უკრაინაში კიდევ ერთი ქართველი მებრძოლი დაიღუპა - "ზურა არაერთ ქიმიურ დაბომბვაში მოჰყვა და შესაძლოა, გარდაცვალება ამან გამოიწვია"
უკრაინაში კიდევ ერთი ქართველი მებრძოლი, ზურაბ ოდიშვილი დაიღუპა. ინფორმაციას სოციალურ ქსელში კავკასიური ლეგიონის მეთაური ლადო გამსახურდია ავრცელებს. სწორედ ამ ლეგიონის წევრი იყო ოდიშვილი.
"მთავარ არხს" მისი თანამებრძოლები ეუბნებიან, რომ ზურაბ ოდიშვილი არაერთ ქიმიურ დაბომბვაში მოჰყვა და შესაძლოა გარდაცვალება ამანაც გამოიწვია.
"ზურაბ ოდიშვილი, ჩვენი მეგობარი, გმირი ქართველი! ეს რა ცუდი ამბავი გავიგე ძმაო. ვუსამძიმრებ ოჯახის წევრებს და სრულიად საქართველოს.ცრემლები აღარ გვაქვს და გული ქვა გაგვიხდა ყოველ დღე დავსტირით ჩვენს გმირებს! ოქროს გულის კაცი" - წერს გამსახურდია.
ცნობისთვის, ზურაბ ოდიშვილი 43-ე ქართველი მებრძოლია, რომელიც უკრაინაში რუსეთის აგრესიას შეეწირა.