"ერთ ნიუსს რომ არ დადებთ ნუცას American Idol-ში გამოსვლაზე, ყველაზე მინიმუმ მაგრად "ტეხავს" - ზაზა შენგელია "ამერიკის ხმის" ქართულ რედაქციას
ნუცა ბუზალაძის ამერიკული წარმატება გრძელდება. ქართველი მომღერალი პოპულარული ამერიკული კონკურსის, American Idol-ის 12 საუკეთესო მონაწილეს შორისაა. წინა ტურში ნუცას ხმები არ ეყო და ჟიურიმ გადაარჩინა, რის შედეგადაც 24 კონკურსანტიდან ის 12 საუკეთესოში მოხვდა. ამჯერად ყველაფერი გულშემატკივრების მხარდაჭერაზეა დამოკიდებული.
"ბრავო რეკორდის" დამფუძნებელი ზაზა შენგელია ნუცას მხარდამჭერების მობილიზებას აქტიურად ცდილობს. მის სოციალურ ქსელში უკვე რამდენიმე დღეა ვრცელდება ცნობილი და წარმატებული ქართველების ვიდეოები, რომლებიც საზოგადოებას ნუცა ბუზალაძის მხარდაჭერისკენ მოუწოდებენ. (წაიკითხეთ: "დაუჯერებელი ამბავი ხდება... ნუცა, გგულშემატკივრობთ მთელი ოჯახით" - ცნობილი ქართველების ვიდეომიმართვები, ნუცა ბუზალაძის მხარდასაჭერად)
- ხმის მიცემის ისნტრუქცია - მაქსიმუმ 10 ხმა - ონლაინ მისამართზე AmericanIdol.com/vote
- მაქსიმუმ 10 ხმა - სპეციალური აპლიკაციით: American Idol app
- მაქსიმუმ 10 ხმა ტექსტური შეტყობინებით ნომერზე 21523 (ერთმა ადამიანმა ჯამში 30 ხმა შეიძლება რომ გამოაგზავნოს
ცოტა ხნის წინ ზაზა შენგელიამ სოციალურ ქსელში პოსტი გამოაქვეყნა, სადაც ამჯერად "ამერიკის ხმის" ქართულ რედაქციას მიმართა. "ბრავო რეკორდის" დამფუძნებელი მათ იმის გამო საყვედურობს, რომ წარმატებული ქართველი გოგონას შესახებ მათ საიტზე ერთი ნიუსიც კი არ იძებნება:
"ისე, დიდი პატივისცემის მიუხედავად, ჩემო ყოფილო კოლეგებო “ამერიკის ხმიდან”(ქართული რედაქცია), ერთ წერილს, ან მინიმუმ ერთ ნიუსს რომ არ დადებთ ნუცას American Idol-ში გამოსვლაზე, ყველაზე მინიმუმ მაგრად “ტეხავს” ამერიკის ხმა" - წერს შენგელია.