7
ივლისიდღის ზოგადი ასტროლოგიური პროგნოზი
მუხიანში მომხდარ მკვლელობაში ბრალდებული, 38 წლის მამაკაცი ამბობს, რომ 64 წლის რამაზ ბასილაძე მასზე ფსიქოლოგიურად ძალადობდა და მუქარას ახორციელებდა, რასაც მკვლელობა მოჰყვა.
ამის შესახებ მან სასამართლო პროცესზე განაცხადა და ითხოვა, რომ უვადო პატიმრობა არ მიუსაჯონ.
"დაზარალებული ახორციელებდა ფსიქოლოგიურ ზეწოლას, მუქარას, რაშიც ვგულისხმობ იმას, რომ ან დავთანხმდებოდი იმას, რასაც მთავაზობდა, რამეს მოიმოქმედებდა. მაინც მინდა შეგახსენოთ ის, რაც მოხდა, რათა თქვენ გაითვალისწინოთ და სასჯელად უვადო პატიმრობა არ მომისაჯოთ," - ამბობს ბრალდებული.
ცნობისთვის, 22 მარტს მუხიანში, დუმბაძის ქუჩაზე მდებარე ერთ-ერთი კორპუსის ლიფტში გარდაცვლილი მამაკაცი იპოვეს. გარდაცვლილს სხეულზე ათეულობით ჭრილობა ცივი იარაღით ჰქონდა მიყენებული. შინაგან საქმეთა სამინისტროს ინფორმაციით, მკვლელობაში ბრალდებულმა კვალის დაფარვაც სცადა და ცხედარს ცეცხლი წაუკიდა. უწყების ცნობით, მოკლული და ბრალდებული ერთმანეთს კარგად იცნობდნენ.
"გამოძიებით დადგინდა, რომ ბრალდებულმა მიმდინარე წლის 22 მარტს, თბილისში, ურთიერთშელაპარაკების ნიადაგზე, ცივი იარაღით ათეულობით ჭრილობა მიაყენა ნაცნობს - 1959 წელს დაბადებულ რ.მ.-ს, შემდეგ კი, კვალის დაფარვის მიზნით, ცხედარს ცეცხლი წაუკიდა და შემთხვევის ადგილიდან მიიმალა.
პოლიციამ, ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულში ბრალდებული ე.ა. მომხდარიდან რამდენიმე საათში დააკავა.
გამოძიება საქართველოს სისხლის სამართლის კოდექსის 109-ე მუხლის “მ” ქვეპუნქტით მიმდინარეობს, რაც განსაკუთრებული სისატიკით ჩადენილ განზრახ მკვლელობას გულისხმობს”, - ნათქვამია შსს-ს მიერ გავრცელებულ ინფორმაციაში.
ნახეთ ასევე:
ნახეთ ვიდეო:
ცეცხლი რომ მოდებულიყო და ადამიანები დაღუპულიყო მერე სად მიდიოდა ალვარო ნაძირალა
განზრახ მკვლელობაზე მინიმუმ 50 წელიწადი შეწყალების გარეშე!