სტიქია ბათუმში - ადგილობრივების თქმით, ძლიერმა ქარმა საცხოვრებელ სახლებს სახურავები ახადა და ხეები წაიქცა
ბათუმში, ძლიერი ქარის შედეგად ფრიდონ ხალვაშის ქუჩაზე რამდენიმე ხე წაიქცა. ადგილობრივების ინფორმაციით, შემთხვევის შედეგად არავინ დაშავებულა, თუმცა წაქცეულმა ხეებმა მსუბუქი ავტომობილი და ინფრასტრუქტურა დააზიანა.
“ძლიერი ქარია, რამდენიმე წუთის წინ, ევკალიპტის ხეები წაიქცა, დააზიანა ავტომობილი. საბედნიეროდ, მანქანაში მყოფებმა გადმოსვლა მანამდე მოახერხეს. ქარმა საცხოვრებელ სახლებს სახურავები ახადა და სადენები დააზიანა”, - აცხადებს ერთ-ერთი ადგილობრივი.