მნიშვნელოვანი ინფორმაცია
17
ივლისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 23:58-ზე, მთვარე ვერძშია – რეკომენდებულია: მონანიება, მიტევება, მარხვა. სახლის განწმენდა და დალოცვა. კარგია ყველაფერი ზედმეტის მოშორება. არ არის რეკომენდებული: მოლაპარაკებების წარმოება. აზრებისა და იდეების სხვებისთვის გაზიარება. გაუფრთხილდით ხერხემალს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს. ამ დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ პასუხობს კელი დეგნანი ლევან მურუსიძის განცხადებას, რომ აშშ-ს მხრიდან ქართულ სასამართლო სისტემაში ჩარევის მტკიცებულებები აქვს
17:24 / 06-04-2023
[ლევან მურუსიძის] რეაქცია, რაც ჩვენ ვნახეთ, არის ზედმეტად ემოციური, იმიტომ, რომ ჩვენ გვაქვს ძალიან კარგი ურთიერთობა სასამართლო სისტემასთან, იუსტიციის სამინისტროსთან, - ასე გამოეხმაურა ტელეკომპანია "მთავართან" ინტერვიუში ამერიკის შეერთებული შტატების ელჩი, კელი დეგნანი მოსამართლე ლევან მურუსიძის მიერ გაკეთებულ განცხადებას იმასთან დაკავშირებით, რომ ამერიკის შეერთებული შტატების მიერ სასამართლო სისტემაში ჩარევის მტკიცებულებები აქვს.
როგორც დეგნანმა აღნიშნა, ოთხი მოსამართლე, რომელსაც აშშ-მა სანქციები დაუწესა, ხელს უშლის სხვა მოსამართლეებს სურვილში, მართლმსაჯულება ჩარევის გარეშე აღასრულონ.
"სანქციები, რაც გამოცხადდა არის მათ წინააღმდეგ, რომლებიც ჩართულები არიან კორუფციულ საქმიანობაში და ხელს უშლიან დამოუკიდებელი სასამართლო სისტემის მშენებლობას. მათ ეკრძალებათ ამერიკაში შესვლა. ეს მოითხოვება ამერიკის კანონმდებლობით. ჩვენ გვაქვს საკმარისი მტკიცებულება, რომ ეს ადამიანები ჩართული არიან კორუფციულ საქმიანობაში, ეს იყო გადამწყვეტი და სწორედ ამიტომ, გუშინ, ეს სანქციები გამოცხადდა. ეს ნაბიჯები მიღებულია საქართველოს სურვილის მხარდასაჭერად, რომ ჰქონდეს დამოუკიდებელი სასამართლო სისტემა. ეს არის პროცესის ნაწილი, რომელზეც საქართველო წლების განმავლობაში მუშაობდა და ამერიკა მხარს უჭერდა მას ამ ძალისხმევაში.
ამერიკა ხელისუფლებასთან 4 ტალღის რეფორმაზე ძალიან კარგად მუშაობდა. შთამბეჭდავი პროგრესიც მიიღწა. თუმცა ბოლო წლებში ჩვენ ვნახეთ, რომ პოლიტიკური ნების ნაკლებობა იყო, რომ შინაარსიანი რეფორმები გაგრძელებულიყო, განხორციელებულიყო, რაც სასამართლო სისტემას ნამდვილად გახდიდა დამოუკიდებელ და გამჭვირვალე ინსტიტუტს.
რეაქცია, რაც ჩვენ ვნახეთ, არის ზედმეტად ემოციური, იმიტომ, რომ ჩვენ გვაქვს ძალიან კარგი ურთიერთობა სასამართლო სისტემასთან, იუსტიციის სამინისტროსთან. წლების განმავლობაში ვეხმარებით საქართველოს გააუმჯობესონ ეფექტურობა, მოსამართლეების ტექნიკური უნარები, ვმუშაობთ მოსამართლეებთან. ძალიან ბევრ მოსამართლეს შევხვედრივარ, ისინი არიან შრომისმოყვარეები, პროფესიონალები, კეთილსინდისიერები და ერთგულები, რომ შეასრულონ თავიანთი საქმიანობა, აღასრულონ მართლმსაჯულება ჩარევის გარეშე, მათ ეს სურთ და მათ ამის შესაძლებლობა უნდა ჰქონდეთ. ეს ოთხი ადამიანი, სპეციფიკურ ინფორმაციაზე დაფუძნებით, რაც ჩვენ გვქონდა, ხელს უშლიდნენ ამ მოსამართლეებს ამ თავის სურვილში.
ეს არ არის პოლიტიკურ პარტიაზე, არც ზოგადად სასამართლო სისტემაზე, ან ყველა მოსამართლეზე, ეს არის ოთხ კონკრეტულ პირზე, რომლებიც ხელის შემშლელები იყვნენ. აშშ-ის კანონმდებლობის მიხედვით ისინი ჩართულები იყვნენ კორუფციულ გარიგებებში და მათ არ აქვთ უფლება შემოვიდნენ აშშ-ში. რაც შეეხება კითხვას, ვინ შეიძლება იყოს შემდეგი, ჩვენ ჩვენს სანქციებს წინასწარ არ ვაანონსებთ. ჩვენ გავაგრძელებთ მუშაობს პარტნიორებსა და ხელისუფლებასთან კორუფციასთან ბრძოლის წინააღმდეგ. მოსახლეობაში არ უნდა არსებობდეს კითხვები სასამართლოს დამოუკიდებლობასა და მიკერძოებულობასთან დაკავშირებით“, - განაცხადა კელი დეგნანმა.
რაც შეეხება მმართველი პარტიის განცხადებას, რომ შესაძლოა, მომავალში დადგეს დრო სატელეფონო საუბრების გასაჯაროების, დეგნანის თქმით, მას არაფერი აქვს დასამალი.
"არ ვიცი რაზე საუბრობს, მე არაფერი მაქვს დასამალი. საუბრების მოსმენაზე ყველა ქართველი იქნება შეშფოთებული, იმიტომ, რომ მის სატელეფონო საუბრებს უსმენენ. მე არ ვიცი რაზე საუბრობს, თუმცა მე არაფერი მაქვს დასამალი“, - განაცხადა დეგნანმა.
ნახეთ ასევე:
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი - მინუსები და პლუსები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დეგნანის ინფორმაციებზეა აგებული ეს სანქცია, დარწმუნებული ვარ დეგნანი დაისჯება მის ქვეყანაში მალე , ის ამეტებს მანდატს, სალდაფონია და არა დიპლომატი, ასეთებს მიუჩინეს ადგილი ერდოღანმა და ორბანმა! ეს ქალი მარტო ნაცებს მოსწონთ კანტიკუნტად, ჩვენ ნაცები მასიურად არ მოგვწონს, ამიტომ ეს გავუშვათ ნონგრანტად და ნაცები არ გავუშვათ-იჯდნენ ერხანს! დემოკრატია არ არის ჭრელი ნიფხავი ძალად გახადეს , თუ თავად ჩაიხადა, მძაფრ სიუჟეტიან რეპორტაჟებს რომ უძღვნიან მედია ტვ ნაცნეო და პოსტბოლშევიკები, დემოკრატიაა დაზუსტებული საარჩევნო სიით უკოეფიციენტო ხმის დათვლით ერთი ერთში ჩატარებული არჩევნები, ხელისუფლების ანგარიში და ვოტუმი რეფერენდუმზე და გამოკითხვა პლებისციტზე, არცერთი თვალით რომ არ გვინახავს და ნიფხვები რამდენიც გინდა, თუ ამერიკელებს გაქვთ ტოტი ნიფხვები მოგვაშორეთ და მაიტათ დემოკრატიის სამივე ინსტრუმენეტი, თუ არ გაქვთ და აქ საომარი ლელო გჭირდებათ და დეგნანის ჭკუაზე დადიხართ და მიშას ნარჩენების, თქვენნაირი მავნე და უუნარო რუსიც გვყოფნიდა და აახვიეთ ერთად!
ეს კიდე აქაა წადი ბიძია წადი თავმოყვარეობა არ გაქ