"ზელენსკის პოლიტიკურ საფლავში მიათრევს ის ხალხი, რომელიც მას ეკონომიკურ პოლიტიკაზე რჩევებს აძლევს..." - არესტოვიჩი
პრეზიდენტის ადმინისტრაციის უფროსის ყოფილმა მრჩეველმა ოლექსეი არესტოვიჩმა განაცხადა, რომ ომის დასრულების შემდეგ უკრაინას ემუქრება "ძალიან რთული პერიოდი, რომელიც გარკვეულწილად უფრო რთული იქნება, ვიდრე ომი". ასევე, მისი აზრით, შესაძლოა ზელენსკის რეიტინგი დაინგრეს.
ამის შესახებ მან ვასილი გოლოვანოვთან ინტერვიუში განაცხადა. არესტოვიჩმა ჩამოთვალა ის პრობლემები, რომლებიც, მისი აზრით, ომის შემდეგ შეექმნება ქვეყანას.
"12 მილიონი ლტოლვილი; განადგურებული ეკონომიკა, ინფრასტრუქტურა და საცხოვრებელი; დიდი საგარეო ვალი; მუშათა დეფიციტი, პოსტტრავმული სინდრომის მქონე ასიათასობით ადამიანის ფრონტიდან დაბრუნება, როცა „გუშინდელი გმირები დაიწყებენ ცოლების ცემას და ყუმბარების აფეთქებას“ და „ადამიანი, რომელიც იყო მფარველი და ნახევარღმერთი, გახდება სოციალურად საშიში არსება. გარდა ამისა, ბევრი ყოფილი სამხედრო კაცი, რომლებიც ახლა ხელფასს იღებენ, შეიძლება სამოქალაქო ცხოვრებაში უმუშევარი დარჩეს;
გაუგებარია, როგორ დასრულდება ომი და რა კომპენსაცია ექნება დასავლეთს, ნამდვილად დაგვეხმარებიან თუ არა, იქნება თუ არა გარანტიები იმ ინვესტიციებისთვის, რასაც დღეს დასავლეთში გვპირდებიან.
ზოგადად ეკონომიკური პოლიტიკა, ჩემი აზრით, ზელენსკის მმართველობის ყველაზე სუსტი მხარეა. არ ვიცი, რას ეუბნება ის ხალხი, რომელიც ეკონომიკურ პოლიტიკაზე რჩევებს აძლევს, იგივე ჰეტმანი და სხვები, თუმცა ისინი პოლიტიკურ საფლავში მიათრევენ მას იმ განუკითხაობით, რომელიც ეკონომიკაშია..." - ამბობს არესტოვიჩი.
თუ ეს პრობლემები არ მოგვარდება, არესტოვიჩის თქმით, ზელენსკის რეიტინგი შესაძლოა გაქრეს და ყველა უბედურება მას მიეწერება.
გარდა ამისა, მისი თქმით, შესაძლებელია, რომ დასავლეთმა, კორუფციასთან დაკავშირებული პრობლემების გამო, უარს თქვას უკრაინის ეკონომიკურ მხარდაჭერაზე და არ შეიყვანოს ევროკავშირში.
არესტოვიჩის თქმით, სწორედ ეს ქმნის საფრთხეს, რომ პუტინი შეეცდება შურისძიებას და დაიწყება მეორე ომი 2028-2029 წლებში, რომელიც შეიძლება ბევრად უარესად დასრულდეს უკრაინისთვის. "პუტინს უკვე ჰქონდა ჩეჩნეთის მეორე ომის გამოცდილება. ის ეცდება ამის გამეორებას"
"პუტინი ხომ არსად გაქრება. ის სავარაუდოდ 2024 წლამდე დარჩება და მოიგებს, დაიწყებს მზადებას რევანშისა და კომპენსაციისთვის, რადგან მის ბიოგრაფიაში უკვე იყო პირველი ჩეჩნური რევოლუცია, შემდეგ მეორე და ის აუცილებლად მოინდომებს მეორე უკრაინულს, კომპენსირებას. სადღაც 2024 წლის მიწურულისთვის, მმართველობის მეორე თუ მორიგ ვადაზე, 2028-2029 წელს შეიძლება, კიდევ სცადოს...“ - ამბობს არესტოვიჩი.