"კრემლზე თავდასხმა, სავარაუდოდ, რუსეთის მიერ იყო დადგმული და ამაზე რამდენიმე მაჩვენებელი მიუთითებს" - რა ინფორმაცია აქვს აშშ-ის "ომის შესწავლის ინსტიტუტს"

აშშ-ის "ომის შესწავლის ინსტიტუტში" აცხადებენ, რომ კრემლზე დრონით თავდასხმა, სავარაუდოდ, რუსეთის მიერ იყო დადგმული და რამდენიმე მაჩვენებელი მიუთითებს, რომ დარტყმა შიგნიდან და მიზანმიმართულად იყო ინსცენირებული.

ანალიტიკოსების მტკიცებით, ამ მაჩვენებლებს შორისაა ის, რომ "რუსეთის ხელისუფლებამ ცოტა ხნის წინ გადადგა ნაბიჯები რუსეთის შიდა საჰაერო თავდაცვის შესაძლებლობების გასაზრდელად, მათ შორის თვით მოსკოვშიც, და, შესაბამისად, ძალზე ნაკლებად სავარაუდოა, რომ ორმა დრონმა შეაღწია საჰაერო თავდაცვის მრავალ ფენაში და აფეთქდა ან ჩამოაგდეს კრემლის შუაგულში ისე, როგორც ეს კამერაზე ლამაზად დაფიქსირებულ სანახაობრივ კადრებში იყო მოცემული“.

"ამასთან, ინციდენტზე კრემლის დაუყოვნებელი, თანმიმდევრული და კოორდინირებული პასუხი მიანიშნებს, რომ თავდასხმა მომზადდა შიგნიდან და ისე, რომ მის მიზანმიმართულ პოლიტიკურ ეფექტებს უხერხულობა გადაეწონა“, - აცხადებენ ორგანიზაციაში.

• ცნობისათვის, კრემლის განცხადებით, რუსეთმა პრეზიდენტ ვლადიმერ პუტინის მკვლელობის მცდელობა აღკვეთა, რომელიც უკრაინის მიერ იყო დაგეგმილი.

"ოთხშაბათს ღამით, კიევის რეჟიმმა უპილოტო საფრენი აპარატის გამოყენებით რუსეთის პრეზიდენტის ვლადიმერ პუტინის კრემლის რეზიდენციაზე იერიში სცადა“, - ნათქვამია კრემლის განცხადებაში. მათი მტკიცებით, თავდასხმისთვის ორი დრონი გამოიყენეს, თუმცა რუსეთის თავდაცვის ძალებმა მათი მწყობრიდან გამოყვანა მოახერხეს.

წაიკითხეთ ასევე:

• კრემლიც დაიბომბა! - ის, რომ დრონებმა მოახერხეს შეღწევა მსოფლიოში ჰაერიდან ყველაზე დაცულ ტერიტორიაზე, რუსული საჰაერო თავდაცვის დიდ მინუსებზე ლაპარაობს
• "შეტევა უკრაინის სამთავრობო რაიონზე ან ზელენსკის ლიკვიდაცია..." - როგორ შეიძლება გამოიყენოს რუსეთმა სათავისოდ კრემლის დაბომბვა?
• "პუტინს თავს არ დავსხმივართ, ტრიბუნალს დავუტოვებთ" - ზელენსკი კრემლის დაბომბვას ეხმაურება