გაუჩინარებული ავსტრალიელი მეთევზის სხეულის ნაწილები ნიანგის მუცელში იპოვეს
მეგობრებთან ერთად თევზაობისას გაუჩინარებული ავსტრალიელი მამაკაცის სხეულის ნაწილები ნიანგის მუცელში აღმოაჩინეს. კევინ დარმოდი ბოლოს გასულ შაბათს, ჩრდილოეთ ქუინსლენდის შორეულ ნაწილში ნახეს, ტერიტორიაზე, რომელიც ცნობილია, როგორც ნიანგების საცხოვრებელი ადგილი.
ორდღიანი ძებნის შემდეგ პოლიციამ ორი დიდი ზომის ნიანგს ევთანაზია გაუკეთა და ადამიანის სხეულის ნაწილები იპოვა. მოკლული ნიანგების სიგრძე 4.1 და 2.8 მეტრი იყო. ნიანგები დარმოდის გაუჩინარების ადგილიდან მოშორებით მოკლეს. ადამიანის სხეულის ნაწილები მხოლოდ ერთ ნიანგში აღმოაჩინეს.
გარდაცვლილი ჯერჯერობით იდენტიფიცირებული არ არის, თუმცა პოლიციამ განაცხადა, რომ 65 წლის მამაკაცის ძებნის სამუშაოები ასე ტრაგიკულად დასრულდა.
მეთევზეებს არ დაუნახავთ, როგორ დაესხნენ თავს მათ მეგობარს ნიანგები, მაგრამ ყვირილი გაიგონეს, რასაც წყლის შხეფების ხმა მოჰყვა. "გავიქეცი, მაგრამ მისი არანაირი კვალი აღარ ჩანდა, მხოლოდ ფეხსაცმელები იყო",- ყვებოდა ჟურნალისტებთან მეთევზე ჯონ პაიტი.
ნიანგები ავსტრალიის ტროპიკულ ჩრდილოეთში ბინადრობენ, მაგრამ ისინი ადამიანებს თავს იშვიათად ესხმიან. ქუინსლენდში 1985 წლის შემდეგ ეს მეცამეტე შემთხვევაა.
წყარო: bbc
მოამზადა: ანა სიბოშვილმა