სინგაპურში, კანაფით ვაჭრობის გამო, მამაკაცი სიკვდილით დასაჯეს
სინგაპურში კანაფით ვაჭრობის გამო მოქალაქე სიკვდილით დასაჯეს. მისი ოჯახი, ასევე აქტივისტები სხვადასხვა საერთაშორისო ორგანიზაციებს, მათ შორის გაეროს მიმართავდნენ, რათა ჩარეულიყვნენ და სასამართლოს არ გამოეტანა სიკვდილით დასჯის გადაწყვეტილება.
46 წლის ტანგარაჯუ სუფია 1 კილოგრამი კანაფის კონტრაბანდის გამო ჩამოახრჩვეს.
აქტივისტების განცხადებით, მის წინააღმდეგ სასამართლოზე წარდგენილი მტკიცებულებები არ იყო საკმარისი. თუმცა ასე არ თვლიან სინგაპურის ხელისუფლებაში და მიაჩნიათ რომ სასამართლომ სამართლიანი გადაწყვეტილება მიიღო.
სინგაპურს, ნარკოტიკების საწინააღმდეგო, მსოფლიოში ყველაზე მკაცრი კანონი აქვს. ადგილობრივი ხელისუფლების მტკიცებით, ეს არის საუკეთესო შემაკავებელი ნარკოდანაშაულის წინააღმდეგ, რაც მწვავე საკითხია სამხრეთ-აღმოსავლეთ აზიაში.
გასულ წელს სინგაპურში 11 ადამიანი ჩამოახრჩვეს და ყველა საქმე ნარკოტიკებთან იყო დაკავშირებული. მათ შორის ჩამოახრჩვეს გონებაშეზღუდული მამაკაცი სამი კოვზი ჰეროინის რეალიაციისთვის. აღსანიშნავია, რომ სინგაპურის მეზობელ მალაიზიაში ნარკოდანაშაულთან დაკავშირებით სიკვდილით დასჯა გააუქმდა. მალაიზიაში აცხადებენ, რომ ეს რ იყო დანაშაულის ეფექტიანად შემაკავებელი საშუალება.