­ლო დო­ნე­ზე მო­წეს­რი­გე­ბის სა­კი­თხი, რათა გა­ნი­სა­ზღვროს კერ­ძო სა­საფ­ლა­ოს უნე­ბარ­თვოდ ან/და დად­გე­ნი­ლი რე­გუ­ლა­ცი­ე­ბის დარ­ღვე­ვის მო­წყო­ბის ფაქტთან და­კავ­ში­რე­ბით ეფექ­ტი­ა­ნი ზე­დამ­ხედ­ვე­ლო­ბის მე­ქა­ნიზ­მი, ხოლო, კერ­ძო სა­საფ­ლა­ოს უნე­ბარ­თვოდ ან/და დად­გე­ნი­ლი რე­გუ­ლა­ცი­ე­ბის დარ­ღვე­ვის მო­წყო­ბის შემ­თხვე­ვა­ში გათ­ვა­ლის­წი­ნე­ბულ იქ­ნეს შე­სა­ბა­მი­სი სა­მარ­თლებ­რი­ვი პა­სუ­ხის­მგებ­ლო­ბის (ჯა­რი­მა, დე­მონ­ტა­ჟი ან სხვ.) ზო­მე­ბი".

კა­ნო­ნი რომ გვქო­ნო­და, არ მოგ­ვი­წევ­და სა­ერ­თოდ სა­სა­მარ­თლოს­თვის მი­მარ­თვა და უნე­ბარ­თვოდ სა­საფ­ლა­ოს მო­წყო­ბის­თვის მუ­ნი­ცი­პა­ლურ ორ­გა­ნოს ექ­ნე­ბო­და რე­ა­გი­რე­ბა. მუ­ნი­ცი­პა­ლურ­მა ორ­გა­ნომ ჩვენ გვი­თხრა, უნე­ბარ­თოთ კი არის ეს სა­მარ­ხი გა­კე­თე­ბუ­ლი, მაგ­რამ, სამ­წუ­ხა­როდ, ჩვენ სა­მარ­თლებ­რი­ვად არ გვაქვს შე­საძ­ლებ­ლო­ბა ამ სა­კი­თხზე რე­ა­გი­რე­ბი­სო, ამი­ტომ მივ­მარ­თეთ სა­სა­მარ­თლოს. სა­ხალ­ხო დამ­ცვე­ლის მრა­ვალ­გვერ­დი­ა­ნი კვლე­ვის შე­დე­გე­ბი პირ­და­პირ ზე­გავ­ლე­ნას მო­ახ­დენს ამ სა­სა­მარ­თლო და­ვა­ზეც. ახლა პირ­ვე­ლი ინ­სტან­ცი­ა­ში იხი­ლე­ბა ეს დავა. ვი­თხოვთ სა­საფ­ლა­ოს დე­მონ­ტაჟს, იუ­რი­დი­უ­ლად სხვა მოქ­მე­დე­ბას ვერ მო­ვი­თხოვ­დით. ამ ადა­მი­ა­ნებს აქვთ უფ­ლე­ბა ნორ­მა­ლურ გა­რე­მო­ში იცხოვ­რონ და თა­ვი­ანთ სახ­ლში იყ­ვნენ.

- ადრე ჩვენ­თან ინ­ტერ­ვი­უ­ში გე­ლაშ­ვი­ლი ამ­ბობ­და, რომ ყვე­ლა­ფე­რი წე­სე­ბის დაც­ვით ჰქონ­და მო­წყო­ბი­ლი, აპი­რებ­და დიდი კედ­ლის ამო­შე­ნე­ბას და მა­შინ ამის უფ­ლე­ბა არ მის­ცეს ნო­ზა­ძე­ებ­მა...

- სა­მარ­ხე­ბი ყო­ველ­გვა­რი ნე­ბარ­თვის გა­რე­შე აქვს მას გა­კე­თე­ბუ­ლი. კე­დე­ლი არ ამო­ა­შე­ნე­ბი­ნეს იმი­ტომ, რომ ღო­ბის სი­მაღ­ლე უნ­დო­და გა­ე­ზარ­და ისე, რომ მზის სხი­ვი სა­ერ­თოდ და­ე­კარ­გა იმ ოჯა­ხის­თვის. იქაც, ნე­ბარ­თვა არ ჰქონ­და აღე­ბუ­ლი და პირ­და­პირ კე­თე­ბა და­ი­წყო. დავა მი­დის ერთ წელ­ზე მე­ტია პირ­ველ ინ­სტან­ცი­ა­ში. 4 სხდო­მა ჩა­ტარ­და, რო­მელ­საც ეს­წრე­ბო­და მისი ად­ვო­კა­ტი. სა­სა­მარ­თლომ მო­რი­გე­ბა შე­მოგ­ვთა­ვა­ზა, არა­და, ლა­მის ვეხ­ვე­წე­ბით მო­რი­გე­ბა­ზე...

და­ვუ­კავ­შირ­დით ბიზ­ნეს­მენ ვა­ლე­რი გე­ლაშ­ვილ­საც, ის ად­რინ­დე­ლის­გან გან­სხვა­ვე­ბით, მცი­რე კო­მენ­ტა­რით შე­მო­ი­ფარ­გლა.

ვა­ლე­რი გე­ლაშ­ვი­ლი:

- რაღა უნ­დათ ამ ნო­ზა­ძე­ებს კი­დევ, ხომ შედ­გა შე­თან­ხმე­ბა. სა­სა­მარ­თლო­ში ვთქვით, რომ იმ ტე­რი­ტო­რი­ა­ზე ხე­ე­ბი უნდა დაგ­ვერ­გო, უარი თქვეს. ახლა კი­დევ 5-მეტ­რი­ან ფარ­დას ვა­კე­თებ მზის ელექტრო­ე­ნერ­გი­ის პა­ნე­ლე­ბის, იმ ად­გილს მთლი­ა­ნად დავ­ფა­რავ, რომ მათი აივ­ნი­დან არა­ფე­რი გა­მოჩ­ნდეს. სა­დაც ხე­ე­ბი უნდა და­მერ­გო, იქ გა­კეთ­დე­ბა და ეს უკე­თე­სად და­ფა­რავს ყვე­ლა­ფერს. უკე­თესს ვა­კე­თებ, სა­ერ­თოდ არა­ფე­რი გა­მოჩ­დე­ბა, ხე­ე­ბი ისე არ გა­იზ­რდე­ბა, რომ რა­ღაც მა­ინც არ გა­მოჩ­ნდე­სო, პა­ნე­ლე­ბი ჩამ­წკრი­ვე­ბუ­ლი იქ­ნე­ბა, სწო­რედ ახლა ვა­წყობ ამას. მა­ი­სის ბო­ლომ­დე გვაქვს სა­სა­მარ­თლოს­გან ამის­თვის დრო. მეტი რაღა უნ­დათ. ხე­ე­ბის დარ­გვის პრობ­ლე­მაც არ მაქვს, იმა­საც დავრგავ, ოღონდ დამ­შვიდ­ნენ. ხომ და­ი­ნა­ხეს, რომ უკვე სა­მუ­შა­ო­ებს ვა­ტა­რებთ, გა­თხრა მი­დის. ჩემს ად­ვო­კატს ვუ­თხა­რი, შე­უ­თანხდი რაც უნ­დათ იმა­ზე - მეთ­ქი და ის კეთ­დე­ბა. ისე იმ სა­სა­მარ­თლო პრო­ცესს ისი­ნი ვერ მო­ი­გებ­დნენ, მაგ­რამ მა­ინც შე­თან­ხმე­ბა­ზე წა­ვე­დი. და­წყე­ბუ­ლია და გა­კეთ­დე­ბა. აღარ მინ­და ამ თე­მა­ზე სა­ერ­თოდ ლა­პა­რა­კი, მეც ჩემს უბან­ში ცხოვ­რე­ბა მინ­და და მათ არ გა­მო­ვე­კი­დე­ბი არა­ფერ­ზე... შა­ბათ-კვი­რა ჩავ­დი­ვარ ხა­შურ­ში, სახ­ლში შევ­დი­ვარ და გა­მოვ­დი­ვარ, მა­გათ ეზო­ში და ფან­ჯრებ­ში არ ვი­წყებ ყუ­რე­ბას, ისიც არ ვიცი ხა­შურ­ში არი­ან თუ არა.

- ად­ვო­კა­ტი აცხა­დებს, რომ არა­კა­ნო­ნი­ე­რად გაქვთ მო­წყო­ბი­ლი სახ­ლში მშობ­ლე­ბის სა­საფ­ლაო და შე­სა­ბა­მი­სი ნე­ბარ­თვა არ გა­გაჩ­ნი­ათ.

- თქვენ­თან ადრე ვი­ლა­პა­რა­კე დე­ტა­ლუ­რად ამ სა­კი­თხზე. რა იყო არა­კა­ნო­ნი­ე­რი, ეს არა­კა­ნო­ნი­ე­რი რომ ყო­ფი­ლი­ყო, ისი­ნი ბო­ლომ­დე იბ­რძო­ლებ­დნენ. მიც­ვა­ლე­ბუ­ლებ­ზე ნუ მა­ლა­პა­რა­კებთ. ძა­ლი­ან გან­ვიც­დი ამ ამ­ბავს, რად­გან ჩემი მიც­ვა­ლე­ბუ­ლე­ბი არი­ან და მძი­მეა ემო­ცი­უ­რად ჩემ­თვის ამა­ზე ლა­პა­რა­კი. რა არ ას­ვე­ნებთ, კი­დევ ვერ გა­მი­გია, მეტი საქ­მე არ აქვთ? ამ თე­მა­ზე სა­უ­ბა­რი არ მინ­და, ყვე­ლა­ფერს აქვს სა­ზღვა­რი. ეს ტკი­ვილს მა­ყე­ნებს.

მისი ამ პო­ზი­ცი­ის მოს­მე­ნის შემ­დეგ ისევ და­ვუ­კავ­შირ­დით ნო­ზა­ძე­ე­ბის ად­ვო­კატს. ჩო­ბე­ხია ირ­წმუ­ნე­ბა, რომ ეს ინ­ფორ­მა­ცია მას არ ჰქონ­და.

"ახლა თქვენ­გან მეს­მის ეს ამ­ბა­ვი პირ­ვე­ლად. მო­რი­გე­ბა სა­სა­მარ­თლო­ში ჯერ არ შემ­დგა­რა. არა­და, ასეთ დროს დგე­ბა მო­რი­გე­ბის აქტი. თუ ამას ისი­ნი შე­ას­რუ­ლე­ბენ, აქვე გი­დას­ტუ­რებთ, რომ ჩვენ ამას და­ვე­თან­ხმე­ბო­დით, მისი ად­ვო­კა­ტი არ დამ­კავ­ში­რე­ბია. ვიცი, რომ რა­ღა­ცე­ბი ამო­თხა­რეს, მაგ­რამ არა­ფე­რია სხვა გა­კე­თე­ბუ­ლი. რაც შე­ე­ხე­ბა ხე­ე­ბის დარ­გვას, ეს შე­მო­თა­ვა­ზე­ბა იყო მხო­ლოდ, მე გა­ვუგ­ზავ­ნე პა­სუ­ხი, რომ ჩვენ­თან უნდა შე­ე­თან­ხმე­ბი­ნათ ხე­ე­ბის ჯი­შე­ბი, რად­გან რაც თქვეს, ის ხე­ე­ბი ვერ და­ფა­რავ­და იქა­უ­რო­ბას. კი­დევ ერთხელ აქვე გი­ცხა­დებთ, რომ ისეთ მსუ­ბუქ კონ­სტრუქ­ცი­ას თუ მო­ა­წყო­ბენ, რო­მე­ლიც სრუ­ლად და­ფა­რავს ხედს, ეს მი­სა­ღე­ბია და რა თქმა უნდა, დავ­თან­ხმდე­ბით, თა­ნახ­მა ვიქ­ნე­ბით ამ მო­რი­გე­ბა­ზე.