რობერტ დაუნი უმცროსის ნაღეჭი საღეჭი რეზინი აუქციონზე იყიდება და მისი საწყისი ფასი 40 000$-ია

ჰოლივუდის ვარსკვლავის, რობერტ დაუნი უმცროსის თაყვანისმცემელი მსახიობის ნაღეჭ საღეჭ რეზინს აუქციონზე ყიდის.

რობერტის ერთ-ერთი ფანი ამტკიცებს, რომ მსახიობის საღეჭი რეზინი აქვს და მას Ebay-ს აუქციონზე ყიდის.

მისი თქმით, ეს ის საღეჭი რეზინია, რომელსაც მსახიობი რეჟისორ ჯონ ფავროს ვარსკვლავის გახსნის ცერემონიის დროს ღეჭავდა. რობერტ დაუნი უმცროსმა ნაღეჭი რეზინი ვარსკვლავზე ხუმრობით დააკრა.

მისი გამყიდველი კი ირწმუნება, რომ მან საღეჭი რეზინის ხელში ჩაგდება მოახერხა.

გამყიდველის თქმით, მსურველს შეუძლია დნმ-ის ტესტი ჩაატაროს: "საღეჭ რეზინს იმავე მდგომარეობაში ვყიდი, რომელშიც ის თავდაპირველად იყო, შეგიძლიათ დნმ-ის ტესტი ჩაატაროთ".

რობერტ დაუნი უმცროსის საღეჭი რეზინის საწყისი ფასი 40 000$-ია. აუქციონი 1-ელ აპრილს დასრულდება.

წყარო: nypost

მოამზადა: ანა სიბოშვილმა