სულ სხვანაირი ჯულია რობერთსი - ჰოლივუდის ვარსკვლავი განსხვავებული ვარცხნილობით გამოჩნდა (ფოტოები)

ჯულია რობერტსი Chopard-ის ძვირადღირებული საათების გამოფენაზე, რომელიც ჟენევაში, შვეიცარიაში გაიმართა, ახალი იმიჯით გამოჩნდა. მსახიობს, როგორც წესი, შუაზე გაყოფილი ხვეული თმა აქვს, თუმცა ამჯერად მისთვის ტრადიციული ვარცხნილობა შეცვალა და წინამოთი ვიხილეთ.

ჯულია საათების აღნიშნული ბრენდის ელჩია. ის წითელ ხალიჩაზე Chopard-ს პრეზიდენტებთან, კარ-ფრიდრიხ და ქეროლაინ შოუფელებთან ერთად პოზირებდა..

ჯულიას ფანებს ვარცხნილობის ცვლილება არ გამოჰპარვიათ და არც პოზიტიური კომენტარები დაიშურეს.

"საყვარელი ვარცხნილობაა, ჯულია“, "ძალიან მომწონს თმა“, - წერდნენ ისინი "ინსტაგრამის" პოსტის კომენტარებში.

"ჯულიას შავი თმაც ჰქონია, ჟღალიც, ქერაც, გრძელი და მოკლე ვარცხნილობებიც - მას არ ეშინია ექსპერიმენტების. ჯულიას უფრო მეტად მარტივი და ბუნებრივი ვარცხნილობები უხდება. შესაძლოა, ერთ დღეს ქერა თმაში ნახოთ და თქვათ, რომ არაჩვეულებრივი ფერია და ძალიან უხდება, მაგრამ მეორე დღეს ჟღალ თმაში ნახვის შემდეგ, სულ დაგავიწყდეთ ქერა. ამ მხრივ ჯულია ჯადოსნურია“,- ამბობს მსახიობის სტილისტი, სერჟ ნორმანი ერთ-ერთ ინტერვიუში.

წყარო: pagesix

მოამზადა: ანა