"წარმოგიდგენიათ ამას, რომ ვინმე გაბოროტებულმა ცეცხლი წაუკიდოს..." - ათასობით გადაყრილი საბურავი გლდანში: რა საფრთხეებზე საუბრობენ სოცქსელში? (ფოტოები)

სოციალურ ქსელში ვრცელდება ფოტოები, სადაც ჩანს, რომ გლდანის ტერიტორიაზე მოსახლეობის მიერ წლების მანძილზე უამრავი გამოუსადეგარი საბურავია გადაყრილი. მოსახლეობა შეშფოთებას გამოთქვამს და საფრთხეებზე წერს. გარდა გარემოს დაბინძურებისა, ხანძრის შემთხვევაში დიდი ალბათობით მინდორი სრულად გადაიწვება:

ბილი ბილიხოძე:

- თურმე 2022 წლიდან მოყოლებული, თბილისთან ძალიან ახლოს, ფაქტიურად გლდანში, ზედ გზასთან, სადაც დღეში ათასობით მანქანა დადის, ხედავთ აი, ამ გადაყრილი საბურავების გორას, რომელიც კოსმოსიდანაც კი ჩანს. "გუგლ მაპის" სქრინს დავდებ ფოტოებში.

აქამდე როგორ არავინ არაფერი ზომა არ მიიღო. გენაცვალეთ შიგ საქართველოს სიყვარულში გამოცლილ ფიალებში. წარმოგიდგენიათ ამას, რომ ვინმე გაბოროტებულმა ადამიანმა ცეცხლი წაუკიდოს ან ზაფხულში მინდორი აალდეს და გადაეკიდოს საბურავებს. გვაკლია კანცეროგენები და კიბო ქვეყანაში ხომ?

აი, ის ამბავია პრიორიტეტში რომ უნდა ჩასვათ და უახლოეს დღეებში ეგ საბურავები მოაშოროთ. რამდენიმე კილომეტრში გაქვთ ორი დიდი ნაგავსაყრელი (გლდანის და მეორეს მგონი ნორიოს ნაგავსაყრელი ქვია) და რომ არ მოდუნდეთ მე და ხალხი დაგეხმარებით ამ ფოტოების გაზიარებით

პოსტის კომენტარებში წერენ, რომ პრობლემა დიდი ხანია არსებობს და მოსახლეობამ არაერთხელ მიმართა შესაბამის უწყებებს, მაგრამ მათ რეაგირება არ ჰქონიათ.