რუსული ბანკი, რომელიც სავალუტო ოპერაციების ლარში განხორციელებას იწყებს, სანქცირებულია - რა ახალი დეტალები ხდება ცნობილი?

როგორც რუსული მედიასაშუალებები იტყობინებიან, რუსული ბანკი "ტოჩკა“ სავალუტო ოპერაციების ლარში განხორციელებას იწყებს.

ლარის გაგზავნა საქართველოსა და მსოფლიოს ნებისმიერ ბანკში იქნება შესაძლებელი, - განიცხადა ბანკის წარმომადგენელმა რუსულ სამთავრობო სააგენტო "ტასს“. "შევისწავლით, თუ სანქცირებულია, მასთან არცერთი ქართული ბანკი არ დაიჭერს ურთიერთობას,“-

"თუ ეს ბანკი არის სანქცირებული, მასთან საკორესპონდენტო ურთიერთობას არ დაიჭერს არცერთი ქართული ბანკი. შესაბამისად, გადარიცხვები არ იქნება არც რუბლით, არც ლარით და არც სხვა ვალუტით. თუ არ არის სანქცირებული, მაშინ რისკი არ არის და მნიშვნელობა არ აქვს, იქნება ეს გადარიცხვები რუბლით, ლარით თუ სხვა ვალუტით. ამ საკითხს ჩვენ შევისწავლით, კომერციულ ბანკებსაც დავუკავშირდებით, მაგრამ ჩვენ გარეშეც, თუ ეს ბანკი ან მისი მფლობელები არიან სანქცირებული, არცერთი ქართული ბანკი არ დაიჭერს ურთიერთობას“, - ასე გამოეხმაურა საქართველოს ეროვნული ბანკის პრეზიდენტის მოვალეობის შემსრულებელი არჩილ მესტვირიშვილი ამ ინფორმაციას.

ცნობისთვის, "ტოჩკა“ რუსული ბანკია, რომელიც ოფისების გარეშე ოპერირებს. ის ორიენტირებულია "იურიდიული პირებისთვის მომსახურებების ეკოსიტემის შექმნასა“ და მეწარმეთა დისტანციურ მომსახურებაზე. ბანკმა რუსეთის ცენტრალური ბანკის ლიცენზია 2023 წლის თებერვალში მიიღო.

როგორც ირკვევა რუსული ბანკი მართლაც სანქცირებულია.

კერძოდ, 2022 წლის თებერვალსა და მარტში აშშ-ს სახაზინო დეპარტამენტმა ბლოკირების სასანქციე SND-სიაში 10 რუსულ ბანკი და მათი შვილობილი კომპანიები შეიყვანა. "ტოჩკა“ მაშინ ბანკ "ოტკრიტიეს“ ჯგუფს განეკუთვნებოდა, რომლის ძირითადი აქციონერი, ანუ აქტივების 99%-ის მფლობელი სახელმწიფოა. ამასთან, 2 მარტს ევროკავშირის გადაწყვეტილებით, ბანკი სისტემა SWIFT-დანაც გაითიშა. ამდენად, სასანქციე სიაში "ტოჩკაც“ მოხვდა. მოგვიანებით "ოტკრიტიემ“ "ტოჩკა“ ბანკ "ტრასტს“ მიჰყიდა... გააგრძელეთ კითხვა