იყო ე.წ. ქურდული გარჩევა, რომელშიც 20-მდე ახალგაზრდა მონაწილეობდა, დაჭრილია თეატრალური უნივერსიტეტის რექტორის ვაჟი - რა მოხდა ვერაზე? ახალი დეტალები

დღეს, 4 აპრილს, თბილისში, გოგებაშვილის ქუჩაზე ორმხრივი სროლა იყო. როგორც ადგილობრივები ჰყვებიან, მათ დააახლოებით, რვა გასროლის ხმა გაიგონეს.

სროლის შედეგად ერთი ადამიანი, თავდამსხმელია მოკლული. არსებული ინფორმაციით, დაჭრილია ორი მოქალაქე.

როგორც Ambebi.ge-ს წყარო უყვება, გოგებაშვილის ქუჩაზე, რესტორან La Vera-სთან ე.წ. ქურდული გარჩევა მოხდა, რომელშიც 20-მდე ახალგაზრდა მონაწილეობდა.

გარჩევას სროლა მოჰყვა. დაჭრილებს შორის არის გივი (გიჩო) მარგველაშვილი. Ambebi.ge-ს ინფორმაციით, პირს, რომელმაც სავარაუდოდ, პირველმა გახსნა ცეცხლი, მარგველაშვილის დაცვამ ესროლა და მოკლა.

ცნობისთვის, გიჩო მარგველაშვილი წარსულში ადამიანის დაჭრისთვის არის ნასამართლევი.

ის (გიჩო მარგველაშვილი) არის საქართველოს შოთა რუსთაველის თეატრისა და კინოს სახელმწიფო უნივერსიტეტის რექტორის, გიორგი (გოგა) მარგველაშვილის ვაჟი.

• შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს. იდენტიფიცირებულია მკვლელობაში ბრალდებული.

ნახეთ ასევე: "შავი ჩანთიდან ცეცხლსასროლი იარაღი ამოიღო და...." - ვინ არის ვერაზე მომხდარი სროლის შედეგად მოკლული და რა ახალი დეტალები ხდება საქმეზე ცნობილი