მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვგეგმავთ სერიოზული მსხვილი პროექტების დაწყებას, როგორიც არის ანაკლიის პორტი - გვინდა, რომ დავიწყოთ მშენებლობა შემოდგომაზე" - პრემიერი
14:50 / 03-04-2023
საზოგადოებას მინდა ვუთხრა, რომ ჩვენ შარშან გვქონდა პირდაპირი უცხოური ინვესტიციების ისტორიული მაქსიმუმი, 2 მილიარდზე მეტი იყო FDI-ს მაჩვენებელი, - ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.
პრემიერის თქმით, ჩვენი ქვეყნის რეზერვები დღეს გვაქვს ისტორიულ მაქსიმუმზე.
"მიმდინარე ანგარიშის დეფიციტი არის ისტორიულ მინიმუმზე. მთლიანი შიდა პროდუქტი, მთელი ქვეყნის ეკონომიკა ასევე არის ისტორიულ მაქსიმუმზე. ერთ სულ მოსახლეზე გადაანგარიშებით ასევე არის ისტორიული მაქსიმუმი, 8 000 დოლარამდე იქნება წელს უკვე. უმუშევრობა და სიღარიბე გვაქვს ჩვენ ისტორიულ მინიმუმზე. გრძელდება ფასების შემცირება მედიკამენტებზე, სურსათზე, საწვავზე. ჩვენ ასევე გვქონდა პირველადი საუბარი პურის მწარმოებლებთან და გვაქვს მოლოდინი, რომ მათგანაც მოხდება ასახვა, ფქვილის ფასებზე, ვინაიდან, დაფიქსირდა ძალიან მნიშვნელოვანი კლება, შესაბამისად, უნდა მოხდეს ასახვა პურის ფასებზეც. ამის თაობაზე ბატონი ოთარ შამუგია უკვე ესაუბრა თავის დარგში მომუშავე მწარმოებლებს და გვაქვს პოზიტიური მოლოდინი. მთლიანობაში, მინდა გითხრათ, რომ საკმაოდ პოზიტიური მოლოდინები გვაქვს წელს.
ჩვენ ასევე ვგეგმავთ სერიოზული მსხვილი პროექტების დაწყებას, როგორიც არის ანაკლიის პორტის მშენებლობის დაწყება, წელსვე გვინდა, რომ დავიწყოთ მშენებლობა, შემოდგომაზე.
ასევე აეროპორტის მიმართულებით გვაქვს ჩვენ სერიოზული გეგმა, რომ წელს, წლის ბოლომდე მოვახდინოთ ახალი პროექტის შეჯერება, დამუშავება. ჩვენ გვაქვს ინტერესი, რომ ერთ-ერთი საუკეთესო აეროპორტი იყოს რეგიონში ახალი აეროპორტი, რომელსაც 2-3 წელი დასჭირდება, რომ აშენდეს. ესეც რამდენიმე ასეული მილიონი დოლარის ინვესტიციას გულისხმობს. აეროპორტი, პორტი, რა თქმა უნდა, გრძელდება ინფრასტრუქტურა, გზების მშენებლობა და ჰესები, მსხვილი ჰესების მშენებლობა. ეს პირდაპირ იქნება ბონუსი და დამატებით, ასე ვთქვათ, დაბუსტავს ეკონომიკურ ზრდას, ისედაც მაღალ ეკონომიკურ ზრდას. ეს არის ჩვენი მოლოდინები უახლოესი ერთი წლის და მომდევნო წლების განმავლობაში“, - განაცხადა ირაკლი ღარიბაშვილმა.
მკითხველის კომენტარები /
51 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ანაკლია, ან სხვა რომელიმე პროექტი, კერძო შემთხვევაა, ვერ იქნება მთავარი და გადამწყვეტი მნიშვნელობის, სისტემაა გადამწყვეტი, პროდუქტიული სისტემა, ჩვენი ბერწია! ეს ჩვენი ექსპერტები მართალია ავრორას გასროლის დროიდან დგანან რეჟიმის სამსახურში, ნამსახურეობისა ეკუთვნით უკვე, მაგრამ თქვენი ნამსახურების არა ხალხო, თქვენ ესენი გკვებავენ საკენკით, თავი რომ მაღლა არ აწიოთ, სიმართლეს კი უექსპერტოებადაც ყველა კარგად ხედავთ, ძირს ძევს და თავდახრილებიც ხედავთ : დიახ, ეს სისტემა ბერწია, შიგნიდან წითელია და გარედან ცისფერი, ის გამორიცხავს ეკონომიკურ წარმატებას და საყოველთაო კეთილდღეობას - სახელმწიფოს ფუნქცია რეპრესია ექსპროპრიაცია და მმართველი კლანის დაცვაა ხალხის მძვინვარებისაგან! აქ ხალხი დატუსაღებულია, აღარ ქმნის, რაც შექმნეს, წაართვეს! პარპაშებს ბანკოკრატია, სამოხელეო პლუტოკრატიული ოლიგარქია და სამართალდამცავ მაკონტროლებელ დამსჯელ მიმსჯელი სისტემა! დარღვეულია განვითარების მთავარი პრინციპი - სახელმწიფოს და რიგითი მოქალაქის ურთიერთმიმართების ბალანსი, აქ პრიორიტეტი გადახრილია ზედამხედველად ქცეული, გაქსუებული, უსაქმური და ფუქსავატი კომკავშირულ ფესვებიანი კასტის მხარეს, ის მითვისებული ძალით და უფლებით ჩვენთან ყოველთვის "მართალია"!
დილეტანტებს ექსკურსს ჩაგიტარებთ, არხანგელსკის პორტი შარშან "გაიზარდა" და გადაასწრო ფოთისას , შარშანვე რუსეთმა 40 მილიონი ტონის ახალი სიმძლავრე "დადგა" , ანუ იმდენი დაიმატა სიმძლავრე , რამდენიც ჩვენ პორტებიან მილსადენებიან ავია და ავტოგზებიანად ოდესმე გაგვიტარებია, ყველა პორტის ჯამური ბრუნვა 842 მილიონი ტონა ქონდათ, აქედან 667 ექსპორტი, იმპორტი მხოლოდ 36 , კაბოტაჟი 77 და ტრანზიტი 62 მილიონი ტონა, ესაა ჩინეთი ევროპა სულ 62 მილიონი და დანარჩენი მსოფლიო რუსეთზე 36 მილიონი , ჩინეთმა ექსპორტზე გაიტანა 10 მილიარდი ტონა და რუსეთის ახლოსაც არ გაუვლია ამ ტვირთს, რატომ გგონიათ რომ ანაკლიას გაივლის ასი მილიონი , თუნდაც ?! რა თაფლის კასრსა დგამთ ანაკლიაში ?! იგივეს, რაც მის გარეთ დგას და რომ ვერ იზიდავს ვერაფერს? არ მოვა აქ ასი მილიონი ტონა, ოცნებაა ეგა , და რომ მოვიდეს ვერ გაივლის , რომც გაიაროს, კასპიის ზღვას ვერ გაივლის, ამიტომაა ვასიუკი!